شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

الركام 2013-02-08 07:11 PM

على راس رجمٍ ما بدا فيه كون ثنين

حرام على متريّح البال يرقابه

بداه الفقير المومن اللي جفاه الدين

وسلم يديه لواحد ما قفل بابه

وسجد ركعتين وفاضت عيونه الثنتين

وطلب عفو ربه يوم لقياه وحسابه

وبداه الجريح اللي فقد نعمه السالين

بعد ماتقافت سود الايام باحبابه

بدابه وهو مابين يالله وبين آمين

لعل الفرج في طلعة الرجم وارقابه

وحول وهو ما بين ونه ودمعة عين

وضحك من صواديف الزمان وتقلابه

لمح يوم شرف تالي ضعونهم مقفين

شهاتيك.. قطعان اريش العين واركابه

على وين؟ مدري لكن اقفو ولا ادري وين

تناحو وقفو عادلي فيهم أطلابه

بغت كبدي من افراقهم تنقسم نصفين

وسمها الحزن وظروف الأيام غلابه

وجودي على ساعة لقاء عاد حن حيين

وجودي عليه وبري حالي من غيابه

يا صعب المفارق بين الأحباب والغالين

خصوصٍ ليا من صرت واحد من اسبابه

افراق يجي من بعد عشرة ثمان سنين

ولا فيه يوم يمرنا مالتقينابه

تمرّ السنين ويمضي من العمر ثلثين

وانا كل يوم يمر مافكر الا به

اقول اسقني باموت ويقول لي بعدين

يلين أقفت صدوف الليالي بمشرابه

طوير الوصل كسّر جناحه وطار بزين

وخدين المفارق جاك يومي بمشعابه

غدت جيته حرمٍ علي لين يوم الدين

وغدت شوفته لو هي على الطاير أنهابه

يقولون بعد القلب ماهوب بعد العين

وانا اقول بعد العين والقلب متشابه

تراني نذيرك ياقتيل الهوا المسكين

نصيحة مجرب مره الحزن واقفابه

دخيلك تجنب قولة عاد حن ممدين

الأيام عجله والعمر ما يضحابه

بقآيآ .. حرف 2013-02-08 08:51 PM

حطني في وجهك من البوق واخذّ اللي تورّى
دوك صـــــدري والــجـــروح أثـــــاث والــونّـــه مــطــيّــه
أرتحلـهـا لـ/ أهـجـعّ السـالـي ودمــع العـيّـن ســـرّى

من مغيب الشمس لين الصبح ينبي عن مجيّـه
أقرب جروحي حدث ما شالـه الظـرف المغـرّى

لــيّ ثــلاث أيـــام اشـيــل الـظــرف وأشـيــل الـهـديّـه

بقآيآ .. حرف 2013-02-08 10:13 PM

زاد وازرتـي بـوزرّ وزاد فـوق الحـرّ شــرّى
والله أعلـم وش تكـون ألـنـا الحـيـاه البرزخـيّـه
بس يا ترف الصبا حاول من جروحي تبـرّى
ميتً من فعلّ غيـرك ...لا تـورط ف.القضيّـه

بقآيآ .. حرف 2013-02-08 10:22 PM

مريت حدب الضلوع ولا نطقت السلام
ســلام يــا روحــي الـلـي شـوقـهـا جـابـهـا
ياليتهـا يــوم طـبـت بالـرضـى والخِـصـام
مـــا حـطــت الـبـعـد هاجـسـهـا وهنـدابـهـا
بعـض السوالـف عليـهـا نايـحـات الحـمـام
هزت غصون المشاعر وأمطرت مـا بهـا
يــا زايرتـنـي رضــا وإلا عـلــيّ الـحــرام
مـــا أفـــك بـابــي لـنــاسً مـنـقـفـل بـابـهــا

بقآيآ .. حرف 2013-02-08 10:31 PM

هو ليه يا عذب الحروف الصمت عيّا لا يـذوب
وانا أصدق أحساسي ينادي لك وصمتي يذبحـه
أن جت بك الخطوه ترفق / لا تضيعك الدروب
انـا أكـثـر انـسـانً حـيـاءه مــن التلـفـظ يجـرحـه
عانقت حبك لين صار الصدر من هوج الهبوب
بيـتً خـوى عـرشـه ولا للـنـاس يـمـه مصلـحـه
مدري تصير انت /انت كفـارة قديمـات الذنـوب
و ألا تكون اللـي عـرض قلبـي لطـب المشرحـه

خوي النهار 2013-02-08 11:15 PM

من يقول إن التعب أقفى وغاب ،
هذي عيونه على قلبي .. تويق
!
ضيقة ٍ بالصدر .... ما منها عذاب !
العذاب : (صدور ) بـ عيوني تضيق !

خوي النهار 2013-02-08 11:32 PM

للغياب أعذار وأولها هروب من الجروح !!
لاغفى حظك وضاقت في مساعيك ، الدروب

دثر أنفاسك : وصك أبواب يأسك / لاتبوح
غير للي صان وجه الشمس ولبسها الغروب

خوي النهار 2013-02-08 11:45 PM

قررت اعيش العمر / بحساس رحآل
................. ما اتحمل الصدمه / على كل فرقى
النفس لو صارت/للاحزان مدهال
......................عودتها دايم على الطيب ترقى
والحب واضح / والوفا ماله اشكال
.................. مثل السماء من شافهاقال زرقا



بقآيآ .. حرف 2013-02-09 06:48 PM

وش تبينآ نسوي ..؟! وش تبينآ نقول
والله إن السكووت أحيآن مآله ثمن !
مآله إلآ التمني ،، يآ ثقيل الحمول
لآ تضآيقت ،،، عوّد للخيآل و تِمن !
غآب وجه القنآعه عند وجه الفضول
هِن عَطن اليدين اليوم ،، ولآ خَذن

بقآيآ .. حرف 2013-02-09 06:58 PM

[align=center]
الله يسامحك آخر مانطقه اللسان


ياحلمي اللي قضيت العمر وانا ارقبه


هذي محطاتنا / تجمع جروح الزمان


وهذي سنين الغرام المعشبه ( مجدبه )


ايه انتهينا / ولاباقي زمان , ومكان
الا وذكراك تآخذ منه , ( عمر وشبه )
[/align]


الساعة الآن 06:40 PM

Powered by vBulletin .
جميع الحقوق محفوظة © لشبكة ومنتديات البراري 2010