|
من فوق صلع اطويق والشمس غايبة
بسم الرحمن الرحيم معانات ابن الاخ بعدما طلبت منه زوجته الطلاق ابن اخي كان يقدرها ويحبها طلب مني اكتب له هذي المعانات على لسانه على طرق الهلالي من فوق ضلع طويق والشمس غايبه/ هليت دمع العين والنفس طايبه/ طابت من اللي خان ذكراي وابتعد/ حسيبه الله يوم قفت ركايبه/ أجر صوتي كلها أسباب صدته/ لوا عذاب القلب زود لهايبه / يمر بي وقتي وأنا الفكر معتجب/ على سواته يوم زلت سحايبه/ ليا هبوب النود هبي بريحها/ ينعش لقلبي كان هبت هبايبه! ياوجد حالي وجد غايب عن البلد/ زود ن على الغربه كثيرة مصايبه/ ياقوّ قلبه يا هلي كيف ما رحم/ كل الرجاوي في لقا الخل خايبه/ ياعاذلين القلب ياحر فقدها / كبدي بعد فرقا أريش العين ذايبه/ لو وصلها ممكن وحيد ن وصلتها/ والله لا أصلها لو الرجل عايبه/ العيش ماله طعم ياناس دونها/ من زود همي شوفوا العين شايبه/ ماتنفع الخفرات لو يجمعونها/ عنها بليا شك ماهيب نايبه/ خيالها ماتفارق العين طلته/ لو إنها ياناس ماهيب ثايبه/ عشت بسعاده ياعرب في وجودها/ عن شي يسعدني فلاهيب هايبه/ لاهمت في حب الحبيبه وضرني/ لاتعذلون القلب وأرياي صايبه/ على وفاق سنين عده قضيتها/ ماأدري لنا الأقدار هي ويش جايبه/ لو الوصل يآتي بقوه وصلتها/ لو الدمي في شذرة السيف رايبه/ عزيت نفسي بالصبر وانتهى الصبر/ ياكثر ماأنصحها ولاهيب تايبه/ |
الله المستعان
كان الله في عونه اللهم ارحم حاله قصيدة مؤثرة جدا بارك الله فيك شاعرنا الفذ / عبدالمحسن الرحمه |
صح لسانك ياعبدالمحسن الرحمة قصيدة رائعة ومعبرة
وعسى الله يردهم لبعض |
من فوق ضلع طويق والشمس غايبه
هليت دمع العين والنفس طايبه طابت من اللي خان ذكراي وابتعد حسيبه الله يوم قفت ركايبه صح لسانك ألف كما يقال بالجنوبي أبدعت شاعرنا عبدالمحسن تقبل مروري |
الواثق بالله
حياك رب الكون مراقبنا الغالي سعدت كثيرا في مرورك العطر دام عزك سيدي |
الركام شاعرنا المميز
ياهلا فيك مليون صح ابدنك كل الشكر على هذا المرور العطر كل تحايا سيدي |
مراقبنا الفاضل بقايا
ياهلا فيك سيدي النور زاد في متصفحي كل الشكر لك وصح الله ابدنك |
صح لسانك ياعبدالمحسن ..
قصيده جميله .. أسأل الله أن يصلح الحال .. اللهم آمين .. رذاذ |
| الساعة الآن 11:29 AM |
Powered by vBulletin .
جميع الحقوق محفوظة © لشبكة ومنتديات البراري 2010