شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   العبن تدمع وقلبي صايبه عله (https://www.albrari.com/vb/showthread.php?t=90171)

عبدالمحسن الرحمه 2018-03-24 01:39 PM

العبن تدمع وقلبي صايبه عله
 
العين تدمع وقلبي صايبه عله
والصبر مني تعدا حده الداني
مسكين ياقلبِ له عامين عن خله
وانا على شوفه بالحيل شفقاني
ياناس قلبي صطابه حبه وعله
بسباب خلٍ تناساني وخلاني
عطاه ربي من أوصاف الحسن كله
سبحان معطي عطى من دون نقصاني
خلي يشابه غزال الريم في حله
وله مبسمٍ والثنايا حب رماني
والخد كنه بروق المزن منهله
والعين حورى ورمش العين يسباني
يالله صبرني صبر أيوب في العله
صبر وربي عطاه الحور بجناني
ياليتني طايرٍ فوق الملا كله
لا هيض اللي على قلبي من أحزاني
أسهر على رجوته والروح منسله
ودموع عيني تاحدر فوق الاوجاني

بقآيآ .. حرف 2018-03-25 10:45 AM

يالله صبرني صبر أيوب في العله
صبر وربي عطاه الحور بجناني

صح الله لسانك
أبدعت شاعرنا الجزل لا حرمنا الله تواجدك
كل التحايا

رذاذ 2018-04-02 07:23 AM

ماشاءالله .. تبارك الله
ثمة شعراء
يدخلون باب القصيدة ..
بلا إستئذان ..
وثمة أنت ،،،
تأتي إليك القصيدة ،،
وتطرق بابك ..
صحت يمينك على هذا الإبداع ..

رذاذ

سحاب شقراء 2018-04-17 06:30 PM

بسم الله عليك من كل شينن وعله

طلبت ربي ومن ترجاه ماخاب

يالشاعر الي من قصيده مامله

وللزلفي في قلبي غلا وديره احباب

وسرح مع الهوجاس وذكر محله

سليمان ولد الصحن راح بسباب

يالله عسا الفردوس داره وظله


الساعة الآن 09:31 AM

Powered by vBulletin .
جميع الحقوق محفوظة © لشبكة ومنتديات البراري 2010