شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2018-10-18 09:38 AM

اصحابي اللي بديت انسى ملامحهم
ماعاد لي قلب روحوا دوروا غيري

و عدواني الاولين الله يسامحهم
اتعبتهم لين صاروا من جماهيري

بقآيآ .. حرف 2018-10-24 09:55 AM

حزنك شتا والا بقايا من الصيف
يا وجهي الغايم خذلني صباحك
الدار دارك ما انت طرقي ولا ضيف
هذي نفود ارضك وهذي رياحك
وهذي معاميل الغلا واشقر الكيف
فنجال فنجالين تشفي جراحك

مهدي بن سعيد

بقآيآ .. حرف 2018-10-24 09:58 AM

كيف تنسى! وتسلى والوجع فيك فيـك
كيـف والحلــم خطوه ملّها،،، ظلّها
عاد لاصار همي من عطا راحتيك
قلت للروح تنسى حبك احسن لها

عبدالعزيز بن علي

بقآيآ .. حرف 2018-10-24 10:05 AM

يارفيق الليالي زل غيظك وطاف
إطلق البسمة العذرا لعشّاقها
..
نصف يدّك ربيع ونصف يدّي جفاف
إجمع الراحتين وسرّح نياقها ..!

مهدي بن سعيد

بقآيآ .. حرف 2018-10-24 10:09 AM

يامتعب الخطوه على الدرب لاهنت
وشلون تحزن والشمال بجهاتك

مهدي بن سعيد

بقآيآ .. حرف 2018-10-24 10:13 AM

ليلي عواصف لاتحسبه نسانيس
شف وش حصل في سقف قلبي وبابه
هواجسي.. ماتشبه الّا هواجيس
راعي حلال" امرح بـ "وادي ذيابة

خلف الاسلمي

بقآيآ .. حرف 2018-10-24 10:25 AM

تشكي علي الهموم الكايدة.. والتعب
وانا مع الصوت عن معناه مبحر بعيد
قالت: وش الحل قلّي؟ قلت: صوتك طرب!
منصت لحزنك؛ ولكنّي بصوتك سعيد !

خلف الاسلمي

بقآيآ .. حرف 2018-10-30 08:07 AM

عز الله ان آخر هوى النفس الاقناع
مهما ..! يكون النصح والعذل واللّوم
,
( لآ وهني ) بعض العرب يكبر بساع
و يـزوّد اعـلـوم (ن) و يـزداد بـعلوم
,
وحنّا كبرنا غير في بعض الاوضاع
( و الله ) ..! ما كـنّا كبرنا ولا يـوم

سعد بن جدلان رحمه الله

بقآيآ .. حرف 2018-10-30 08:09 AM

عندي يقين ان لي من الله حراس
لو ما عرج بي للسما بكف جبريل

فهد الصعيري

بقآيآ .. حرف 2018-10-30 08:13 AM

ليت مالي عين تدمع ولا قلب(ن) رهيف
ودي ان الزين والشين في عيني سوا

بقآيآ .. حرف 2018-10-30 08:23 AM

كل يوم اقول للشمس لا تستعجلين
الظلام يضيّق الصدر ويبيح الخفا

بقآيآ .. حرف 2018-10-30 08:25 AM

قد لا تراني ظاهِرًا بالحزن لكني حزين
امرّ بأيام(ن) مثل ريش الغراب ألوانها

بقآيآ .. حرف 2018-10-30 08:29 AM

إذا وقعت عينك على صاحب ذنب فلا يقع في نفسك العزة وأنك خيرٌ منه…!
هو فُتن وأنت برحمة الله نجوت…!
فادع الله له بالهداية ولنفسك بالثبات

بقآيآ .. حرف 2018-11-18 11:26 AM

‏‎
على الله ياتباشير الصباح الممطر الرايق
تدومي لي مع الايام وإذا غبتي تعودي لي
بقآيآ ...

بقآيآ .. حرف 2018-11-18 11:34 AM

‏" ياللي تمنا تاكل النار ثوبي "
مالك علينا فرحةٍ لو تمنيت

الركام 2018-11-18 08:58 PM

ترا الوفي يحضر ولو غابت الناس
ماهو بطالب دين بعطيك عطني

جنس الوفي نادر ولكن لاباس
في وقتنا الحاضر كثير بظني

الركام 2018-11-27 08:29 AM

عقب السنين اللي مضت هم وأحزان
‏عرفت ويش اللي مسبب جروحي

‏طول السنين أجـامل فلان و فلان
‏راعيت كل الناس وأهملت روحي

الركام 2018-12-03 10:03 AM

لا يضيق الصدر والدنيا سعـه
كل ماظلم ليل جا نور ونهــار

والجهات اختار من بين اربعه
كل وجهه تهتوي تلقى مسـار

الدروب وساع والسهل اتبعـه
وان بغيت الجو وجه للمطار

مـاعلـيـك الا تشـيـل الامتـعـه
للجبل والسهل واعماق البحار

الــســعـوديــة بلاد واسـعــه
زادهــا ربي بخـيـر واقــتــدار

والفصول الاربعة متجـمـعـه
مـاتـلاقـي جـوهـا في اي دار

الركام

الركام 2018-12-03 10:25 AM

بقآيآ .. حرف بقآيآ .. حرف غير متواجد حالياً
مراقب واحة البراري الشعرية


يابقايا حرف طولت الغياب
الشعر يشره ولغيرك ماشره

ياعساها سجة ماهي عتاب
الشعر يدعيك وش اللي اخره
🌹🌹🌹

بقآيآ .. حرف 2018-12-04 08:46 AM

اقتباس:

المشاركة الأصلية كتبت بواسطة الركام (المشاركة 2547738)
بقآيآ .. حرف بقآيآ .. حرف غير متواجد حالياً
مراقب واحة البراري الشعرية


يابقايا حرف طولت الغياب
الشعر يشره ولغيرك ماشره

ياعساها سجة ماهي عتاب
الشعر يدعيك وش اللي اخره
🌹🌹🌹


تحياتي لك اخي ابو سعود
شاكر ومقدر لك سؤالك وهذا من طيب أصلك لا عدمتك

ما علي خلاف يا طلق الجناب
أحمد الله يا رفيقي واشكره
غيبتي بين الفيافي والهضاب
يوم وآل العرش بالغيث اعمره

بقآيآ ...

الركام 2018-12-04 01:47 PM

اهلا وسهل بك ياابو خالد

لو تروح البر لا تنسى (البراري)
واحة الاشعار تدعيك وتنادي

مثل من الغيث زين له صحاري
قطفكم من الشعر يزهر بالفؤادي

بقآيآ .. حرف 2018-12-04 07:05 PM

اقتباس:

المشاركة الأصلية كتبت بواسطة الركام (المشاركة 2548008)
اهلا وسهل بك ياابو خالد

لو تروح البر لا تنسى (البراري)
واحة الاشعار تدعيك وتنادي

مثل من الغيث زين له صحاري
قطفكم من الشعر يزهر بالفؤادي


كيف ابنساكم وفي قلبي مواري
شيءٍ بقلبي لكم ماهو بعادي
ريح ركاب الذلول ام الطواري
والله ماتفرح بفرقانا الاعادي

بقآيآ ...

بقآيآ .. حرف 2018-12-06 08:35 AM

ليت القلم عن بعض الأشخاص مرفوع
عشان ما نحسب عليه الخطية

بقآيآ .. حرف 2018-12-06 08:47 AM

في رحلة التيه تقتلني عباة الظلام
من يبتسم لي واعدّه واحدن من هلي

بقآيآ .. حرف 2018-12-06 09:21 AM

مشغول ارتب وداعك كيف ممكن يكون
ما ودي اوادعك من غير لا نحتفل

بقآيآ .. حرف 2018-12-09 07:11 AM

مريت بعجاف السنين..وفي قحط شهب الشهور
والدرب موحش..كم..وكم ذيبٍ على اطرافه قنب!
يامترفه .. مافِرشت الدنيا لي زلول .. وزهور
شبعت بالرحلة ..تعب.. وارهاق.. قبل أشبع طرب!
وصلت رغم انف المسافه .. لا ورغم انف الغيور
خويي الصبر الجميل .. ومشلح سلوم العرب!!
قولي لهم يامترفه .. يقرون (ما بين السطور)
عن شاعرٍ تنضب بحور الارض ..شعره مانضب!
وقولي لهم حمّل مساحات البواخر ..فـ البخور
وش ذنبه ليا شفتها ياقاصر النظره ..خشب!!
وقولي لهم مايستحون ؟؟.. من الجراءه .. والفجور
يوم استباحوا حرمة الابداع في بعض الخطب؟؟!!
وقولي لهم من حين..الى حين..ان حصل عنده فتور:
نتيجة فراق اكثر اصحاب المواهب ..والأدب
وقولي لهم لا اعشوشب الحب الحقيقي ..بالصدور
راعيه صمته صار من فضه .. وهرجه من ذهب!
وقولي لهم من حقه ليا عاش بالدنيا.. فخور
مادامني ملهمته اللي لا تذكرها.. كتب
تمرك انفاس الصباح ..العذب .. وتجيبك ..عطور
واقلّطك على مباهيرالحفاوة ..والشبب!
معشوقتي والليل ينسج من خيوط النور ..نور
أوشك على التوديع والأشواق كتله من لهب !
وانا تلاشى من عيوني كل شي اسمه حضور!!
الا الصباحات الجميلة.. بالنهار المرتقب
يأخذني الشوق العنيف الى اقرب دروب العبور
وأقصر دروب الشوق وأقربها .. اكثر دروبي تعب
مثل ماتشتاق لتباشير اول الصبح ..الطيور
اشتاق لك ..وأشتاق ..حتى منك لأنواع العتب
واحتاج لك مثل مايحتاج الدعا.. اصحاب القبور
وانتي قريبه من شعور القلب ..وادرى بالسبب!
اليا تذكرتك اعيش احيان شي من الغرور
واشوفني أكبر حظيظ من البشر ..وأطلق شنب
ومابين تصديق الشعور ..وبين تكذيب الشعور
احيان في حالة رضى ..واحيان في حالة غضب!
بالاول احسبني على غيابك ليا غبتي ..صبور
واثرني اللي لا اذبحه جوعه على شوفك..قنب!!

لافي الغيداني

بقآيآ .. حرف 2018-12-09 07:24 AM

انا متفرج .. و كلها ..... مسئله وقت
تملى مشاهد كسرهم .. في عيوني
ماني معاتب احقر الرد .. با الصمت
حددت اساميهم .. قبل يحذفوني

بقآيآ .. حرف 2018-12-16 12:46 PM

ليتك بعد ذا العمر ما تطلب الثار
في ما مضى من وقت اول وتالي
وان كان هدك فكر هدتني أفكار
ولاني ورب الكون ساهي وسالي
يا ما بوجهي اشهرت سيف بتار
سود الليالي والصبر راس مالي
وان كان تفكيرك على شي ما صار
اللي تشوفه في ضنونك ظلالي

بقآيآ ...

بقآيآ .. حرف 2018-12-17 07:17 AM

كم مواعيدٍ علىْ أرض البال تشرق من غروبي
كل موعد فيه ذكرى جرح .. مالي عنْه صدّه
كنّ في صدري من الأحزان .. يا غافر ذنوبي
بْدويٍ شَدّد نياقـه علـى صوت الـمودّه

بقآيآ .. حرف 2018-12-17 07:27 AM

لـ امتداد الرمش (ظِل)
مَلّ، من طُول ارتحاله
من ضَلاله..
اهتدى، واصبح يِدلّ
صار تحت العين هالة..

عبدالله الكايد

بقآيآ .. حرف 2018-12-17 07:32 AM

علّمهم اني بصدرك رغم كل الزحام
وحدي تسيّدت في قلبك ، وقلبك معي !
.
علّمهم ان الشعور اللي لغيري حرااام
ولا تغير مكاني ، واختلف موضعي !

بقآيآ .. حرف 2018-12-17 07:42 AM

كل ماطار الحمام يضيق صدري
واذكر انك درب موحش ما عبرتك
.
فاقدك والشوق ماله عمر و ادري
مستحيل انك تجي بس انتظرتك !

بقآيآ .. حرف 2018-12-17 07:45 AM

يارب غصنٍ بـ صدري لو لمسته وقع
أرسل لي مْن الغمايم ما يبلّه وأعيش..
ٓ
وأزرع بصوتي سوالف ما سقاها وجع
من ضحكة الغيم، والا من حمامٍ وريش.

ٓ

بقآيآ .. حرف 2018-12-18 09:09 AM

في ذمتي مالي بغيرك من الناس
ولا كل بارق يجذب العين نوه
قلبي معك والعلم جالك من الراس
عقل على درب الوفا ما تشوه
بقآيآ ...

بقآيآ .. حرف 2018-12-20 08:13 AM

إن مرك العيد وان صافحك وان عيّدك
قل له ترى الناس في بابك فقط ذكريات
صافح وسلم عليه ولاتعطر يدك
ما للعطر في شفاه الغايبين اغنيات

بقآيآ .. حرف 2018-12-20 08:16 AM

لاترسم أحلامك .. علي ريش عصفور
تشوف حلمك .. من يديك يتطاير
مايشغلك حلم ٍ .. تحقّق علي الفور
يشغلك حلم .. ٍ واقف هناك حاير

بقآيآ .. حرف 2018-12-20 08:18 AM

جيت ياطير وادري في جناحك نبا
عندي احساس ماتسبق نباه الطيور
رح لبلقيس قبل الليل يغشى سبا
قل لها الشمس تشرق والليالي تدور
ودها تعتنق حبي هلا مرحبا
وان ختم قلبها النكران قلبي غفور
ماخلق به جهنم مابه الا ربا
جنة من حرير وجنة من بخور
مهدي بن سعيد

بقآيآ .. حرف 2018-12-20 08:19 AM

لو حضوري ماتهيا في الغياب اللي سكني
ماسألتك والغياب اللي تهيا ماسألته
...
فتش بصمتك عن اول من حمل رمح وطعني
قول كيف اني تجاهلته ولكن ماجهلته

بقآيآ .. حرف 2018-12-26 07:57 AM

قل للبلد ياخذ بصدري : مسافه
عند اختناق الشارع : بزحمة الناس

يلقى بصدري حكي : من شيّ اخافه
لـ اصبح لسان الحال دايم : وجع راس

بقآيآ .. حرف 2018-12-26 08:05 AM

تنفسّ الصبح والتمّت عليه الليال
تبي تشوف الحياة وتعرف احساسها

كأنها من كثر ماهي تعيش انعزال..
تحتاج صبحٍ يعرّفها على ناسها

فهد الغيداني


الساعة الآن 12:37 AM

Powered by vBulletin .
جميع الحقوق محفوظة © لشبكة ومنتديات البراري 2010