|
افضل ملحمه لحم حاشي بريااض
السلام عليكم ورحمه الله وبركاته
توقيت الموضوع حساس :w2: ياجماعه الخير تعبت ونا اجرب على نفسي بهالملاحم والى الحين ما لقيت اللحمه اللي عليه الكلام كنت قبل كم سنه طحت على بساتين القصيم ونفس الوضع زادو السعر واللحمه صارت مخلوطه ولستك تكرم النعمه فالي يخبر ملحمه طيبه بشمال الرياض او شرقه يفيدنا مشكورا مع السعر علشان ما يهك علي |
وعليكم السلام ورحمة الله وبركاته
حياك الله يالثعل في ملحمة جربها أحد زملاء العمل والصراحة بعد التجربة اشوفه رقم 1 وهذا وصفه وحسب المكان اللي تبيه بعد الوصف الدايري الشرقي مخرج 9 خذ يمين باتجاه الشرق بعد 3 اشارات بيكون معرض الشتاء والصيف على يمينك وبعده مطعم النافورة ادخل مع الخدمه بيجيك مجموعه محلات اخر محل محمصه هو قبله بمحلين اسمه ملحمه اسوار دمشق وياليت ترد لي وتعطني رأيك وأنا لا أعرف صاحبه ولا شيء عشان محد يقول دعاية بس لنا سنة نأخذ منه بس مو كل يوم ههههه أو أي أحد جربه وفالك التوفيق |
يعطيك العافيه مقطع العروق وماقصرت بنجربها واعطيك رايي فيه ونعزمك ان شاءالله
|
انا ساكن بشمال الرياض بس أتعامل مع ملحمتين بشرق الرياض اذا مالقيت عند الأول لحم فقار حاشي بلدي صغير عند الأول رحت للثاني
وصفهم اذا تعرف تقاطع طريق عمر بن عبدالعزيز (مخرج14) مع شارع الأمير متعب بن عبدالعزيز عند مركز الهلال الأحمر لف يسار مع شارع متعب يصير وجهك جنوب تجيك اشارة وانت عند الاشارة فيه ملحمة على يدك اليسار في الزاوية اللي يشتغل فيها اسمه ابو مالك عنده حاشي بلدي طيب وصغير والثانية وانت عند نفس الاشارة بالزاوية يمين قدامك مع الجهة المقابلة اللي يشتغل فيها اسمه ابو محمد والأسعر كلهم الكيلو بـ 50 ريال |
| الساعة الآن 04:42 AM |
Powered by vBulletin .
جميع الحقوق محفوظة © لشبكة ومنتديات البراري 2010