|
بديت بسم اللي خلق شمخ النيب 0000000 الواحد المعبود رب البريه
[align=center] بديت بسم اللي خلق شمخ النيب الواحد المعبود رب البريه انشا التراب ولا بدا بخلقه العيب وارسا الجبال بكل فج ونحيه حمرن وبيض وفيها سودن غرابيب مسلسله والطامنه والعليه كي لا تميل وتنحرف دون توثيب للادمي والدايجه والمطيه اطلال روس مشمرخات المهاضيب دلايل النجاع روحه وجيه منها اجا وسلمى ورمان والذيب والتين وحبشي والرحيل وطميه غسل وخزاز وراكس وشعر واللهيب جمران وعاج وخنذوه والجويه وشوفان الاسود من طوال المراقيب يوم الشحايف والحزوم الخليه والدوسري والعرفا حمرا اللغابيب ومحيوه من دونها الميسريه وذريع وثهلان عذب المشاريب والمقوقي وكبشان وليم وعكليه عسعس والردها وامره والمشاعيب والشمط وعكاش وحبر والهميليه واحامر وصمعور روس الدواريب واسواج وطخفه بالديار العذيه واشطاب ودمخ المرتفع بالشخانيب والنير والبكري قبالة ضريه وسنام درب محرشفات العراقيب عروان واخثارق شمال الغبيه حضن وقطن كنه عشوش العناكيب والحبلى والغيمار وظلم وجلديه والحضر وريك صخورهن الصلاليب طلال وتيما دونها جرهديه والعميد وعبلان وصبحا كما صهيب وحسلات بين العرق والعازميه وفرقين كنه حانيات العياسيب شمال حليت متفاهق حنيه وكتيفه وماوان سود الغواريب كذا شعبا من خلفها الظاهريه وابان الاسود والحمر واسود ثغيب منها عمودان اللي يتعب رقيه واجبله والمخامر صم الرجاجيب والخنفسيات اللي بالاشعريه مثلثه والنجج لاشفته مهيب والاسوده واخنوقه فيها الجنيه اذقان وضبع اللي صخوره مذاهيب ديم وفغانه حولها الزغيبيه ورحرحان وساق ووسط وكعيب واجلى جنوب حساوة الدلبحيه والهضب وام عنيق صاحه وعسيب والجثوم وصفوان وصفو والرحيه الربوض والاكوام مثل المضاريب وعلم الشيابين ملفا السريه منها الجياسر وحومل بغير ترتيب والصاقب وفحوات صلب الصفيه واردات والمصيقر سقتها المساكيب بدوات والاشماط سودا الشفيه والاميلاح اللي حصاها كما الشيب والضلع الاكموم وعجاجان زيه والموشم وضلع الدياحين وانجيب معه شمالات وينوفي كذيه كذا الذنايب موقعه ذبحة كليب وغرابه اللي يم ثادق جثيه والعسيبيات وسلامات لا ريب كذا الدخول تمد بالعصر فيه كذلك الضيرين صلب النواصيب ويضا الحصاتين ارتوابه ضميه ومتفكرات رسيس بين الدواعيب والمليسا والشاهد جنوب المطيه وطويق شيخ جبال نجد المغاليب مشهور بالاسلام والجاهليه يوسف الخليفة [/align] |
الله الله الله
صح الله لسانك أبو يعقوب أبدعت يالجزل بالوصف أقف إحترام لحرفك لا تحرمنا من جديدك كل التحايا |
صح لسانك وحياك الله يايوسف الخليفة
|
صح الله السانك جزله من رأس جزل
|
ماشاءالله تبارك الله
صح الله لسانك بيوت منتقاه وجزله مبدع بكل ماتعنيه من كلمه أخي يوسف |
| الساعة الآن 11:15 PM |
Powered by vBulletin .
جميع الحقوق محفوظة © لشبكة ومنتديات البراري 2010