|
قصة وقصيدة ..خلقت في الدنيا وأنا ما معـي شـي وبروح منهـا ما معـي شـي منهـا
خلقت في الدنيا وأنا ما معـي شـي .. وبروح منهـا ما معـي شـي منهـا قصيدة للشاعر: مبارك بن فايز البخيِّت آل محمد السبيعي وقصة هذه القصيدة كان الشاعر مبارك فايز البخيِّت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سيّر عليه مسايير من جيرانه وأبناء عمومته وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يا البخيّت عسى ما شر ؟ تراك خربت الشغلة ! .. قال : لا أنتم اللي خربتوها ومن الغد قالوا له : هل الهوجاسة التي بالأمس أتت لها بنتائج فقال : نعم . وقال هذه القصيدة المشهورة: سجه مـع الهاجـوس طبيعـة ٍ لـي ّ طبيعـةٍ بمـوت ما جـزت عنهـا أشكي على الخلاق وارفع لـه إيـديّ لاكثـرت الأفـكـار يـفـك منـهـا أما الكرم قد فـاز بـه حاتـم الطـيّ حتى الفرس من شان ضيفه طعنهـا خلوني أكرم في حياتـي وأنـا حـيّ ولا مت مـدري جثتـي مـن دفنهـا خلقت في الدنيا وأنـا ما معـي شـيّ وبروح منهـا ما معـي شـي منهـا مسكين ياللي تحسب الواجـد شـويّ والعافيـه لـو تنشـري وش ثمنهـا يا جاهـل الدنيـا تراهـا كمـا الفـيّ يا مخبل اللـي فـي حياتـه ومنهـا إن ناحرت لك قامت تـروح وتجـيّ مثل الذلـول اللـي طويـلٍ رسنهـا وإن أدبـرت خلتـك طايـح ومرمـيّ وكم واحـد ٍ لـه حاجـةٍ ماضمنهـا لابد ما نرحـل عـن المـزح والغـيّ ونسكن بيـوتٍ قبلنـا مـن سكنهـا النفس مثل الغصن عايش على الـريّ ولولاه كـل النـاس عافـت وطنهـا يالله عسى الحسنات تقضي على السيّ لا قربـوا للنفـس ذرعــة كفنـهـا |
الله الله الله على هالقصيدة فعلا قصيدة جميلة الف الف شكر لك https://www.munasbh.com/vb/mobile_056...1230150552.gif لك تحياتي برق تمير |
قصيدة جميلة وشلة رائعة مشكورة ام العنود على هذا الاختيار |
أم العنود
كما عهدناااااااك ذووووق رااااقي لأبعد الحدوووووووود دمتي وطبتي ود لاينتهي لاهنتي |
الله يعطيك الف عافيه يامبدعه اتقنتي الاختياااارغاليتي وحبيبتي ام العنوووود لاحرمنا الله ابداعك وقصصك المسليه وصح الله السان الشاعر وصح ذوووقك يالغلاااا لكي تحياتي واحترامي |
انا اشهد انك بنت رجال وانتقاء رائع لما يتداولونه بينهم وما تربيتي عليه |
أبدع الشاعر حيث قال خلوني أكرم في حياتي وانا حي ولامت مدري جثتي من دفنها --------------- الله على قمة التصور وتركيب الكلمات وجعلها الشاعر عقد من الجوهر واللؤلؤ إبداع في القصيده ولا حرمه رب العالمين من ألأجر والثواب وإبداع في إختيار القصيده لكي شكري وتقديري وثنائي وتستاهلي على الموضوع (خمسة نجوم) ---------- ابو احمد |
يا جاهـل الدنيـا تراهـا كمـا الفـيّ
يا مخبل اللـي فـي حياتـه ومنهـا ابيات رائعه جمعت الصفات الجميله في الرجل سلم الذوق على الاختيار تقبل مروري |
لابد ما نرحـل عـن المـزح والغـيّ ونسكن بيـوتٍ قبلنـا مـن سكنهـا سلمت يداك على النقل.. اختيار موفق لقصيدة رائعة كلها حكم.. |
|
| الساعة الآن 03:23 PM |
Powered by vBulletin .
جميع الحقوق محفوظة © لشبكة ومنتديات البراري 2010