|
إهداء للمهندس بدر الطريسي
عنيت لي جيبٍ مصـــمم ومدعوم بأحدث اصنـاعه وردتهــــا وكاله اللي عليه اللام بالعكس مرســــوم من حيث راح اللي يـــقوده اقباله عـــداده مصــــفر ولادار برقــــوم جيبٍ يزيح الهم صــــوت اشتغاله يلمع كما عقد من الماس منظوم فيه الفخـــــامه عاليه والاصــــاله لاخمــــه اللي مـولع القلب مهموم والجو صــــافي والطريق استواله مسافة اســـــبوعين يطويه في يوم بعد المســــــافه يقطعــــــه مادراله يهوي مع البيداءكما اهواي صاروم خطـــرٍ على الميراج يصبح بــداله ملفـــــــاه شيخٍ يذبح الحيــل والكوم له في ســـــــنام المــــجد عز رقاله حرٍ ولد حـــرٍ لهم ذكــر وســــــلوم كم صلحــوا بين الرجاجيل قــــــاله رعي هلا قـدام لاياخـــــذ اعلــــوم له عـــــــــادة يفــز باللي عنــــالـه يوم الامل ياعزوتي صار معـــدوم وضاقت مسالكها وســــكر مجاله قضيت حاجة واحدٍ جـــاك ملزوم والله كتب لك ياطريسي جمـــــاله |
صح لسانك أخي هماليل المخيل
قصيدة رائعة وجزلة |
تسلم ياهمليل .. هكذا الشعر والشعور وإلا فلا ..
صح لسانك يا أبا أيوب يستاهل المدح المهندس / بـــــــــدر .. .. جمل الله حاله .. تحيتي |
يستاهل المدح والاهداء والنعم بالمادح والممدوح
صح لسانك هماليل ولاهنت |
صح لسانك ياهماليل المخيل ويستاهل بدر الطريسي
|
صح لسانك يا هماليل المخيل
جزلة من شاعر جزل ووافي والنعم في المادح والممدوح وبيض الله وجهك تحياتي لك |
اقتباس:
صح بدنك والرائع والجميل هو مرورك الكريم تقبل تحيتي |
اقتباس:
يشرفني ويسعدني مروركم ايامستشارنا الكريم تقبل تحيتي |
الله الله عليك يابو ايوب صح لسانك وخويك يستاهل صاحب الطيب والجمالة
احيانا بعض الناس بسبب كرمهم تعجز الحروف عن تقديم مايوفيهم حقهم بارك الله فيك نطقت واجزلت ودي وتقييمي لما طرحت يالقرم |
اقتباس:
صح بدنك مشرفنا الفاضل ويشرفني مروركم الكريم تقبل تحيتي وخالص شكري |
| الساعة الآن 01:36 PM |
Powered by vBulletin .
جميع الحقوق محفوظة © لشبكة ومنتديات البراري 2010