|
لغز
طرت علّي بنيةٍ فايت فات يا حي طاريها ويا حي عينه البنت لاحيه ولا ضمن الأموات ضاع الجمال وشوهت به سنينه ماهي على مشهات من رادها جات ولا جات تكرم لجل عينه مدينه يا قربها من السعد والسعادات ويا بعدها عن الأمور المشينه اللي عرفها يرسل الحل ببيات واللي جهلها يكفي يرفع يمينه بقآيآ ... |
استغفلوا طهر القلوب بخبثهم
وبزعمهم نصرٌ قريبٌ دون قتال ركبوا البغال تفاخراً وما وعو أن البغال ومن عليها بغال بقآيآ ... |
جاتك وانا ادري كلمتي ما تبيها
وأدري بها ياصاح جاتك على جرح عامد ومتعمد ولي قصد فيها فهمت والا أنقض الجرح بالشرح بقآيآ .... |
يا ذا النسيم الله فينا يلطفا
وقرب ترا لي مدة بالجو غيم بسألك عن رمز الكرامه والوفا اللي وصاله يحيى الأرض الهشيم أدري غيابه ماهو صده او جفا حيث أنها من طيبها هتان ديم واللي خلقني وعالمٍ باللي خفا اني عليها اشفق من الاخو الرحيم إلى لفت ناديت حي اللي لفا وإن غابت احوالي كما الطفل اليتم يا عل يبطي نور عينه ما طفا ويا علها في حفظ خلاق كريم بقآيآ ... |
ما هيب ليه حذفة الوجه أرتاح
شفهم ورايه يطلبون إلتفاته قلبي سبقني لك بلا طوع يا صاح اما اقبله وإلا اتركته في غناته بقآيآ ... |
ماني بزايد طينتك بِل ياهيه
حنا بجماد وكل شي يتجمد ما عندي إلا لا بوجه المشاريه ولا عاد تفرق هي جهل أو تعمد بقآيآ ... |
مجنون والمسرى يبي شخص مجنون
من انسنا ما شفت غير الكلايف يالله تخيب ضن منهم يضنون بمرك ترد ضنوهم للحسايف نجمي سما ما عشت من دون في دون وعن الوطى ودروبكم بالنوايف بقآيآ ... |
لحفتها بشتي وفرّشتها نجد
وسميتها بنت السحاب وتسآمت أخذتها من طاري الهم والوجد وسميت بسم الله عليها ونامت لشاعرها .... |
ما بغى الهديه منك ساعه ولا ورد
الوقت ما حسب له ولا الورد اشمه انا يا ماء عيني ذبح صدري البرد وصدري ما يبغى غير صدر يضمه لشاعرها ... |
لو للسحايب يا طويل الهدب سوق
شريت لك برقٍ رهيف وسحابه لشاعرها ... |
حاولت فيك وصرت كنك ولد نوح
ناداه ابوه ولا ركب فالسفينه عايض العاطفي |
لو تمرون اعذروني عن غيابي
والعذر مني لكم في كل حالي مالقيت لكم عذر زاد اغترابي ولا لقيت احد يجاوب عن سؤالي كل ماوادعت جاني لي عتابي مايصير موادع الغالي لغالي خايف اخطي وينزل بي عذابي ليتكم خفتوا ولا جاله مجالي المفارق صير ديار خرابي والرجوع اظنه بعيد ومحالي |
هو احد قال وينك
هو احد مر وسأل |
لياحام فـكرك في السنين القديمه
واليا شـكى قلـبـك وبين حنيـنــه وصارت حياتك دون طـعـم وقيمه ومـلـيــت حاضــرك وتولاك شينه وبـين عليـك الكـبر وقـل العزيـمـه وقل النـظـر قـريـب وتـقـول وينــه ورجلك بدت تقصر ولا هي سليمه وشكيت سمعك كن في الاذن طينه وبديت تشكي امراض جسم اليمه تراك بـاد فـي سـنـيـن حـزيـــنــــه عشها على ماجات لو هي ظليمه ولو شفت فيها ميل ولوهي غبينه الوقت لو يصفي يجي فـيه غيمه والمـوت لو طـولـت ياتي بحـيـنــه رجـواك في ماض تراهـا عـديمــه وسـجات فـكرك ماترجع سنينـــه مابـه حـياة دايـم مـسـتـقـيــمــــه ومابه كـمال الا ونـقـصه قريـنـــه شيمتك عن دنياك خصـله كريمـه ودنياك سـخـرهـا للاخرى عـوينه لا تنخدع غـرقـان وتـقـول ديمـه هذي الحياة وسرعهــا عارفـينــه وصلاة ربي عد ماقـفــت مقيـمـــه واعداد مايقسى الزمن عقـب لينه ابراهيم بن سعود الخريف |
وقُل للغائِبينَ بِلا إيابِ
حَنِيْنُ القَلْبِ يُرْجِعُكُم بِبَابي : فلا يَخْفَى على منْ مَرَّ أنِّي هَجَرْتُ الدَّارَ من بَعْدِ الغيابِ |
كل مامريت قلت القى جديد
واثر وعد الوقت حلم مايصيب قلت يمكن نجتمع في يوم عيد مادريت ان السبب هو النصيب |
ماعاد اميز متى الخميس والجمعة
ولا الغداري والا النسناس والقمرا ولا السوالف ومتى الاصحاب مجتمعة معاد باقي معي منها سوى الذكرى |
كـل يـوم نـحـتـري يـوم جـديــد
وكل يوم نحتري شمسه تغـيـب نطلب ان اعـمـارنا فيهـا مـديـد وودنا بالوقت يمضي ياعجـيـب نطـلـب اللي نازح عـنـا بـعـيــد ونزهد بما في يدينا والـقريــب الـزمـن في دورتـه كـنـه يـعـيــد لا جـديـد لكن ان امره غـريــب الـعـمـر يمضي وحـنـا مانـريــد ولا يفيد علاج ولا طب وطبـيب جاهل من يحسب ان عمره يزيد وجاهل من يحسب انه مايشيب والامـل في كـل يـوم يسـتـزيــد وكل منا يحسب لوقـتـه رقـيـب كـل ماجا يـوم قلنا بنـستـفـيــد وكـل حلم راسميـنه مايصـيـب والـنهـايه قـبر توضع بـه وحـيـد وتوزن اعمالك ولك رب حسيب والـحيـاة الـدايـمـه كانك تريــد جـنـة ومـن طاع ربه مايخـيــب ابراهيم بن سعود الخريف |
الفراق يعـد من احــد المصــايـب
منه تاخذ لونها ســـود الليالي كم عرفنا من صديق ومن قرايب وكم ديار عقبهم صارت خـوالي |
آه من طول انتظاري صار كل الوقت ضدي
اعترف واقول ماني قادر وخصمي زماني آه من كل الـجـروح اتزيد وانا اقــول حدي عارف واقـول ابا جــرب ولو تصــفي ثواني ماهـقـيت ان الزمــان اللي تحـداني يهـدي كيـف واني عارف ان الوقـت هذا قـد نواني عارف ان اللي بقى من العـمر ملزوم يعدي واتشـــوق للسنين المـقبـله والنــقــص باني نحـتري يوم جــديد وعــارفين لاجديدي مير بنهون على النفس وبنعطيها الاماني قلت بعض وكاتم اللي ساكن بالصدر عندي مـاحـد يعشـق حياة وعـارف ان العـمر فاني وانت يالـمـخـدوع في دنياك مـلزوم تـهـدي اعتبر بالمـاضي اللي صــوره لك من يعـاني من تصـورها على الواقـع بـيقـنـع بالـنفـادي ويعـلم ان العـمر مهـما طال مـابه عـمر ثاني يازمان كــل منـا صــار يشـــكي ولا يفـيـدي غـارقيـن في بحـــور لابـها ســـفن ومــــواني ياعسى الله يجعل النا في تواليها السدادي ونختمها بخير الاعــمــال ونوفق بالجناني والختم صلوا على محمد رسول خير هادي الشفيع اللي يشــفـع يوم تهنـانا التـهاني ابراهيم بن سعود الخريف |
ليتني يوم نفسي طالبت بالحياه
عن هواها واملها غصب رديتها رجعتني على درب القصيم وغثاه وجرعتني من الصبره وحلتيتها ذا مريضٍ وهذا طاح ما احدٍ رماه ماهي ذي الحياة اللي تمنيتها وابتلشت وبلشت وجر ذيبي عواه كنه يقول حايل ليش خليتها بقآيآ ... حرف |
يابقايا حرف حرفك لا يغيب
كل يوم نحتري منك الجديد الحظور يقول وينك يالحبيب طالت الغيبة عسى عمرك مديد |
متواجدين الآن بالموضوع : 95 ( الأعضاء 1 والزوار 94)
الركام 🌹🌹🌹🌹🌹🌹🌹 |
| الساعة الآن 10:02 AM |
Powered by vBulletin .
جميع الحقوق محفوظة © لشبكة ومنتديات البراري 2010