شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2020-02-12 03:16 PM

‏غرّد على مايشتهي حرفك ونافس من خلال :
صدقك دهائك طيبتك نبلك،نقى عفويتك ..

و لا تقتنع بالأمثلة .. اجعل قناعاتك مثال
مارس تواضعك بثقة .. يغنيك عن فوقيتك ..

بقآيآ .. حرف 2020-02-12 03:28 PM

‏توحشني الصورة ويوحشني الصوت..
الله يبيحك واحسن الله عزايه..!
.
سلم على عينك وسلم على الموت..
وسلم علي اللي قابلك فـ المرايه..!
.
مدغم ابو شيبه

بقآيآ .. حرف 2020-02-21 02:37 PM

الخوف واضح في كلامي وعيني

اشوفه بـ عينك قبل ما اسمع حكاك!

نخاف بس الفرق.. بينك وبيني

تخاف تذكرني وانا خايف انساك!

لكن على أية حال ما عاد فيني

اضحك على نفسي وابرر خطاياك

الى متى.. وانا بكذب يقيني

العمر مرة.. فيك ولا بلياك!

لا صار قلبك ما قدر يحتويني

حرام.. احبك واتبعك واتمناك!

يكفيني من الصدق رعشة يديني

ويكفيني من الحب طيفك وذكراك!

اوعدني تنساني بزيني وشيني

وانا اوعدك لو ما نسيت اتناساك!

وان ذكروك بـ لهفتي وبـ حنيني

تذكر اني قلت.. إياني واياك!

حتى لو ودك تجي.. لا تجيني

ضيعت ما يكفي من العمر وياك!

محتاج اعيش اللي بقى من سنيني

ما افكر بوصلك ولا اخاف فرقاك!

بقآيآ .. حرف 2020-03-01 11:48 AM

‏يارب وأنت القوي واللي معك ما يُضام
ومشاعر اليأس ياربي ما هي في يدي

أنهكني الضيق . . واستنزفني الإنهزام
وانت اعلم اني بذلت ولا ذخرت جهدي

جنّبني الياس وإزرع وسط روحي سلام
فيه أتجاوز طريق أحلامي الجرهدي

بقآيآ .. حرف 2020-03-01 11:54 AM

‏يا ندبة البال وجدار التعب والشقوق
تغريبة العمر في قلب السهر جايشة

ما ودي اكتب ويجرحني ندي الطروق
ما ودي اكتب واعيد الرمية الطايشة

ما ودي اكتب واسيل من الورق والعذوق
عن سدرةٍ مات واديها وهي عايشة

عبدالله سعيد

بقآيآ .. حرف 2020-03-01 12:10 PM

‏في مهب الريح الاحلام طارت يا سعد
أختصر كل الإجابات في " تقدر تقول "
،
لا تدور حل..لا خانوا اصحاب الوعد
لا الحلول تفيد معْهم ولا انصاف الحلول

عبدالله سعيد

بقآيآ .. حرف 2020-03-03 10:20 PM

لو شفتها يوم تقبل ضافيه ياسعد
كنه على القاع ترسم شي في بالها
إلى تبسم محياها يجيب السعد
ومن ثغرها ودك انك تشرب زلالها
يا رحمةٍ حطه الله بين برق ورعد
سبحان ربٍ خلقها وعالم بحالها
عن حسنها عن كرمها ويش اقول واعد
لو حلت بأرض جدبا زان منزالها
العام طاب اللقاء معها وجت بالوعد
وروت ضمايه وطاب لعيني قبالها
واليوم ماهو بيدها هجرها والبُعد
الامر لله سبحانه إذا قالها

بقآيآ** ...

( السحابه )

بقآيآ .. حرف 2020-03-10 11:33 AM

‏والذكريات اشباح يا لحظة البين
ياليت هذا البال سالي و نسّاي

وابيع قلبي واشتري راحتي لين :
ماشوف حولي غير ظلّي و مركاي

سعد يحيى

بقآيآ .. حرف 2020-03-10 11:46 AM

‏ོ
٠
٠
حدّ علمي بابتہاجي وانا باقي طفل
اعطي الدنيا سلامي وتعطيني سلام

ان ضحك وجہ الليالي بوجہي : أحتفل
وان عبس وجہ الليالي : اخلّيہا .. وانام

سعد يحيى

بقآيآ .. حرف 2020-03-10 11:50 AM

‏والبسمة اللي في مدى العمر قنديل
في صدقها آية ، وفي نورها ربح ..

ان روّحت وش حاجة الروح لليل
وان كمّلت وش حاجة الليل للصبح !

سعد يحيى


الساعة الآن 09:32 PM

Powered by vBulletin .
جميع الحقوق محفوظة © لشبكة ومنتديات البراري 2010