السلام عليكم ورحمه الله وبركاته

ومدام القصيده الاوله حصلت على التميز وهذا والله شرف لي يالغالين والله يجزاكم عني كل خير

قلت اطرح هذي لعلها تحوز على رظاكم ورظا اخواني الي يمرون عليها وسلامه قلوبكم

وفي الحقيقه انا اسمي الرمزي سحاب نجد - ولاكن عند تسجيلي في هذا المنتدى العملاق وجدت احد اخواني الاعظاء قد سبقني بالتسجيل بهذا الاسم واصبح اسمي عندكم سحاب شقراء - هما كله سحاب مهوب يخالف ابد ههههه



:ordh::ordh::ordh:



الـمــعـجزه بــعـيـونـنـا شــانــهــا شــــآن


و حـنــا نــدرعـــم مــا نــعــرف الــركـاده


سبـحان مـن يـنـشي مـن الـغــيــم بركـان


و يــنزل عـلـيـنا مـن اللـواهـــب بــــراده


إلى أبـرقـت شفــنـا اللــواهــب و نيـــران


وإلى أرعـــــدت تــرتـــــج دار الـعــبـاده*


ثـنـتــيـن وجـتـمعـوا نـقـيـضـن و نقـضـان


مــاعــونهــن واحــد وحـــلــون شــرابــه


سـبـحــان ربــي عــد كــل كـايـنـــن كــان


سـبحـان مـنـشـي الـكـون معـطـي عـبـاده


أكـتــب و دمـعــي فـوق الأوجــان هــتــان


يــاالله طـلـبتــــك رحـمـتــــك و السعــــاده




*دار العــبــاده هـي الأرض

سحاب شقراء

الله يحييك يالغالي والي يفرح بي افرح به الله يحفظك من كل شر

شرفتني بحظورك

الله يسلم قلبك من كل شر يالغالي

الله يعافي قلبك من كل شر

شرفتني يالغالي

انا شاكر لكي اختي الغاليه سراب على ترحيبك واهتمامك وتشجيعك

وهذا مهوب غريب عليك الله يطول بعمرك ويوفقك

ياهلا ويامرحبا ومسهلا

حي الله راعي الجزلات الغالي

وصح بدنك

شرفتني يالغالي

هلا و مرحبا ومسهلا بخوي غانم

بعض ما عندك والعين ماتعلا على الحاجب يالغالي

وانت قدوتنا بالطيبه والشعر

الله لا يحرمني من محبتك

عزالله ان هذا وقت هذي القصيده معذا الامطار والرعود والبروق على الرياض

لله الحمد والشكر والفظل

الان صوت الرعد مايفصل والبروق مشعلله والمطرماوقف لك الحمد والفظل والمنه عددالسنين والحساب

سبحان من يسبح الرعد بحمده والملائكه من خيفته

هذا وقت الرحمه وقبول الدعاء عندنزول المطر

فلا تلهيكم الدنيا عن هذي الفرص