|
اخر مسمار في نعش بشــــار
عذراً أحبتي عن بعض العبارات التي هو يستحقها وأنتم تستحقون المحبة والتقدير .. . كلن نصح بالخبل بشار والثور عنّـــــــد ولاهمّه يمشي غلط عاكس المضمار يتبع هــــوى لابس العمّه ماينفع الطيب بالصفار ما ينفع الطيــب بالرمّه مهما تخفى ورى الاشجار له شـــوزلٍ ملحها خمّـــه لا تعتذر ما نبي أعذار إذلف مثل راعي الشمّه أرجوك ياسيفي البتار إلعن ابو جد من ضمّه احسب حسابه من الكفار لا دين لا عرف لا ذمّــــه يعتــز لوقلت له جزار يفطر على الدم ويشمه يفرض على جيشه المغوار يهجم على الشعب ويدمّه الشام كلـــــــه مولع نار والكلب مرتاح عند امه خلاص وقف قضى المشوار تســرب الجيــــش يا رمّــــه صار الاسد منبطح محتار واللي بقي من بني عمه الحر وانضــم للأحرار و كل الجماهير منضمّه لعيون من تلبس الإيشار عاداتنا نـــارد الجمّــه وقفه مع ابطالنا الثوار بالروح والمال والهمّه نقضي على بؤرة الأشرار نرتـاح ونــريح الأمـّـــــه سألت ميمه عن اللي صار وش فيه وش صار ياعمه قالت لي البعــــث ياستار ما احدٍ سلم ما شرب سمّه الجوووع والبرد والتيار الموووت شبيـــح يايمّـه وين العرب قبل فتك العار ليش الأمم غير مهتمّــه؟ هل المصالح هي المعيار! والا إذن الاجواد منصمّـه ؟ القتل واضح مع الإصرار والصين والروس منخمّه لو يسمعوا لجة القصار ما كان جاب الفشق يمّه قلت ابشري جاكم الإعصار ســــــربٍ يدكه من القمّـــه حتى يجــــــي داخل الدوار بالشبـــك والناس ملتمّــه هذاك يرميه بالبسطار وهذاك يلعن ابو أمّــه وهذا يناديه بالصرصار ابــــوه قبله طرد عمّه على النعش دقوا المسمار وللمحرقــه جاه مــن زمّــه يا رب يا فـــــذ يا جبار تزيل عن شامنا الغمّـه وتسقي بلدنا من الأمطار من نصع لوادي الرمه العشب شفته ورى الصرار ريــح النفـل ما حلى شمّــه مثل البراري مع الزوار يا مرحبا حي ها اللمّـه وصلاة ربي على المختار اللي نهـانــا عــن النمّــــه تحيتي |
ابداع في ابداع
شاعر من العيار الثقيل صح لسانك على هذه الرائعه الجميله والله يعطيك العافيه |
صح لسانك اخووووووووووي ومشكوووووور على الموووضووووووع الراااائع
|
صح لسانك اخوي غانم الضومري
وبيض الله وجهك والله يكشف الغمه عن هذه الأمه تقبل مروري ابو ناصر الشريف |
صح لسانك وعلاشانك وسلم بنانك بحت فابدعت لاهنت
اللهم عليك ببشار واعوانه وزلزل الأرض من تحت اقدامهم فأنهم لايعجزونك اللهم ارنا فيهم عجائب قدرتك وكن عوناً وسنداً للمغلوبين على أمرهم شعب سوريا اللهم أمين |
هل المصالح هي المعيار!
والا إذن الاجواد منصمّـه ؟ الا منصمة ومنصمة ياحيف بس علينا وين زمان المعتصم يوم نادت وامعتصماه مافيكم هالوقت معتصم والا الكل معتصم لاتزعل يا اخوي الضومري مقهوووورة وكل الشكر لك على هالابيات وحنا يالشعار على كثر هرجاتنا مابهن فود الا حلالات هرج السيف يايمة |
صح لسانك وبيض الله وجهك
رائعة جدا عسى الله ان يرحم المسلمين ويرفج عنهم كربهم |
صح لسانك
عسى الله يسلط على طاغيت سوريا جند من جنوده ياكريم |
يمهل ولا يهمل
بيض الله وجهك ياغانم صح لسانك لاهنت يعطيك العافية دمت بخير |
اقتباس:
يالتراثي مابقى أية تراث .. لعبوا الأحقاد في أصل التراث مودتي وتقديري |
اقتباس:
لو شفت العصفور الوردي يصدح على نبت البردي يشكي من حر ومن بردي شكرا لمرورك وطيب شعورك تحيتي |
اقتباس:
دامك معي ياشريف .. قلبي ما يشعر بالخوف مرسامي أصبح كالسيف .. وعيوني صارت تشوف نجمع أوراق الخريف .. ونرسلها حسب الظروف حمص يحتاج الرغيف .. وحنا صفّه عالخروف الشاعر قلبه نظيف .. ويمقن أحيانا ملقــوف دمت بحفظ الله يا أبا ناصر :w4: |
اقتباس:
يا سمو المشاعر وش بقى ما ظهر .. باب عمرو وحماه وحمص :w2:باتوا جياااع وين حس المشاعر مات والله قهــر .. بالمشب نتدفى وكهرباء لا انقطاااااااااع نحمد الله على النعمة وحلو السهر .. ونسأل الله يمتعنا بها أجمل متاااااااااااع دمت ودام وصلك |
صح لسانك بيض الله وجهك ولله في ذلك حكمة وكل شيء عنده في كتاب والفرج قريب بإذن الله
ومشكور الفين |
اقتباس:
أنشهد إنك نخيتينا .. وأنشهدنا سمعنا الصوت تقول لا لا تخلينا .. إفزع قبل لا يفوت الفوت يابنت لا لا تنادينا .. الكل منا على الريموت مافيه أمل بس خلينا .. نسهر على صكة البالوت ضياع أغلب ليالينا .. إدعي عسى كلنا للموت إن ما وقفنا ولبينا .. لك حق لو تطلبين الموت إحساس صادق يكفينا .. مع قيمة الخبز والبسكوت .... .. . بإذن الله يتحول السراب من حلم إلى عشب وغدران نصر الله من ناصرهم .. وأذل الله من أذلهم تحيتي |
يابنت لا لا تنادينا .. الكل منا على الريموت
صدقت يا اخوي البلاء لاتغافل من يمسك الريموت والا كان خايف من امه لايضغط ويقلب القناة اسلامية وفهمك كافي |
اقتباس:
مرحبا باللي لفى غانم مسيّر .. ياهلا واقلط على صفر الدلال شاعرٍ يعجبك طبعه ما تغيّر .. مستوى رائع مثل ناد الهــلال ما نشوفه في حماه أمرٍ يحير .. وانت شاعر ماكرك روس الجبال لك المحبة والتقدير |
اقتباس:
ذكرتني المجمعه وسدير من دون خللي .. والعارض المنقاد واطول هجرااااه أسأل الله العلي العظيم أن يجيب الدعاء لك المحبة والتقدير |
اقتباس:
ذكرتني المجمعه وسدير من دون خللي .. والعارض المنقاد واطول هجرااااه أسأل الله العلي العظيم أن يجيب الدعاء لك المحبة والتقدير |
الشاعر / غانم الضومري
صح لسانك دائما" وأبدا" أنت شاعر تغرف من بحر فــ جند لسانك للدفاع عن الأمه لله دركــ يامبدع وتستاهل الـــــــ فايف***** أخوك / أبوبرجس العتيبي دمــــــــــــــت بخير |
اقتباس:
|
يامعاون المشراف ما اجمل هداياك .. يكفي حضورك عندي أكبر هديه بوسه على راسك ويدي بيمنااااااك .. اسمحلي الشطحات يمقن قويه ضيعت وقتي أتبع الربع ذولاااااااك .. حقين الازيب والرياح العتيه هنا الوناسه بايمني حط مركاااااااك .. العود الإزرق فاح والشاذليه يامعااون المشراف لولاك لولاااااااك .. ماصرت ضابط بالنجوم البهيه يداً بيد من أجل البراري تحيتي وتقديري |
صح السانك شاعرنا الكبير قصيدة جزله من جزل
|
اقتباس:
وقف ودورلي عن الفي مشـــراق .. في روضة خضرا تطاير عبقهـــا لك التحية والتقدير |
اقتباس:
الله ينصر اخواننا في سوريا ويدمّر بشّار ومن عاونه القلب محـــــــــروق مماصار = والعـــــــــــــين بالدمع مبتلّه يالعنة الله على الكــــــــــــفّار = وش في يـــــــــدينا ونوصلّه صار العــــــرب بايعين الجار = وآرائهــــــــــــــم حيل مختلّه والبعض منهم لعبّ بالــــطار = شيــــــعي ودرزي على القِلّه والغرب يشــــمت على مادار = في جامعـــــــــــــتنا وله طلّه سياسة الفرس تبـــــغى الثار = وتربّص الروم للـــــــــــــغلّه والصــــين قاموا على الثوّار = والروس يرمـــــون بالقُــُــلّه وبشّار يالعنــــــــــــــبو بشّار = يارب تلعـــــــــــــــنه وتشلّه ويارب تنــــــصر لنا الاحرار = الســــــــــــــنّه اللي لهم ملّه لو يفتحون الجــــــهاد اخيار = تزحف جيـــــــوش ٍ وتُرسلّه ونرجّع الشــــــام لاهل الدار = وندحر جيوش العداء الشـلّه |
اقتباس:
أنا أشهد إنك يابن منشار .. شاعر على الدين والملله أنته جبل يكسر المسمار .. أنت البطل والحلا كلله شوي وابيح الاسرار .. شوي واكسر الدلّه فرحت بك فرحت الدوار .. اللي لقى كنز غادله الله على جمعة الشعار .. في رفةٍ مايلٍ ظلّــه اهديك باقه من الازهار .. وردة من الند مبتلّه والا تبي خبزة المجمار .. قرصٍ مطلع من الملّه إنزل بجمبي ونعم الجار .. يامرحبا حي هالطلّه شكرا يا أبا الوليد بكم تحلى البراري محبتي لكم أحبتي |
غانم لا تظلم الاحرار حزب البعث راس بالقمه ابسائلك سهل لا تحتار درعا تهقى من هل الذمة ...... توضيح الشطر الثاني واضح انه ليس على وزن قصيدتك حبيت اختصر وجهت نظري بأطالتة ................صح لسانك ورفع الله قدرك..لكن اخوي اول ماحصلت المشاكل كانت في درعا المعروفة بالاحزاب الشيعية..لعنت الله عليهم..ياليت نحكم عقولنا قبل عواطفنا..ونذكر ماحدث لصدام الشهيد رحمة الله عليه..هل تطور العراق؟خطط صهيونيه اين نحنو عن حقنا الكبير في فلسطين..صح لسانك..وجهت نظري فأعذرني.. |
اقتباس:
المهم إيصال الفكره جبل حوران درعا قبائل سنيّه عربية أصيله أما صدام وبشار فهما بعثيان ووجهان لعملة واحده مؤسسها (ميشيل عفلق) no defrant between them ياطويل العمر مافيهم رجا .. شوكتينٍ في حلوق المسلمين بعث يعني مثل ليل الدجا .. شرذمة أشرار تحكم دون دين وانت ياذيبان ياراعي اجا .. الكرم عاداتكم ذبح السميــــــن صف جمبي نلعب حروف الهجا ..تذكرالتاريخ والجرح الدفين إنصح الملعون إنه يخرجا .. يمكن إنه يسمعك هاك اللعين فالأول نصرناه فغـــدر .وكبرناه فتكبر . له من الله ما يستحق . والثاني نصحناه عن ذبح شعبه فاعتذر، وأذاق السنّة ألوان القهر .. ومنعهم من الصلاة وصيام الشهر . ولكن أين المفر ؟ الشبك .. الشبك .. الشبك بإذن الله أشكر ذيب أجا على المشاركة الثرية .. تحيتي وتقديري |
اقتباس:
بشار ماراح عندي ولا اجا.. وصدام وشي شوكته يافطين ماظن له شوكه ولاظنه نجا.. ضحوبه اليهود وحنا مرتكين اصف بصفك ياغشانا ضجا.. او نوانا شر عدات حاقدين وانت يالضيغمي يانور الدجا.. يالكريم ياابن الرجال المحتمين خلنا من هرج ضكات العجا.. مالنا ومال شعب بشار الحزين |
لن أختلف معك كثيرا إلا في حزب البعث ..
أما الشعوب فلا ذنب لهم .. ومن الظلم أن يرى المسلم أخاه المسلم مكلوما ولا ينصره ولو بأضعف الإيمان . ما يهمني هو أنت . أينك عن ملتفى شعراء البراري بانتظارك يا بعد حيي . لك المحبة والتقدير تحيتي وتقديري |
اقتباس:
------------------------------------------------ يامرحبا ياسابك الشعر بأدراك .... معه القوافي تفتخر ضومريه غانم ، وغانم ، علم والخالق أعطاك... ونهجت لك منهاج مافيه زيه يالضومري لوضاع وقتك على ذاك ... تتويج حرفك عوضّه شاعريه وأبشر بمطلوبك عسى اللاش يفداك ... من شاعر" ماحافها بالرديه لوفي يدي تعيين مثلك وشرواك ... قررت لك بالشعر قايد سريه لك جل التحايا من أخوك/ أبو برجس العتيبي معاون المشراف |
اقتباس:
|
اقتباس:
اقتباس:
الله على حظٍ جمعني بشرواك أنشهد إن الحظ ميّه بمّـــــه مشكور ياحظي على اكبر هداياك تستاهل المقناص حقك عليـــه ولا حرروا دمشق وديتك هناك تلعب مع العصفور حبشه بريه .. أنا بينبع واتشــــرف برؤياااااك ولي الشرف لا صرت ضمن السريه وانا اتحدى كل شخص تحداك وارجع ورى خطوه وادق التحيه ياصاحبي عسى المنايا تعداك ويحفظك ربي من عيون البريه أباأسألك ماقصدي ازعجك واشناك إلى متى والبعث عينه قويـــــــه ؟ متى عن السنّ يزيلون الاسلاك ؟ متى يزول الظلم والعنجهيّه ؟ ؟ ؟ سامحني يا أبا برجس .. لم أعطك فرصة تبوح بها عما يجول بنفسك .. بانتظارك .. دمت ودام نبضك .. لك كل التحايا اخوك الضومري |
اقتباس:
مشكور يامحسن عسى عمرك يطول .. ويحفظك ربي من صدوف الليالي أرجوك يامحسن نبي شعر مفتــــول .. حول القضية ياكريم السباااااااالي اكتب من الابيات لا تقول مشغووول .. اطلبك بالمعروف واقرط عقاااالي الله يرزق داركم عشب وسيوووول .. عسى المطر يسقي جميع المفالي تحيتي |
اقتباس:
هذه المشاركة عرفتني بذيب أجا أحببته بالله .. وطالت الايام وأنا لم أراه .. ياذيب وين انت ياذيبان .. أبطيت ما شفت لك جره دورت بالضلع والبران .. ودورت بالطعس والحره أين أنت يا ذيب أجا .. |
غانم الضومري
صح لسانك على هذه الرائعه الجميله و الله يقرب الفرج ويزيل الغمة عن اهل الشام وينتقم من الرمة بشار |
| الساعة الآن 07:33 PM |
Powered by vBulletin .
جميع الحقوق محفوظة © لشبكة ومنتديات البراري 2010