|
سؤال سريع ع الطاير للمجربين فقط والغير مجربين يطالعون فقط
السلام عليكم ورحمة الله وبركاته الاخوه الافاضل والاعزاء الاعضاء والزوار بشبكة البراري كيف حالكم وان شاء الله طيبين الزبده بدخل بصلب الموضوع بشكل سريع و ع الطاير الحين اذا انتهى صلاحية الحليب مثل حليب المراعي او لبن المراعي وبعد ان قام الشخص بشربه واكتشف لاحقاً ان هذا الحليب منتهي صارله 10 ايام هل يؤثر على صحة الانسان علماً ان رائحة الحليب طبيعيه وطيب ورائع المذاق ولم يتم ملاحظة اي بوادر على الانتهاء هل يؤثر ذلك ولالا وياليت الاجابه تكون سريعه للي جربوا شرب مستهلك منتهي تاريخ الصلاحيه ورجاء خاص مابي اجابات عشوائيه انتظر الاجابه بأحر من جمر الفحم الي ينشوي عليه الدجاج واللحم . وشكراً :ordh: :in_love: |
اتوقع يؤثر على صحة الانسان اخي الكريم تركي الوايلي ويفيدونك الاخوه
|
بالنسبة إلي أنا شربت اللبن أكثر من مرة وهو منتهي الصلاحية , ولم يصبني إلا العافية ,, يوم يومين مايضر بشيء لاتخاف
|
تأثيره بيكون محدود يعني مغص في البطن واحتمال يكون فيه اسهال خفيف ومافيه الا العافيه واللبن اذا كان في الثلاجه حتى بعد ماينتهي بكم يوم يكون في حاله جيده ولايتغير لونه او طعمه ويستخدم في الطبخ |
يارجال وين ياثر ياما اكلنا وشربنا ...ومنتهية الصلاحية انا عني ما يعجبني اللبن الا اذا انتهى تاريخه :in_love: ما تدرون انه دواء ( مخمر ) :038: واذا مره خايف يسوي لك شي في البطن روح الصيدلية وتلاقي عندهم زيت خروع بالفراولة اوالبرتقال اوالليمون خذلك ملعقتين منه ... بس خلك جنب الحمام الله يكرمك :038: وبالهناء والعافية |
السالفه بارك الله فيكم
شربت انا وولدي نواف حليب قبل ساعه تقريباً وعقب مادرعنا بالحليب ورشفناه كله طالعت انا على تاريخ صلاحية الحليب ووجدته منتهي صارله عشر ايام والله يستر بس |
لا اخوي اللبن وعشر ايام خطر جداً لانه يسبب تسمم والحليب كذلك
ولكن اخي تركي اذا كان منتهي تحصله متغير لونه ويصبح كانه قطع من الزبادي ( الروب ) ورائحته كريهه ولكن اذا انت شربته وحسيت باسهال من فوق وتحت كرمك الله فهذا يعتبر تسمم غذائي ويجب مراجعه اقرب مستشفى لانه وصل لمرحله الخطر اتمنى اكون افدتك |
ان شاء الله مايصيبكم شي .. لكن مثل هالمنتجات تتخمر مع طول الوقت خصوصا بالثلاجه
وهذا اللي يخوف الواحد الا الاهل يجمدونه بالفليزر وينسونه ويصلحون به جريش ولا يخالف محكاكيك ماكل زبادي منتهي له ست ايام والحمد لله ماضر وعموما ترى المشروب خطره أقل من اللي يوكل وسهالات ان شاء الله يابو نواف ( لاتنوم بس ) |
أنا مرى أكلت زبادي منتهي صارله 11 يوم من الأنتهاء ولا حصل لي حاجة بس انتبه ترى جسم عن جسم يختلف قصدي المعدة فيه بعضهم تتحمل تكرم تنزله على طول بعظهم خلاص يترسب في الجسم الحاجة المنتهيه واذا اولدك الله يخليه لك ذخر وسند صغير حاول انك تشربه دواء المعدة او زموته او انه يلهم شاهي او انك توديه الى اقرب مستشفى ليش انه الأطفال مايتحملون
|
اقتباس:
لا طال عمرك الحليب ماتغير لونه ولا رائحته حتى قطع زي الزبادي مافيه اعتبار توني شاريه جديد هذه صور للحليب . https://im11.gulfup.com/2012-01-11/1326234015291.png https://im11.gulfup.com/2012-01-11/1326234015202.png |
أخي الحبيب
أبو نواف إذا أنت متخوف فأنصحك بالذهاب لأقرب مستشفى وخذ العلم الأكيد من أهله فالطبيب أدرى من الجميع وربما تحتاجون إلى غسيل معده لو كان هناك تأثير للبن كما أن قوقل ثري بالمعلومات في هذا الشأن كل ما عليك كتابة آثار أو علاج التسمم الغذائي وما تشوفون شر |
و عليكم السلام و رحمة الله و بركاته
بالنسبة لسؤالك ,, أكيد الحليب المنتهي الصلاحية له أضراره ويسبب تسمم للجسم ,,, بس طبعا الحليب الجاهز اللي نشتريه من السوبرماركت يكون معامل معاملات خاصة ومضاف له مو اد حافضة حتى بعد أنتهاء مدة الصلاحية ,,, مادام الشخص شربه وماحس بنكهة غريبة أو لون غريب ولا حس بغثيان أو ألم بالبطن فأن شاءالله ماعليه خطر ,,, \ / وبشكل عام لازم ننتبه جميعا لتاريخ الصلاحية الموجود على العبوات لتفادي الأضرار الصحية خصوصا للمواد الغذائية السائلة ... وأتمنى للجميع صحة سليمة وتغذية جيدة ... https://www.cksu.com/vb/images/smilie...t_ttbxr6ui.gifhttps://www.cksu.com/vb/images/smilie...t_idjsihgr.gif |
اقتباس:
يارجال عين خير روح للسوبر ماركت واشتر حليب جديد واشربه انت ونواف على فكرة خل التفاح يعمل تنقية وتنظيف للبطن خذلك ملعقة في كوب ماء دافي ودرعمه وفالك العافية |
اقتباس:
ياسرف السرف الحليب مو مفتوح :a_laugh2: لا ترمه اشربه :in_love: |
اقتباس:
ههههههههههه عندي كرتون باقي انا شربت تقريباً نص العلبه مثل الواضح بالصوره اعلاه وولدي شرب ربع تقريباً يعني ماشربنا علبه كامله يعني على قولتهم طبقنا المكتوب على علبة حليب المراعي ماهر المغامر وتركي الوايلي وولده نواف غامروا مع ماهر ههههههه |
أخــــوي تركي دايما بالغلط نأكل أو نشرب شي منتهي له يومين أوخمسه عادي إذا محفوظ فالثلاجه أما إذا كان عشره أيام فهذا تقريبا خطر لكن ربك يحفظكم إنت وضناك بس وأناأخيتك الخطر ساعتين إذا عدت ماصار شي فالحمدلله ونتمنى ذلك لأن فترة هضم المعده ساعتين وتفرغ شي يستفيد منه الجسم والباقي فائض لكن إذا لاحظت أي شي مثلا مغص أوغثيان أو وإنت بكرامه إسهال لابد من مراجعة الطبيب وربنا يحفظك إنت وإبنك ويصلحه لك وش لك بسرايات آخر الليل للمطبخ. |
أستاذي تركي الوايلي
دام انه لونه وطعمه ما تغير فبإذن الله ما عليه خلاف وبالنسبه لجميع مشروبات اللبن والحليب في حال إنتهاء تاريخها المسجل لا يعني أنه فسد فكثير من المصانع يسجلون التاريخ مبدأي ويكون صالح للشرب بعد أنتهائه بثلاث إلى خمس أيام مع مراعاة أن يكون محفوظ بالثلاجة أو في مكان بارد مثل أجواء الان شديدة البرودة والتأكد من عدم تغير طعمه ولونه وشكله وهذا الكلام من تجربه وخبرة كذلك بإذن الله |
اقتباس:
فعلا خل التفاح ممتاز لكن يشرب بماء بارد او معتدل يميل للبرودة لو شرب بماء دافي يحرق المعدة يسبب ((حرقان)) |
اذا انتهت صلاحية الحليب اواللبن خلة للجريش
|
طبعاً الذي يسبب التسمم هو التعفن حسب خبرتي في البلدية 19 سنه
وأما إذا شربت الحليب واللبن وطعمه طبيعي فلامشكله عندي عيالي صغار يشربون اللبن بعد ماينتهي بخمس أيام ولاضرهم شي والي بيفيدكم المراقب الصحي صاحب التخصص مهب الهيف حيث أنه مراقب صحي ودرس هالشغله بمعهد المراقبين وهو الآن يزاول العمل بهذه المهنه ( مراقب صحي ) والله أعلم |
بارك الله فيكم جميعاً يا اخواني وكلن بسمه والحمد لله لم يحصل اي شيء ورغم ان الحليب منتهي صارله عشر ايام وشربناه انا وولدي والاهم من ذلك كله انه على الشخص الانتباه من رائحة وطعم اي منتج غذائي واذا شاهد واحس انه تغير فعليه الامتناع عن شربه او اكله واذا لم يحصل اي تغير بهذا الحاله اتوقع لاضرر من ذلك والحمد لله كثيراً وكثيراً وشكراً للجميع . |
اخي تركي الوايلي
الحليب لايتأثر الا بعد فتحه المهم تكون الاجواء باردة ولو لم تكن باردة ماقدرت تشربه لا طعم ولا رائحة وعلى العموم اجواء هذه الايام مايضرك ابد سوى بعض الكربتة او شوية اضطرابات بسيطة ما تحس بها انا جربت هذا الشئ |
بارك الله فيك اخوي ناصر ولاهنت يالغالي والحمد لله الامور طيبه ابشرك
|
حاول ان تقرأ " بسم الله الذي لايضر مع اسمه شيء في
في الارض ولا في السماء وهو السميع العليم " ثلاث مرات وقراءة سورة الكهف ثلاث مرات وتنفث في يدك وتمسح بها جسدك وجسد ولدك ماتشوفون شر استودعتكم الله الذي لاتضيع ودائعه |
الحمدلله على السلامة.......................
|
يؤ يؤ شلون شربت هذا شيء خطير .. ويأثر عليك على المدى البعيد يعني بعد سنة ولا سنتين يا ساتر ........... يالله .. بقولك لا بأس طهور إن شاء الله من اللحين .. حسافة بنفقدك .............. ههههههههههههههههههههههههههههه امزح شوف يا حبيبي الكمية اللي انت شربتها قليلة مرة .. وان شاء الله ما تأثر الا اذا بيجيك شيء فهي بسبب النفسية ... ما تشوف شر .... ولا عاد تتعودهاا اقتباس:
ياخوي انا ما انصحك بهالطريقة هههههههههههه راح تفقدك الكثير من السوائل في الجسم ... وحط ببالك انه يومين بالضبط او اقل ما تزيد راح تسبب لك آلام في المعدة ... جربتها والله لا يوريك من الالم ما قدرت اوقف بس يمكن النكهات تختلف ههههههههههه ما تشوف شر اخوي الوايلي ... والله يخليلك اهلك |
| الساعة الآن 04:39 PM |
Powered by vBulletin .
جميع الحقوق محفوظة © لشبكة ومنتديات البراري 2010