|
مواقف من ايام الطفولة ............. موضوع تفاعلي
السلام عليكم ورحمة الله وبركاته كيف احوالكم جميعا بدون استثناء مالكم بالطويلة الموضوع من عنوانه كل من يدخل يسدح لنا موقف مر عليه ايام الطفولة ايا كان مضحك /محزن / محرج مسموح بالتعليقات بشرط اقتباس المشاركة والتعليق عليها وما يحتاج اذكركم بقوانين الالتزام حسب ما طلب منا استاذنا ابو طلال تفضلوا .......... |
و عليكم السلام و رحمة الله و بركاته
موضوع جميل جدا اختي شموعه و المواقف كثيرة حقيقه لكن ابي اقول موقف و الباقي لاحقا بمشيئة الله يوما ما كنت في مجلس للرجال و انا كنت واقفا بجانب والدي لاستقبال الضيوف فأتى احد الضيوف يسلم على الرجال واحدا واحد و عندما وصل بجانبي رفعت يدي كي اسلم عليه الا و هو يمر من جنبي كأنني لست موجود و يسلم على الذي كان بجانبي حقيقه موقف لا احسد عليه وقد تعلمت درسا بعدها فصرت لا اقف مع المستقبلين شكرا لك اختي ولي عودة بإذن الله دمت بحفظ الله و رعايته |
بعد مرور اكثر من 12 ساعة على طرح الموضوع
المشاهدات 35 الردود 1 وينكم بانتظار مواقفكم |
وعليكم السلام ورحمة الله وبركاته
موضوع طيب بارك الله فيك .. طبعاً موقف محرج وهي مشاركه لي مقتبسه من موضوع للأم الدانه وكان عنوانه جريمه سويتها وانت صغير السالفه ومافيها : اتذكر وانا ايام المتوسط وذلك في حفرالباطن (آه ياذيك الديار) المهم كنت بالحوش وقت القايله عاد حر الحفر غير إلا وشوف سلك (سيم / علاقه ) ملابس مرمي في الحوش عاد اخذته ورميته على محول كهرباء كان قدام بيتنا ويضرب شوط والله انها طلعت العاب ناريه من المحول ونطفى الكهرب من الساعة 2 ظهرا الى 9 ليلا تخيلوا عاد وقت الصيف لا وفي كم بيت تحرقة الثلاجات وبعض المكيفات والله لو دروا ....؟ لايكون الاخ عاصمة الربيع من ضمن المنازل المتضرره (هههه) الله يسامحني ويغفر لي ... وياكم |
اقتباس:
هههههههههه يازين من صورك وقتها يابوطلال ويشوف شعورك اجل كنت عندنا بالحفر ماشاء الله ربي يسامحك سببت اضرار للناس |
اذكر جريمة سويتها وانا صغيرة عمري 5 سنين ايام ما كنا بالكويت
الوالد رحمة الله عليه كان جايب خروف العيد علشان نذبحه بالبيت قبل العيد بكم يوم والوالدة كان عندها مكينة خياطة حاطة فيها بوكها وكان فيه 5 دنانير كاملة ودينارين امي كانت وقتها بالمطبخ واروح واركب على ظهر الخروف واتمشى فيه بالبيت لين وصلت مكينة امي وانزل واسوي نفسي سنعة واقعد احرك المكينة يعني اخيط والخروف عندي ويلقط بوك امي وكان مفتوح وابن الذين ما اكل الا ال5 دنانير والا امي تسمع صوت الخروف بالغرفة وتجي طايرة 200 كلم/س وتلقى بقايا الفلوس على براطم الخروف انا انخرعت من صيحتها وخفت تضربني سويت حالي مغمى علي ههههههههههه وسلمت من الطقة يارب سامحني روعت امي علي وقتها ترى براءة طفولة يحليلنا !!! |
الله يعطيك العافيه
أختي شموع والله شكل الموضوع بيطلع المستخبي أنا أذكر مره قطعت الإشاره ولحقتني الدوريه ياوالله البلشه المهم طلب مني التوقف ووقفت نزلت له والعظام تراعد وتفكيري مسجون مسجون مابها كلام طلب مني الرخصه ولما قرى أسمي وأسم قبيلتي قال والنعم عاد أنا من التلخبط والروعه قلت له تبي زود بدل ما عليك زود الرجال عاد طلع راعي ضحك وخذ ياضحك رمى الرخصه بوجهي وهو حاط يده على فمه ودي |
موضوع شيق وجميل أشكرك
مرة وأنا صغير عمري تقريبا ست أو سبع سنين كنت بالمزرعة مع الوالد رحمه الله وأشاهد حشرة صغيرة أو مرّة أشاهدها وأقوم ألعب بها وهي منكمشه ولها ذيل صغير ومسك ذلها وإذا هي تلدغني وأحس بألم في يدي وأقوم وأشيلها بيدي وأركض للوالد وأصوت لوالدي . شافها والدي ويضحك هههههه رحمه الله وقال هذي ياوليدي عقرب صغيره وفكك الله من شرها ونا ملدوغ منها من الخوف سكت ولا قلت ملدوغ أخذت تفريبا وقت والحمد لله طابت يدي. |
موظوع جميل جدا"
طبعا" اخوكم مشاكله كثيره وهو صغير وافلامه عجيبه وكنت مشهور في الحي الذي انا فيه من كثر ما اسوي افلام احد افلامي في رمضان في سنه من السنين وعلى ما اذكر في ال1968 اهل امي ساكنين بجانبنا وجدتي طابخه (( ششبرك )) وقبل الافطار بدقائق واضعه السدر وملي بالششبرك على البوابه من بره حتى تبرد ويفطروا عليها ، انا جيت من الحارة بعد ان انهيت (( لعب قلول)) واذا بالسدر خارج البيت ، اخذت السدر وركض على امي وقدمته لها وقلت هذا من جدتي لنا افطروا عليه ، وفعلا" نزلنا بها بسرعه افطار وانا من الذين يحب الششبرك ، واذا بجدتي تدق على الباب وخرجت لها امي وقالت يا بنتي حطيت سدر الششبرك على الباب وانسرق واذا عندك طعام هاتيه اطعم اخوانك واخواتك لانهم صايمين ،. ضحكت والدتي وقالت فوتي شوفي كمال شو الي سواه ، هذا كمال جابه لنا وقال هذا من جدتي الكوا . ضحكت جدتي وضحك الجميع واخذت ما تبقى من الششبرك وزدنا عليه من طعامنا . اشكرك شموع على هذا الموضوع الجميل والذي اعاد بنا الى الوراء عشرات السنين |
فيه موقف مره مسكت لي حيه ام جنيب ورحت للشباب وهم مجتمعين عند واحد منهم يلعبون ورقه قلت ابي امزح عليهم
ليادخلت عندهم والمفاجئة لقيت واحد واستحيت لاطلعها قدامه وجاء دوري في البلوت وقربت ابي العب ونسيتها المهم هي طلعت من مخباي الملعونه وعلى طول لدغت الي جنبي وتعال يالصياح والصجه هاذي منين جت وشل ود المستشفى وتنويم وانا اخمد ماعلمت احد انه معي قلت يمكن يموت الرجال ومشكله هههههههههه المهم تنوم تقريب اسبوع وطلع وهم يقولون يمكن سكنيه وكيف دخلت البيت ولليوم ماعلمت احد هههههههههههههههههههههه وش رايكم وحلفت ماعاد امسكها |
موقفي موقف مرعب بالنسبة لي لأني وقتها كنت أقرب إلى الموت مني إلى الحياة لولا رحمة ربي ولطفه بي سبحانه وتعالى الموقف كنا وأنا صغير نسكن بوسط مزارع وكان بها مجرى ماء يمر من تحت الطريق وبالطبع كان يربطها بركة صغيرة يصب بها الماء أنا كنت في الخامسة تقريبا أخذت ألعب بالماء بالضفادع ونسيت نفسي ما دريت إلا ورأسي تحت في أسفل البركة ورجلي فوق طبعا لا يمكنني أن أستدير لضيق البركة أيقنت بالهلاك ووالله إني إلا الآن أذكر الموقف وكأنه وقع لي اللحظة المهم لطف الله به وتداركني برحمته فقد يسر الله أن كان بالقرب مني زوجة صاحب المزرعة حيث شاهدتني فجائت وسحبتني بقوة وعملت لي بعض الإسعافات من ضرب الظهر حتى أرد أنفاسي وأخرج الماء من جوفي فأنجاني الله برحمته من ذلك الموقف العصيب |
لي عوده حتى اتذكر
|
هذا موقف بسيـــــــط جدا لاكن ما ودي اتذكره
زمان ماكنت اعرف الجوال ولا اعرف حتى استخدمه وكان اخوي مشتري جوال جديد ماله اسبوع المهم كنت جالس عند اخوي واتصل عليه واحد وقعد يقرقر معه واخر شي قال امسك اخووي بيكلمك وانا اقول الله من البلشه وما اعرف وش اسوي واخذ الجوال واقول الوو وهو يقول السلام عليكم والله العظيم تلعثم لساني وما ادري وش اقول وانا اقوول للرجال بسم الله الرحمن الرحيم والرجال للان ماسكها علي .. |
هذا ثاني
وانا كنت صغير في ايام الصيف يمكن درجه الحراره 50 درجه الظهر كنت جالس تحت الاشجار وفيه ماء عند الشجر وفيه الدجاج يدور البراد وعاد الدجاج مع الحراره يطلع لسانه من الحراره >>> والله ما الومه والله وانا انظر في الدجاجه وهي مطلعه لسانها والله وانا امسك الحجار وضرب فيها هي شارده وانا وراها والله وتجي الوالده الله يحفظها وهي تقول وش فيك على الدجاجه وانا اقول والله يمه من اليوم والدجاجه تطلع لسانها علي هههههههه اثر المسكينه ذابحها الحر |
ههههههههههههه الله يقطع ابليسك يامحمد
اشوفك انتقمت من الدجاجة وحرقتها ( مانترك هاك الدجاجة ) ههههههههه اشكركم جدا لتفاعلكم وطلعتوا منتوا بهينين عندكم مغامرات تونس والله ربي يوسع صدوركم وكل ما تذكرتوا شي لا تقصرون والله فلة هالموضوع يستعيد الذكريات ويونسنا بارك الله فيكم جميعا |
يوم كان عمري حوالي 6 سنين كنت بصف اول بيوم من الايام تعشينا وجالسين بالحوش وفجاة طفيت ونمت قامت امي وشالتني وحطتني على فراشي حسيت فيها وبيني وبينكم استانست لما شالتني حسيت اني العب مراجيح ههههههههه
وبعد يومين تكرر الموقف وهالمرة شالني ابوي وكان الله يرحمه طويل وضخم البنية اول ما شالني كاني بلعبة الصاروخ هالايام هههههههه هووووب والا انا فوق والله وناسة عجيبة ويصير من باكر واسوي نفسي نايمة ابي احس بالشيلة صح والا تجي امي تبي تشيلني وهنا فضحت نفسي قلت لالالايمة خلي ابوي يشيلني هههههههههه وهي تقولي اجل تنصبين علينا مسوية نايمة وتلحقني وانا احط رجلي هههههههههه بس ضحكت بوجها وسامحتني وحضنتي فديتها |
مشكور عزيزتي 00موضوع شيق وحلووووووووو
انااا اعندي اشياااء كثييرة اذكرلكم هذي--- يمكن عمري 10 او 12 سنة على العمووم كانت عندناااا طباخة للبيت من احد الدول الخلجية وكانت شديدة معنااا اي شئ يصير تخبر الجدة وانتم تعرفون سوالف العجائز 000 عقااب شديد من الجدة الله يرحمهاااا وامي وايد طيبة ما تعمل لناااا اي شئ الله يطول في عمرهاااااا حبيت انتقم من الطباخة ام محمد --بعد ما خلصت الطبخ وضعت ملح زياااادة فية بدون ما تشوفني لن جدتي فيها ضغط ممنوعة من الملح 00 هههههههههههه الله من هذااك اليوم جدتي هوشت ام محمد الطباخة وانا واخواتي مبسوطين ونعمل حركاات حقهااااااا 000 مسكينة يمااا عملت فيهااااا مقلاب كثييرة000 |
هذا موقف حصل قدامي ايام الطفولة
اكثر عمري عشت في مزارع وكان يجينا اقارب لنا من وسط المدينة (الرياض) واطفالهم ما عمرهم شافوا غنم وفيه بنت عمرها حوالي 6 سنوات طلعت وحصلت عنز رابظة في ظل البيت وتجتر (تعلك ) وتناظرها وتجلس جنبها وتمد لها يدها وتقول عطيني عليلك مفكرة إن العنز تأكل علك وهالموقف ما نسيته وكنت تقريباً في سنها ولي عودة بإذن الله الف شكر بنتي الكريمة على الموضوع الرائع |
| الساعة الآن 11:46 AM |
Powered by vBulletin .
جميع الحقوق محفوظة © لشبكة ومنتديات البراري 2010