|
الســــــاطي
إهداء إلى الصقار ابوعواد والصقر ساطي ولكم أحبتي المحبة والتقدير من فكر ابو سامي على ناصع الطرس اكتـب عـن الساطي ولا يمكـن اوفيـه الطير ابو عواد جابه من الفرس انشهد إن الله من الحسن كاسيه من منفذ الخفجي وهو يحرسه حرس هاوي ولـع نـرجي من الله يشافيـه يسبق طشاش الريش في مسرح الفرس فنـــان هـــد وعـــــزل تسلم أياديـــه ما اشكل عليه اللي لبس غالي الخرس ما همـه إلا الطيــــر هو وين يدعيه استاذ ساطي بالسما يشرح الـــدرس ولا فيــه بالمقناص طـيـــرٍ يجاريه وانا اذكر الله بالسما يفصم الترس حرٍ يبرد بالهدد كبـــد راعيــــــه ما فيه عيب إلا على الثالثه شرس يشبع بمنقاره ولا احدٍ يعشيه ياعلها تفداه لو يفرسه فرس ساطي وحتى اسمه هو اللي مسميه يامحلى والطير صدره كما الورس على شعاع الشمس تلمع ثناديه حطوا له المركا وناولني النرس وخل السوالف كلها حول طاريه واللي معه غيره يدسه ورى الهرس والا يجيبه عند ساطي يربيه له وقفةٍ مثل البطل ليلة العرس وله هيبة مثل الأسد في تعاليه من كف ابو عواد تحريكة الظرس راع الكرم ربك من الخير يعطيه ملفى الرجال اللي علت غالي الكرس يشهد لهم عن ماضي الوقت تاليه غانم الضومري |
كفو أخوي ضامي والربع يستاهلون
صح لسانك واعتلا شانك يالعزيز لاهنت ولاهان منشاك بإنتظار جديدك |
لاعدمنا هالابداع تسلم يالنشمي
يستاهلون الجماعة |
غآنم وصف جميل صح لسانك و بيض الله وجهك جزله من شاعــر جزل ننتظر جديدكـ يابعدي تستآهل التقييم والتميز ي الغالي لاهنت ------------ ينقل لقسم ملتقى شعرآء البراري |
شكرا الاخ غـــــــانم الضومري وسوف انزل موضوع لصورت الساطي
|
صح السانك رائعه يسلو
|
اقتباس:
أسرع من الصوت شيهانه .. لا سهمت تبـــري العلّة شكراً لسرعة الحضور وطيب الشعور تحيتي وتقديري |
اقتباس:
أنت المطر ما انت السراب .. أنت الغدير .. أنت القدير .. تحيتي وتقديري |
صح لسانك اخوي غانم الضومري
وبيض الله وجهك على هالأبداع وتقبل مروري ابو ناصر الشريف |
صح لسانك ياغانم الضومري
وصفت فابدعت ويستاهلون الممدوحين |
اقتباس:
ياعنيد الراي تسلم يا عنيد .. دام رايك صح كملها عناد شكرا للمرور وإبداء صادق الشعور غمرتني بكرمك أثابك الله .. تحيتي وتقديري .... |
اقتباس:
وجدت الهديه .. مشكور يابو عواد صور ولا أروع . . تمرقتم .. بالصحة والعافية رساله خاصه للساطي : نسيت شاعرك يالساطي .!. لنا الصور والمرق وينه ؟) اسعدكم الله أينما حللتم تحيتي |
اقتباس:
شكرا وفاء على الحضور وطيب الشعور تحيتي |
اقتباس:
لي الشرف يوم الشريف يزورني .. تباركي يا صفحتي في جيته تشرفت القصيده وشاعرها بالشريف ابو ناصر .. شكرا على الحضور والاطراء وصادق الشعور تحيتي وتقديري |
اقتباس:
ياسمي الخير شرفت المكان .. ياهلا مليون تسلم يالركام لك المعزة والتقدير تحيتي غانم |
صح السانك شاعرنا القدير غانم تحيتي لك
|
..
صح لسـاانك ابدعت ، دائماً معودنا على ابداعك ونشاطك في البراري ننتظر جديدك |
| الساعة الآن 02:40 PM |
Powered by vBulletin .
جميع الحقوق محفوظة © لشبكة ومنتديات البراري 2010