|
كشتة صباحية فيها ما لذ وطاب
السلام عليكم ورحمة الله وبركاته بعد صلاة الفجر يوم شفت ان الجو براد قلت يابو فراس لا يفوتك الغضا هالحين تبي تلقاه فاضي كل الناس اللي بالمدرسة او بالعمل وخذ راحتك مع اني اتصلت على واحد ولا رد (قلعته) المهم قررت ان ازين خبزي بيدي وحيث اني عجل مريت على الخباز واخذت منه عجين مقدار قرص واحد يبي يكفين انا والضيف ان سير علي احد ويوم وصلت والا هاك الغيوم والجو الزين 1 https://img695.imageshack.us/img695/5373/66802562.jpg 2 على طول شبيت الضو حتى احكر القهوة والشاهي ويجمر حتى نسوي خبزنا https://img268.imageshack.us/img268/1512/1186132393.jpg 3 ابكثر الصور علشان واحد ببالي يحب كثرتهن واقترح على حتى يطول وهو يقرا الموضوع ويمخمخ عليه واستجبنا لغربته https://img822.imageshack.us/img822/4408/1186132394.jpg 4واول مازان فنجال قهوة يطرد ازعاج المدينة وتبدا بالهواجيس https://img828.imageshack.us/img828/3949/1186132397.jpg 5وقدوع وصى عليه الخبراء https://img88.imageshack.us/img88/9595/1186132401.jpg 6 وفنجال شاهي صافي لحد يقول خفيف ترا ما اعزمه بعدين https://img35.imageshack.us/img35/905/1186132404.jpg 7 واثناء انتظار الخبز خذ كم صورة وجرب واشغل روح يامال الغنيمة وهذي صورة لحبيبة اهالي عنيزة شجرة الغضاء https://img16.imageshack.us/img16/6770/1186132405.jpg 8 والان نعود لخبزنا واعذرون لاني لحالي (يعني بمفردي) ما قدرت اصور الخطوة الاولى لفرد العجينة تخبرون الايد مليانة عجين والكمرة غالية بعد ان فردنا العجين بصحن الكنافة (اسفين يا ام فراس)احتجناه المرة وان شاء الله نشري ليتس واحد بداله (ايه كثر منهن) غطيناه بالغطا حتى تنتشر الحرارة وحماية له من الحشرات او رمل او اي شي مزعج https://img825.imageshack.us/img825/7927/1186132406.jpg 9 وبعد خمس دقائق حسب قوة دافورك يكون القرص استوى من الاسفل https://img844.imageshack.us/img844/2369/1186132407.jpg 10 بعد ان استوى القرص وتكون الجميرات جاهزات نقلب الصحن بعد ان نرفع الغطاء عنه لكي يتقمر وجه القرص ويستوي اكثر https://img90.imageshack.us/img90/9990/1186132408.jpg 11 وكذلك حسب قوة جمرك وحرارته انت قدر له الوقت المناسب وهذي النتيجة قرص يحبه قلبك مقمر على مزاجك https://img15.imageshack.us/img15/1070/1186132409.jpg 12 وهذا الوجة الاخر للقرص المقرمش https://img714.imageshack.us/img714/3043/1186132412.jpg 13 ومع الحليب والشاهي ما ينتفوت تغميس به https://img16.imageshack.us/img16/1382/1186132413.jpg 14 ايضا نبي نكثر من الصور اماهن ببلاش https://img819.imageshack.us/img819/5010/1186132414.jpg 15 وانت تاكل وموسعن صدرك خذ لك كم صورة يامال الغنيمة ترا الربع يستاهلون https://img51.imageshack.us/img51/6439/1186132415.jpg 16 مثل ما قلت لكم ترا الصور ببلاش اصبروا لا تروحن باقي صورة مهمة https://img705.imageshack.us/img705/2994/1186132416.jpg 17 وهذي النتيجة الفتاكة ولا تعلم احد يبلشك بعدين ويقول سو لي معك قرص لين اودي العيال والبنات للمدارس واجيك https://img842.imageshack.us/img842/4981/1186132417.jpg 18 وهذي القرص ما ادرس وش يسمونه تحطه بين الدافور والخبز حتى يتم توزيع الحرارة على القرص كله ولا يحترق https://img10.imageshack.us/img10/1094/1186132418.jpg 19 وهذي صورة اخرى له https://img825.imageshack.us/img825/6513/1186132419.jpg 20 وهذي صورة النهائية قبل الرحيل الحزين حيث اني تلقيت اتصالا من طبيب الزراعة لعلاج بعض الاغنام عندنا بالمزرعة ولابد ان اكون متواجدا هناك ولكن ان شاء الله نعوضكم بكشتة ثانية تكون اوسع وقت https://img593.imageshack.us/img593/9084/1186132420.jpg وفي النهاية اتمنى ان تحوز على رضاكم |
وعليكم السلام ورحمة الله وبركاته ماشاء الله تبارك الله الله يحفظك ويسعدك على الكشته الصباحيه مع القرص الشهي .. الله يجعله مداخيل العافيه ياابو فراس وعساك على القوى يااارب |
بيض الله وجهك اسعدتنا برحلتك حسيت اني مخاويك
|
جعلها بالعافية يابوفراس هالجمريه اما الشاهي المره هاذي شكله يحكر الدماغ على قولة المصريين بس الله يعينك تشتري صحن كنافه جديد والله اطربتنا يابو فراس بالصور الرائعة للجو الجميل الله يحفظك ويطول بعمرك https://www.alrahalat.com/uploads/201...1317218142.jpg |
يالله انك ما تحرمنا من كشتته معهم ياكريم
|
يابو فراس الصور ماطلعت
|
والله يكفى انك في الجلسه يابو فراس
الله يطول بعمرك ويعطيك الف عافيه |
شوفوا وش المشكلة الصور طالعة عند بعض الناس والبعض الاخر لا
ما ادري وين المشكلة |
لجل خاطركم حملنا الصور مرة ثانية ولا يصير خاطرك الا طيب يالشيخ
|
اللي من القلب يدخل القلب
رحله خفيفه لكنها وزنها (ثقيل) الله يديم عليك الصحة والعافيه |
يآسلآم ..
https://img35.imageshack.us/img35/905/1186132404.jpg https://img15.imageshack.us/img15/1070/1186132409.jpg وش احسن منهن فالبر؟ّ! عساه بالعافيه على قلوبكم .. تحياتي لكم .. |
اقتباس:
الله يرفع مقدارك يابو قاسم ويطول لي بعمرك بعد اقتباس:
اقتباس:
|
الله يوسع صدرك يابو فراس بالصحة والعافية
ما شاء الله كشتة صباحية مميزة وخبز ودنا نذوقه |
اقتباس:
الله ... الله ... الله ماشاء الله تبارك الله وخل عنك الوناسة بالغضا مالها مثيل سواء كنت وحداني أو مع الغير الله يحفظك ويرعاك يا عمدة يا أبهه أيييييه الحلاوا دي كلهااااا |
تسلم ابو فراس
ما قصرت اخوي معلم في الخبز بارك الله فيك ، ولا تحرمنا من جديدك |
اقتباس:
انت تامر امر يابو عبدالله بس حدد الوقت وانا جاهز اقتباس:
والله الحلاوة هو تعليقك الحلو على الموضوع والحمد لله انه جاز لك فأنت استاذنا اقتباس:
منكم نستفيد ولو انك منت من راعين الكشتات الوحدانية |
منتهى الروعة سلمت يمينك ابو فراس يا بعد حي
|
اخوي خالد الشمري مراسل حائل سابقا معك ابو فراس مراسل الغضا حاليا عساك بحدا روحاتك تمر علينا بعنيزة وانتشرف بك ان شاء الله |
بيض الله وجهك |
ما شاء الله وبالعااافية عليك رحله انفراديه جميله وممتعه بسانصحك المره الثانيه تاخذ معاك ام فراس عشان توسع صدرك ومشكور على الصور والتقرير ----- بس الخبز مالة حال شكلة شهي مع الحليب --- وتقبل تحيااتي ومروري ودي لك |
اقتباس:
وبيض الله وجهك بعد على المرور والتعليق اقتباس:
ام عبدالله ام فراس ليست برية بل مدنية وبالنسبة للصور لا شكر على واجب والحمد لله انها جازت لكم ومايعرف لذة الخبز الا اللي ذاقه مع الحليب |
كشته لحالك مهبول هههههههههه
|
اجمل كشتة عساااك تسلم بو فراس على الصور اللي تشرح القلب والخاااطر وخصوص الخبز واااااااااااااااو فرش والله يعطيك الصحة والعافية رحلة فيف ستااار |
اقتباس:
ياعاصفة الميدنة بعض الجنون فنون وشكرا على التعليق الخفيف اقتباس:
اختي عذاري والله صدقتي من اجمل الكشتات اللي تشرح الخاطر وفعلا ما اجمل من الشي اذا صار طازج و(فرش) |
بالعافيه يابو فراس لكن منفعت المخرمة اللي حطيته فوق دافورك القرص احترق |
معقول ابو محمد يرد على موضع كشتات هو انت فاضي يابو محمد ترد على هالمواضيع الخفيفة خلك بس للمواضيع اللي عليهن القيمة اللي يبي له قامة من الفامات الكبار مثلك وشرواك نرجع لموضوعي ما يصلح نشرح لك بالصور لابد بالطبيعة كود يوم اصيدك او تصيدن بحدا هالبران ان شاء الله عليك العجن ؤعليك وعلي الخبز بالنسبة للصاجة المخرمة هي احطه تحت الصينية على الدافور فقط اما الاحراق كان على وجه القرص وهو بعد ان قلبت الصينية على الجمر بدون الصاجة المخرمة بس ارجع واقول لازم اوريك القرص على الطبيعة قل تم |
صبرك علي يبرد الوقت ياالغالي وتربع الأرض ويصير بدال القرص قرصين وجعل هبوطه العافيه عليك يارب نسيت أقولك ترى البتاع وصلني وعاجزعن الشكر |
اقتباس:
ما لنا الا ننتظر الين يجي الشتاء والامطار والخيرات ان شاء الله |
ماشاء الله كشته وحدانيه ومزاج عالي قول امين يابوفراس - الله يشرح صدرك بالايمان وطاعة الرحمن والاخوه والمسلمين اجمعين بس قل من وين نلقى صحن الكنافه -- تقبل تحياتي
|
اقتباس:
الله يعافيك على هالدعاء وبالنسبة لصحن الكنافة تجدونه عند محلات الاواني |
بارك الله فيكم على هذا التقرير الاكثر من رائع
وهو بحق من التقارير المميزة لدي كفيت ووفيت في تقريرك والله يجزاك خير على هالتقرير تنتخاوا يابو فراس قايل لبو ناصر طلعتن مع ابو فراس تنشرى بس لو ان القرص على هذة المركابة https://up.albrari.com/uploads/130441969212.jpg |
تسلم يا بو فراس على التقرير الرووعه
الف تحيه لك |
الله يعطيك العافيه
أستاذي أبو فراس أميل للعزله وأببعد عن الناس ما ودي إن الناس تاكل قريصي ودي |
مشكور اخي ابوفراس على الصور والتعليقات الحلوة والله يشفي أغنامك ولاتنسى تطمئننا عليهن |
| الساعة الآن 06:26 PM |
Powered by vBulletin .
جميع الحقوق محفوظة © لشبكة ومنتديات البراري 2010