|
اللبس ماعمره ستر عيب رجّال
قصة وقصيدة من بريدي فيه شخص ثقيل دم كل ماقابل خويه يدور شيء ينتقده مره يقول (نعالك مو ماركه) ومره (قماش ثوبك صيني) وآخر مره قاله (قلمك رخيص مو زي قلمي الـ ( dior) فكتب له بقلمه [الرخيص] هذي الأبيات: في جيبي العلوي قلم بأربعه ريال وأخطّ به مالا يخطّه (ديورك) هذي علومك،،، كلها عوج وهزال اسمعني، اللــه لايجبّر كسورك فرحان.. تشري بـ(ألف وشويه) نعال! تمشي بك دروب المذله بـ شورك ومفصّل بـ (حول الثلاثميه) عقال! وتحته عقل فارغ سوى مـن غرورك يا تافه .. ارخ السمع للي بينقال وتراه ماهو مـن دواعي سرورك اللبس ماعمره ستر عيب رجّال هذا انت ماتستر خَواك بـ قشورك ومادامك تقيس الأوادم بالأشكال عندي تساوت غيبتك مع حضورك رح خاو خاوي مثلك أشبه بـ تمثال يرضي برستيجك ويسعد شعورك ما اتشرف بمعرفتك ولا انت فـ البال ولا عاد أشوفك عندي ولا بأزورك مغنيني اللـه عنك برجالٍ ثقال مافيهم اللي حب تمثيل دورك أقلّهم لو شاف تقصير وإهمال يسد نقصك ما يدوّر قصورك |
ههههه
جميله القصيده |
قصيدة جميلة صح ذوووقك الله يعطيك العافيه ادامك الله يالغااالي |
أقلّهم لو شاف تقصير وإهمال يسد نقصك ما يدوّر قصورك قصة وابيات جميلة ومعبرة شكرا لك ابو فراس |
ومادامك تقيس الأوادم بالأشكال
عندي تساوت غيبتك مع حضورك قصيدة معبره ....بارك الله فيك ...بمان الله |
الله يعطيكـ العافيه |
الله يعطيكـ العافيه لاهنت |
أبو فراس
يعطيك العافية على الأبيات الجزله |
صح الله السانك وعلا شانك قصيدة معبره احترامي
|
صح لسانك اخي الغالي
مشكوووووووووووووووووور |
يعطيك العافيه يالشيخ ابو فراس
قصيده جميله ومعبره بيض الله وجهك وصح الله لسانك ولسان شاعرها تقبل مروري ابو ناصرالشريف |
يعطيك العافيه
قصيده رااائعه ومعبره |
يا تافه .. ارخ السمع للي بينقال وتراه ماهو مـن دواعي سرورك اللبس ماعمره ستر عيب رجّال هذا انت ماتستر خَواك بـ قشورك ومادامك تقيس الأوادم بالأشكال عندي تساوت غيبتك مع حضورك رح خاو خاوي مثلك أشبه بـ تمثال يرضي برستيجك ويسعد شعورك ما اتشرف بمعرفتك ولا انت فـ البال ولا عاد أشوفك عندي ولا بأزورك يسند حظك يالغالي ابو فراس نعم وفعلا" عمر اللبس ما سوى رجال اختيار موفق تحياتي لك يالغالي |
انشهد ياعمي انه كفى ووفى بهالخايب للاسف زادوا بالمجتمع اشباه الرجال
ياحيف بس ربي يسعد ايامك وتسلم يمينك عالقصيدة حيل اعجبتني |
| الساعة الآن 11:31 AM |
Powered by vBulletin .
جميع الحقوق محفوظة © لشبكة ومنتديات البراري 2010