|
محتاجة مساعدتكم
السلام عليكم ورحمة الله وبركاته
أخوتي الأفاضل عندي مشكلة بجهازي وصار لي كم يوم أدخل من جهاز ثاني وطبعاً تربطني علاقة عاطفية نفسية بجهازي ما أعرف أشتغل غير عليه المشكلة بنتي الصغيرة كانت تلعب بالجهاز ومعاها ألوان طبية الي تروح بالموية وأنكبت على الكيبورد ومن شطارتها تبي تخبي عملتها جابت مناديل فيها موية وجلست تمسح بالكيبور ... طبعاً سكتت وماتكلمت غير بعد دحلسة ودلع وتخدع لين أعترفت فتحت الكيبور ونشفته ومسحته وشغلته بس بعض الحروف ماتكتب وبعضها يكتب حرف ورقم وبعضها حرفين مع بعض المهم غيرت الكيبورد كله والمشكلة ما أنحلت عجزت فيه مين يقدر يساعدني ربي يجزاه بالخير وربي مضااايقه عليه عشرة عمر صار له ثلاث سنين تعودت عليه كثير وحبيته على فكرة الجهاز توشيبا ستلايت انتظر حلولكم |
ياريت تذكريين لنا نوع جهازك . . .
|
عندنا وعندك خير
الله يصلحهم بس والغبنة كانها بنية ترحمها وتلعب عليك بالدلع |
اسف يا ام محمد
ودي اساعد ولكن هاللاب توب من اكره الاجهزة عندي واحبها هو الدسك توب ولذلك اسمحي لي |
وعليكم السلام ورحمة الله وبركاته
الله يعينك ام محمد ويصلح لك بنتك .. طيب جربي .. انك تنشفيه بالاستشوار او تفتحين لوحة المفاتيح وتتركينها في الشمس .. والافضل الذهاب الى فني مختص والله العالم يمكن تغيرين لوحة مفاتيح في حل ثاني ومجرب اشتري لك كيبورد خارجي افضل انا ماعمري استخدمة كيبورد الا بتوب وفي حل ثالث ولكن في سماجه شوي كيبورد على الشاشه وهي اكتبي osk في التشغيل ثم موافق وبكذا يطلع لك الكيبورد السحري اتمنى اني وفقت .. |
اقتباس:
هلا أخوي معشي الديب جهازي توشيبا ستلايت |
اقتباس:
آمين يارب المشكلة إنها طفلة وحرام تعاقب تكسر الخاطر مشكور أخوي ولد العم |
اقتباس:
هلا وغلا بأستاذي أبو فراس مرورك يكفي الله يسعدك |
اقتباس:
هلا بمشرفنا الغالي ضيف الله والله فكيت الكيبورد ونشفته ونشفت الجهاز وخليته يومين مفتوح على أساس يجف وماصلح وغيرت الكيبورد ونفس المشكلة أما كيبورد الشاشة ماني حابيته بحاول أصلحه ولو غلبت بيكون أخر الحلول قلت بشوف لو في حل عندكم ولو ضبط خير وبركة ولو ماضبط مالنا إلا المهندس مشكور على الأفكار |
اقتباس:
والله المستعان . . |
اقتباس:
هههههههههههه أنا الي بدلت الكيبورد يعني عندي خبرة بسيطة حصلت عليها خلال دراستي للحاسب الآلي بس تتوقع طريقة التركيب خطأ ..؟ ياريت يكون هذا السبب |
اقتباس:
|
بحاول وأرد لك خبر
وربي يجزاك بالخير |
اقتباس:
بانتظار النتيجة . . بارك الله فيك . . تحياتي . . |
حاولت أخي أكثر من ثلاث مرات لكن بلا نتيجة
خصوصاً إن تركيب الكيبورد سهل مره مدري لو في حل ثاني ولا لا أمل |
جاكم المهندس
ممكن تشرحين المشكلة بالتفصيل الممل سلام |
اقتباس:
فكيت الكيبورد وجففته ورجعته صارت بعض الحروف والأرقام تكتب حرفين وبعضها حرف مع رقم وبعضها مايشتغل بالمره غيرت الكيبورد ركبت واحد جديد بس نفس المشكلة فتحت الجهاز وخليته يومين عشان لو فيه مويه ينشف ونفس المشكلة مافي تحسن مدري في حل للمشكلة ولا اوديه للمهندس مع العلم ما أحب أودي جهازي للمهندس لأني ماأثق فيهم أكيد في بعضهم كويسين وأمنين بس أفضل أحل المشكلة بنفسي لكن بخليها أخر الحلول |
ام محمد بيعيه عليه ورتاحي منه وشتري جديد |
الحمدالله عرف السبب وتم تغير القطعة وصار ميه ميه
تسلمون ماقصرتم |
وعليكم السلام ههههه عندي وعندس خير انا نص ازرة جهازي طايحة ماقول إلا اللة يهديهن ويصلحهن
|
ماشاء الله مبروك ام محمد لاتقولين بو ناصر هو الي مصلحه لانه طلب تفاصيل المشكله الله يصلحها ويخليها لكم |
مايقصر أبو ناصر
لكن وديته مهندس لاني سلمت ورفعت الراية والحمدلله الجهاز ضبط لكن بعض البرامج ماهي شغاله واصلح فيه شوي شوي الف شكر للجميع ربي يجزاكم بالخير |
| الساعة الآن 07:38 AM |
Powered by vBulletin .
جميع الحقوق محفوظة © لشبكة ومنتديات البراري 2010