|
وش رائيكم بالقصيده ساااعدوني
بسم الله الرحمن الرحيم السلام عليكم ابيكم تعطوني رايكم في هالبيتين وان كان فيه تعديل قولوه لي واني ارحب بالنقد بصدر رحب ===============================1-قالولي ياولد وش فيك ماخذتك الهواجيس قلت تدرون اشوف شين ماتناضرونه 2-قالو خل عنك خبالك لاتصير تعامل الاباليس لاوالله اتعامل مع قمر خمس طعش لحاله 3-اناضره من اول الشهر لاخره وهو الونيس ================================قامو وهم يضحكون قالوا خلو الهاوي الحاله تحياتي :ordh: |
الله الله ماشاء الله عليك اخوي مايحتاج والله ابيات جميله وبدايه ممتازه انتظر جديدك (ماتناضرونه _ظ) شموخ رضوى |
اقتباس:
والله وأنا أخوك أبعطيك رأيي في القصيده وإن شاء الله تستفيد منه أول شي الأبيآت مكسره تماماً معدومة الوزن والقآفيه ولو أن الأهم هو سبك وحبك القآفيه ومن ثم الوزن وأنا هنا أشوف إنك ما أهتميت بالقآفيه وأنا موضح لك ذلك بالألوآن لأن المفروض إذا آلبيت إنتهى بحرف ( ال ) فالقصيده تجبرك على أن تنهي جميع الأبيآت بنفس الحرف اللي هو ( ال ) .. بالنسبه للوزن فهو لا تستطيع أن تزن أبيات القصيده إن لم تلتزم بقافيتها .. ( اضبط القآف والوزن أمره بسيط ) ! هذه وجهة نظري ياوسم 1418 وأرجوا أن تتقبلها بشكل رحب وإذا أردت أي شي فـ أنا جآهز |
كلام سليم يامراسل مدركة |
اخوي وسم الأبيات مكسره تماما لاوزن ولاقافيه وهناك موضوع مثبت في القسم تحت اسم بحور الشعر واوزانه يمكنك العوده اليه والأستفاده منه وصدقني باذن الله راح تستفيد وتتحفنا بقصايدك الغزليه هنا ترى مافيه شئ صعب اتمنى لك التوفيق اخوك ابو ناصر الشريف |
أخي الفاضل عليك أن تتقبل النقد الهادف إذا كنت عازم على محاولة نظم الشعر حتى تتجنب الأخطاء قدر الإمكان واعلم بأن لكل جواد كبوة وللإستئناس إقراء أو إستمع إلى نقاش كان مع د/ عائض القرني الشيخ والداعية المعروف وكيف كانت بدايته ولم يزده النقد إلا إصرار وعزيمة حتى أصبح يتقن نظم الشعر |
لي عووووده وراي آخر
|
اقتباس:
ننتظر رايك مهم لدي للغايه و أهم شي احبائي الدوافع الوجدانية لكتابة القصيد وثراء الالفاظ ثم جرها هجيني ولا شيله وتبين لك جميع الكسور والخلول بالقصيدة من ((وي)) ((او)) هذي تعني خلل في القصيده إذا شلت القصيده بالحن |
اقتباس:
فيجب شكرهم لاانه من قال لك الحقيقه فقد وجهك التوجيه الصحيح افضل من اللي يصفق لك على الخطاء وتستمر على خطااااك الى مالا نهايه انا قمت بتعديل بعض ابياتك ولو اني لازلت طالب ولست معلم للشعر ولاكن مشاركه ولا استغني عن توجيه النقاد ونقدهم لي لاأنه بصالحي كنت اتمنى لو قام بعض الشعراء هناء بتعديل مشاركتك لعلك تتعلم منهم ابياتك بعد السمكره هههههههههههه الناس قالو لي خذتك الهواجيس قلت البلا ياناس ماتعرفونه قالو خل ابليس ومطارد ابليس يقوله اللي ماتجرع اغبونه قلت اتركوني يالوجيه المفاليس راع الهواء ماطاع لو تنصحونه |
اقتباس:
انا انتضر نقدك وتوجيهك فلا زلت طاااااااااالب |
شكرا للجميع من مشاركاتكم وردودكم اقترح لو يكون هناك موضوع لطرح ابيات من بعض الاخوان الذين يريدون عرض ابياتهم على من يجيد الملاحظة والنقد كي يستفيد وتكون مشاركة جماعية يستفيد منها الجميع والرأي لكم |
فكرة رائعة يا الركام . ننتظر التفعيل. |
الله يعافيكم وان شاء الله كلشي يبي يزين
اخوي يالركام عزالله انه اقتراح سلييييم |
اقتباس:
الله الله ما أجمل سلاسة الابيات صراحه تمنيت ان لدي مثل حنجرة سعد اليامي واشيلها خوش سمكره وليت يكون هناك موضوع مثبت ومن لديه محاوله شعريه يطرحها بالموضوع ويقوم مثلك وشرواك بأنتقادها وتمحيصها ن الأخطاء وتكون هناك جوائز من قبل الإدارة للتحفيز ليتك تبدا بها يا رعد الشمال |
اقتباس:
سبقك عكاشه دايم سباق مشكور واؤيد الفكره بجديه ولكم ماترون وانا حاضر بما تطلبون |
اقتباس:
أخوي رعد آلشمآل أبياتك ماشاء الله تبآرك الله ممتآزه ولو أن لي ملآحظه على وزن آلبيت اللي يقول قالو خل إبليس ومطآرد إبليس << الموضح لك باللون الأحمر لأن البيت فيه كسر بسيط ! وبآقي القصيده موزونه تماماً .. ولو جربت أن تجر شيله على هذه الأبيات رآح تشوف توقف عند هذا آلبيت وإذا صآر هنآك توقف فـ هذا يعتبر كسر أو خلل في آلبيت وأنا أستأذنك بتعديل البيت والشبآب اللي هنا راح تشوف رأيهم وأنا مستعد بأن أقبل أي نقد لي بعد تعديل هذا آلبيت . ألحين راح أكتب الأبيآت وركب عليها أي شيله بحيث أن الشيله إذا مشت معك في آلبيت الأول رآح تمشي معك في الباقي وبشكل ممتآز وبدون أي توقف . وأنت جرّب لحن الشاعر : ملفي المورقي في مزاين قبيلة عتيبه اللي يقول ( مزاين عتيبه للأبل المزايين ) والغرض من هذا التوضيح ولا أحد يأخذها برأي آخر ! الأبيآت بعد التعديل وتم إضافة حرفين وسأوضحها بلون مخآلف : الناس قالو لي خذتك الهوآجيس قلت البلا ياناس ماتعرفونه قالو لي خل ابليس ومطآرد إبليس يقوله اللي ماتجرّع اغبونه قلت اتركوني يالوجيه المفآليس راع الهواء ماطاع لو تنصحونه وأنا لست بشآعر ولا محلل وعضو في لجنة تحكيم وهذا أعتبره اجتهآد شخصي مني وأنا فقط ( متذوّق للشعر ) |
اقتباس:
تدري عاد اقسم بالله العظيم أني بعد ماكتبت تعديلي على ابيات الوسم وعودتي لها مره ثانيه لاحظت الخطاء وعرفت انه يلزم اضافه لي بس بعد ماأنتهت خاصية تعديل المشاركه وتركتها 0 انت ناقد من الطراز الاول |
اقتباس:
وأنا عآرف إنك راح تكشف خطآك لأن مثل هالأخطاء ماتكتشفها إلاّ بعد ماتطرح آلقصيده وتعتبر أخطاء بسيطه ولا تعيب آلقصيده كثيراً . وأنا والله آلشآهد ما انتقدت ألين شفتك تقول اللي يبي ينتقد ينتقد قلت أجل والله ما أخلّي رفيقي يروح مع الطوشه |
| الساعة الآن 08:38 PM |
Powered by vBulletin .
جميع الحقوق محفوظة © لشبكة ومنتديات البراري 2010