ذكــريــآت أهــل الريــآض تحــت المطــر
 

الســلام عليــكــم ورحمــة الله وبركــآتـــه
هـــذآ مـوضــوع خفــيــف وطـــريــف وإن شــآء الله يعجبــكــم بإذن الله تعــآلــى
نبــدأ بــآلمــوضــوع اللــي هــو
تذكـــرون غـــرقــة الريــآض فــي يـــوم الإثنـــيــن تــآريــخ 3/5 أبـــي كــل وآحــد مــن الأعضــآء الكــرآم يـــذكـر ويــن كـــآن وقــتـــ هطــول الأمطـــآر ؟؟؟
وأنــآ أبــدأ كــــنـــت أرآقــب السحـــآبــة مــن سطــح بيتنــآ وهــي جــآيــة والصــوآعــق والبــروق والرعــود مشعــللــة فيهـــآ
وقلبــت الظهــر لــيــل سبحــآن الله مــن قوتهـــآ وســوآدهــآ وأخــوي كـآن نــآيــم وقــآم وشــآف الدنيــآ لــيــل قــآل حنــآ المغــرب ههههههه قلـتلــه لا حنــآ الظهــر قــم وشــف المطــر وكــآنــت فــيــه خيــمــة صغيــرة حــقــت أطفـــآل بــآلســطـح كــنـــت أبمسكهـــآ وطــآرت عــلى الجيــرآن ههههه قــبــل لا تمطــر أتـــت ريــآح قــويــة هــذآ اللـــي أذكــره
وتكفــوووون أبـــي تفــآعـــل فـي المــوضــوع الله يخــليــكــم




تحيــآتـــي لــكــم أخــوكــم : نسيــم البــر

بالنسبه الي ماسك خط الدوادمي

رايح جنوووووب مادري وش عندي

مــآفهــمتـــكـ حــبيبنــآ خــآلــد ؟؟؟؟

الموضوع مخصص لحقون الرياض

احنا كنا نجربع

ههههههه لاعـآدي مــوب لازم حقـون الريــآض هههههه

حيـآكـ الله وشـكـــراً لــمــروركـ لمـوضـوعـي
يعطيــكـ العـآفيــة يــآغــآلـي

كنت بوقتها راجع للطايف اذا ما خانتني الذاكره رياح وعج
والبروووق لا توصف مسكتنا صواعق على تفتيش طلعة القذية الله اعلم

انا كنت في تمير وجت غيمه خضراء وبروق
قلت جت القيامه
لاالله الا الله

شكـــراً لمـــروركـ للمــوضــوع يــآغــآلــي
وجــزآكـ الله خيــر

ويـــن الردوووود يــآإخـــوآن ؟؟؟

وانا كنت في البيت أشوف الامطار على القناة السعودية الاولى ههههه

وكانت أمطار غزيره جدا جدا

تحياتي لك

الصراحه انا راقب الوضع كعاددتي ايام الربيع عن طريق الرادار ولاحظت التكون القوي جدا شمال غرب الدرعيه غرب صلبوخ
واخذتني الهمه تجاه الدرعيه تعديت الدرعيه باتجاه صلبوخ وكان الغرب مظلم
خذيت يو تيرن مع كبري صلبوخ وكان الغرب مظلم والرباب يروع وكان لون الرادار الرصاصي مروعني صراحه سحابه قويه
قلت يا ولد انحش لاقرب محطه ههههههه وما وصلت المحطه الا يوم استهلت بغزاره ومعها برد كثيف واستمر المطر بغزاره
كان معنا واحد في المحطه الخوف قاطع قلبه ههههه وقعت صاقعه خلف الصرافه اللي في المحطه شوي الا طمر فوقي من الخرشه هذا اللي عندي وسلامتكم

كان هناك 4 من أقاربي شهدوا العاصفة
والحمد الله انا اشاهد في التلفويون ويش صار ويش ما صار
وكلها كم يوم وضربت الامطار والعواصف الرعدية الدمام - شهدنا مثل لاحضاتكم ولاكن لم تكن الامطار غزيرة جداً وكانت متبوعه بي برد ايضاً

انا مسكت معي نوم على ان التوقعات بعدامر الله كانت ايجابيه وكنت متجهزماقمت الا على صوت الرعود
طلعت الا السحاب فوقي يستدير والصراحه السحابه مهي سودا مره عاديه بس يمكن لأنها غطت الأجواء والرعود ماتفصل
توقعت انها امطار غزيره وسرعان ماتنجلي وشوي واول الخير قطره وبعد ما اشتد المطر طفيت الكمره وانتظر السحابه لما تهد ونطلع نشوف الخير
الا الصوت على الشنكو جيرانا عود على عادات الورعنه هههههه وفجئه وتنكب الدنيا برد بس الله يعيدها من ايام
ترا الشنكو خطر وقت البرد اثر على السمع عندي وقتها

انا كنت موجود في الدوام وحسيت بقرب السحابة اتصلت على اهلي وقلتلهم روحوا عند الجيران وقفلنا المكاتب ونراقب المطر مع الشبابيك ، بصراحة انا خفت بالمرة وبعد السحابة انطلقت للبيت .
بعدها بيومين وفي يوم الاربعاء ضربت سحابة برد حينا وهو حي النظيم وانا كنت برا البيت ،وماقدرت ارجع للبيت بسبب المياة المحيطة بالمنزل وجبت الدفاع المدني وطلعوا اهلي بقوارب من البيت ورحنا لبيت اهلي لانه مرتفع عن الموية .

انا كنت اراقب الرادار والاوضاع في البراري
وجت اخبار سيول وبرد على العمارية والعينة
وشغلت الموتر الا اشوف الجهه الشماليةالغربية مضلمة
قلت الخير جاي الرياض ان شاء الله
خل ناكل غدانا في البيت بعدين نطلع
ما امدانا نسمي الا هوا قوي وبارد يصفق البيبان والدرايش
واطلع واشوف السحابة مقبلة سودا وخضرا وندخل السيارات تحت المظلة
والسحابة كانت كاسرة اتجاها جنوب شرق
والحمد لله على كل حال
واسف على الاطالة

مشــكــوريــن عــلى التفــآعــل ونشــوف وش سســوو البــآقيــن وقتهــآ بعــد ؟؟

الله يكون بعونكم اخوي ابو راكان سكان النظيم يعانون من الامطار

نبــي أكــثــر تفــآعـــل الله يعطيــكــم العــآفيــة

تا
 

السلام عليكم

انا كنت بالبيت ةشفتها على التلفاز

وشكرا على الموضوع

السلام عليكم ورحمة الله وبركاته

اتذكر وقتها كنت مخلص دوامي على الساعة 2:10 ومعي اثنين من الزملاء وكنا متواعدين بنتغداء في مطعم قريب مكان العمل طلعنا برا الا الجو مغيم وجهة الشمال والشمال الغربي مظلم سحابة شكلها يرهب سحبت عليهم وقلتلهم بروح البيت قبل ما يجينا المطر ونصحتهم انهم يروحون بيتهم قلتلهم السحابة ذي وراها شيء واطلع السيارة واشغل وادعس وتجاوز وقطع اشارات في شارع إنكاس خلاص يوم قربت من البيت الا يهب هو قوي وغبار و فيه شيء ضرب في السيارة بقوة مدري هو لوحة مدري وش هو صراحة لحظات خوف وبعدها على طول يجي المطر صراحة مطر قوي جدا جدا لدرجة انك ما تشوف الي قدامك والرياح ايضا كانت قوية ماسك فرملة وساحب الجلنط وبرضه السيارة تلعب من قوة الهواء وبعد ما نزل المطر بشوي نزل البرد يا لطيف لاتسئل كيف كان تحس القزاز راح ينكس عليك والمصيبة اني رايح شمال مواجهة السحابة والدنيا كانك في الليل ومشغل الانوار على العالي بعد قلت يا ولد خلني انتظر لين يخف المطر ماني مستعجل واتذكر اعمدة الكهرباء في الشارع وخفت واحد منها يطيح علي او شيء هذا ضغط عالي مو لعب واحرك وامشي على مهلي ما شوف الا انوار اصطبات الي قدامي والله اني ما اشوف دربي وانظر يساري الا الشارع فيه حفريات والله يزيد قلقي هل امشي ومدري عن الحفريات والدنيا مياه وسيول يمكن اطيح فيها ولا انتظر واعمدة الضغط العالي فوقي باقي يمكن زي 100 متر على الاشارة الي عن بيتي قلت بسم الله خلاص هانت وامشي مع الاشارة وكانت خايف ان احد يجي قاطع الاشارة يبغى يلحق بس الحمد لله رحت عند اقرب محطة وانتظر تحتها لين خف المطر واطلع من المحطة بيتي في نفس الشارع بس اخذ اللفه وارجع ما يمديني في تجمع مياه كبير وانظر السيارة المتعطلة فيه قلت انتظر لين يخف الماء وانتظر وانه مثل ما هو وادخل وسط الحواري احاول ابعد عن تجمعات المياه بس الحمد لله في النهاية وصلت بعد تعب وصلت يمكن الساعة 4 وشوي اصلي العصر وانام صحيت الساعة 8 مساء ويوم صحيت دريت عن الاحجتازات ولا عن الانفاق قعدت احمد الله اني وصلت بالسلامة

ان شاء الله ما تنعاد علينا والله يرزقنا المطر الطيب الي ما فيه ضرر

انا ياطويل العمر والسلامه كنت ماسك طريق الرياض - مكه السريع متجه شرق وتجي ذيك السحابه اللي على قولتهم سيلها يسبق مطرها يعني من غزارة المطر مطرها غزير جدا ومعها برد قد فنجال (فنجان) القهوه وكل السيارات وقفت على جانب الطريق لأن الرؤيه انعدمت الى اقل من 50متر بسبب غزارة المطر ورفيقك مسوّي يغامر ماوقفت وامشي بشوي شوي واذكر الله الين تعديت السحابه ولقيت مطر طيب وعلى فكره في غدير بعد ذيك السحابه والامطار اللي بعدها لحد الآن ما جف , شكرا على الموضوع .

https://www.alharary.com/vb/imgcache/4858.imgcache.gif

انا طلعت من البيت من الساعه 1 الظهر ونزلت مع القديه وكان واصلني خبر ان ضرما تسيل وتوجهنا لها وجتنا امطار غزيره والسيل يقطع الخط وروضة سمحان مليانه

وبعد العصر جتني الاخبار عن غرقة الرياض ولا دخلت الرياض الا الساعه 10 الليل ومريت عرقه وشف السيل ورحت للبيت وكبرت المخده وخاصة ان مافيه دوم اليوم الثاني الي جانا فيه خير عضيم الله يعيده

أشكـــركــم عــلى تفــآعلــكــم ومـــروركـــم ونـــبــي مــزيــد مــن الذكــريــآت
وجــزآكــم الله ألـــف خـــيــــراً

أشــــكــركــم عــلى تفــآعلــكــم

ويــن الردووووود :anger2:

هلا بك نسيم البر

فعلا موضوع جميل

انا كنت في الدوام وجاني اتصال من اخوي في حي العقيق الساعه 1:30 ضهرا يفيد بان العقيق يغرق ويقوول الحق على شقتك وعيالك,,

بعدها استاااذنت وطلعت وضربتني السحابة في طريق الملك فهد فوق كبري طريق الملك عبد الله ,,

فعلا كان شي مخيف جدا ومروووع والا الشمال مضلم وبقووه كننا في الليل,,

والحمد لله لم يصبني اي اذا لانني فووق الطريق الملك فهد

وبعدها اتجهت الى العقيق ولقيت الدعووة غرقانة ,, حتى طريق الخدمة في الملك فهد غرقان ..

فعلا كانت اشيا مخيفة للغاية

هذة صورة للسحابة من جهة الشمال..
https://up.albrari.com/download.php?img=7228

https://up.albrari.com/download.php?img=7231

واشكرك مرة اخرى اخوي نسيم البر

أشــكـــركـ عــلى مــروركـ مشرفنـــآ الفــآضــل والغـــآلــي (بــرق تميــر )