|
وادي شوقب مائن يجري وشجرن خضراء وجون غائم (مدعم بالصور) 9 / 7 / 1431هـ
السلام عليكم ورحمة الله وبركاته مرحباً بالجميع من أعضاء وزوار ونشبات كانت لنا هقله لهذا الوادي (شوقب) بفتح الشين وسكون الواو بالضمة ومسكه مخلبيه للقاف >> أشوى اللي ما حطونا مدرس لغة اللي دلنا على الوادي إمام مسجد بالطائف جزاه الله خير نسولف عن الزلفي ومكاشيته وهو يسولف عن الطايف ومكاشيته ومن ضمن سواليفه ذكر لنا وادي شوقب وعز الله يستاهل العنوهـ الرجل لا أعرفة ولا يعرفني بس حب الخير للناس باين من وجهه (لبى قلبه) الماء على طول السنه يمشي (غيل) وقرأت عنه معلومه عن طريق الشيخ قوقل أنه منذ القدم لم ينقطع عن الجريان إلا قبل أربع سنوات حتى عاود المشي بعد الأمطار الغزيرة قبل عدة شهور موقعهـ عن الطائف 122 كيلو متر بالساعهـ من نقطة التفتيش بإتجاهـ الجنوب صلب بتاريخ 9 شخطه 7 شخطه الف وأربعمية وواحد وثلاثين للهجرة النبوية نخليكم مع الصور للتعبير عن روعة المكان وعلى قولتهم صورة خير من الف تعبير الوصول للمكان 1 https://up.albrari.com/uploads/12778015521.jpg نقينا المحل ونظفناهـ كالعادهـ من الوصاخه 2 https://up.albrari.com/uploads/12778015522.jpg الشد للبيع أحد لهـ نظر 3 https://up.albrari.com/uploads/12778015523.jpg أبو يوسف واللقطات التذكارية 4 https://up.albrari.com/uploads/12778015524.jpg صوت الماء وخريرهـ يازينهـ 5 https://up.albrari.com/uploads/12778015525.jpg إنعكاس مائي >> أدري ما عمرنا شفنا إنعكاس بالتراب 6 https://up.albrari.com/uploads/12778015526.jpg الولد حريف كوره قصدي كاميره 7 https://up.albrari.com/uploads/12778015527.jpg وخرو عني بصور 8 https://up.albrari.com/uploads/12778021891.jpg تستاهلون التعب >>الصور مصورني أبو يوسف بس جاطلها منه ومسجلها بإسمي صديقي وأنا حر فيه 9 https://up.albrari.com/uploads/12778021892.jpg كحيلان برضوا الشد للبيع أحد لهـ نية 10 https://up.albrari.com/uploads/12778015528.jpg ميكرو لزهرة داخل وردهـ 11 https://up.albrari.com/uploads/12778015529.jpg وتراكب السحاب خلال دقائق معدودة 12 https://up.albrari.com/uploads/127780155210.jpg منظر عام لمكان الجلسه 13 https://up.albrari.com/uploads/127780155211.jpg هذي صوره طوليه بس فيها ميلان بخط الأفق 14 https://up.albrari.com/uploads/127780155212.jpg الله يجزاه خير أبو عبدالمحسن مسكت معه إلآ يسوي مدرج للماء 15 https://up.albrari.com/uploads/127780155213.jpg صار مديرج 16 https://up.albrari.com/uploads/127780155214.jpg الحين الواحد يمخمخ بالإعدادات 17 https://up.albrari.com/uploads/127780155215.jpg ميكرو لهيلاكوبتر تحوم فوقنا 18 https://up.albrari.com/uploads/127780155216.jpg فراشه للي يرد الرد العشرين 19 https://up.albrari.com/uploads/12778020241.jpg كأني بحال لسانه يقول >>> تراك أمتحنتنا بميكروك 20 https://up.albrari.com/uploads/12778020242.jpg وجاه الرد الملجم بمتحنك لين اقص جناحيك 21 https://up.albrari.com/uploads/12778020246.jpg المهم أشغلنا الله لا يشغلنا إلا بطاعته خلونا بالشعيب أبرك وأحسن 22 https://up.albrari.com/uploads/12778020243.jpg 23 https://up.albrari.com/uploads/12778020244.jpg الله لا يخلينا منك أبو عبدالمحسن على الدرجه ذي 24 https://up.albrari.com/uploads/12778020245.jpg الواحد على هالجو والماء يبي يمخمخ على أي شيء فهقنا هالحطبه ولعبنا بالكام 25 https://up.albrari.com/uploads/12778020247.jpg ليته يطلع الصوت مع الصورهـ كان نتحفكم به 26 https://up.albrari.com/uploads/12778020248.jpg ومن ناحية الشجر والظلال لا تشيل هم سدر وطلح ياقف حدرهـ خمس سيارات 27 https://up.albrari.com/uploads/12778020249.jpg غيرنا المكان نبي لنا فرهـ بالوادي قبل مسيان 28 https://up.albrari.com/uploads/127780202410.jpg وأثر محلنا ما يسوى شيء عند اللي شفناهـ الزين يبيلهـ عنوهـ 29 https://up.albrari.com/uploads/127780202411.jpg باقي أحسن محل ما وصلنا لهـ تريونا بعد كم صورهـ 30 https://up.albrari.com/uploads/127780202412.jpg بدا اللعب الصدقي والأمكان الزينه 31 https://up.albrari.com/uploads/127780202413.jpg هاهـ للمرهـ الأخير الشد للبيع وبرضوا به تانكي ماء للبيع 32 https://up.albrari.com/uploads/127780202414.jpg آه بس على هالصورهـ اللي ليتنا درينا عن هالمكان صار محلنا الأول تقل بزر عندهـ من صغره وبعد ما تريتونا نهديها لكم بس للي يردون ولو بقولت ق 33 https://up.albrari.com/uploads/127780202415.jpg ما عاد إلا خير الصورهـ الأخيرهـ للوادي مع الغروب 34 https://up.albrari.com/uploads/127780202416.jpg بالأخير ننقي الطيب لكم >> وش ملحي بس 35 https://up.albrari.com/uploads/12778021893.jpg هنا أنتهى التقرير الله الله بالردود ونستودعكم الله الذي لا تضيع ودائعه وبمان الله دمتم بحفظ الله ورعايته |
ابدااااع منقطع النظير وتميز غير عادي
ماشاء الله تبارك الله الله لا يضرك ولا يحرمنا منك متعك الله بالصحةوالعافيةكمامتعتنابهذا الوادي https://up.albrari.com/uploads/12778090151.gif ننتظرمنك الجديد |
هلا والله ياهالطله
صدق انك رحال ماخليت شي مشاء الله عليك والله صور جميلة وبالذات هذي https://up.albrari.com/uploads/12778015526.jpg الله الله وش هالزيييييين اثررك املح مني .... https://up.albrari.com/uploads/12778021893.jpg مشكووووور ولك تحياتي.. برق تمير |
اهلا اخوي رحال ..
تقرير رائع وجميل جداً تسلم والله :a_ok: |
ماشاء الله
إستمتعت بالتقرير الرائع |
اهلا اخوي رحال
تقرير رائع وجميل جداً |
الله الله الله الله الله
و هالزين كلوه يا رحال يا بعدي انت والله توهالتقرير الجميييييل وتصوييييييييييير احترافي وكالعاده دخلتنا جو معكم بالسالفه يمال العافيه مشكووووووووور وما قصرت يالغالي على هيك تقرير |
أول ما قريت العنوان قلت وش حزنه رحال كاشت مع امريكان ( مائن ، شجرن ، جون ) تقرير ولا أروع من شخصن ممتع ابداع العدسة زاعدتها روعة امتاع التعليق ( تعليقن ) واللي معك وراه بخيل ما ينزل صور تقبل مروري |
اقتباس:
الله يجزاك خير يالشيخ ومشكور على الإطراء والمديح لاهنت يالغالي دمت بحفظ الله |
اقتباس:
يا هلا ومسهلا برق تمير ياعلك تسلم على هالرد شفت وشلون مملوح ورشيق بعد وألف شكر لك على المرور دمت بحفظ الله |
اقتباس:
حياك الله أخوي طارق والأروع تشريفك لنا دمت بحفظ الله |
اقتباس:
هلا فارس وشرف لي استمتاعك معنا دمت بحفظ الله |
اقتباس:
الأزين مرورك يا خلفهم والله يسلمك ولا يخلينا منك دمت بحفظ الله |
اقتباس:
وأنا بعد قريت (وش حزنه) قلت من العجوز اللي جاطلة يوزرك ومرورنك أروع بو ريتال أما ابو ساره أنت أبخص ليش ما هوب يتحفنا بصورهـ تخبرها زينه ويقول إنها حصريه لمنتداكم العائلي مشكورن على التشريف دمت بحفظ الله |
https://up.albrari.com/uploads/127780202411.jpg
جزاك الله خير أخوي رحال على إسعادنا وإمتاع نواظرنا بهذا التقرير الرائع لهذه المنطقة الخلابة |
رحلة موفقة و تستاهل العنوة
ياليت أخوي رحال تدلنا على مكان الوادي بالتفصيل و لو بصورة من الشيخ جوجل أيرث . لأنك شوقتنا للمكان بصورك الرائعة |
الف الف شكر لك
بصراحة امتعتنا ودخلتنا جوكم كان معكم بارك الله فيك وبانتظار جديدك |
تسلم يمينك بو راشد على التقرير الدسم
ياحبيلك والله الى شفت تقرير باسمك اني اتوازن واقول الصور والتعليق يتسابقن من احسن لكن المره هذي الصورة الاخيرة غطت على الابداع كله الف شكر يا بعدي ويبي لي جلسه معك مطوله نوعاً مااااااااء ....! ابدعت ووالله اني بلشت وش اختار من الصور واسدحهن هون عيني عليك بارده وعسى الله يعمي عنك عيون الحساد والى تقرير جديد تتحفنا به تحيتي لك يابو هايف |
سلام على التميز
|
الله يحفظك أخوي
مشكور على روعه التقرير |
اقتباس:
اهلين بن عمي كيفك وش أخبارك مثل ما أنت عارف ودي تكون الصور حصرية لمنتدانا ولكن أبسدح لك بعض الصور مع أن الصور ما لها قيمة بوجود صور حبيبنا رحال الله يحفظه من العين ما شاء الله عليه على الملح والرشاقه حتى بنتي ساره حاسدته تقول ودي اصير دبية مثلك . نبدأ الصور بصورة المملوح رحال : https://up.albrari.com/uploads/12779850431.jpg بعدها اللوحة التي تكلم عندها حبيبنا رحال وهي لوحة شوقب ونشران https://up.albrari.com/uploads/12779850432.jpg ثم تأتي بعدها لوحه للوادي وهي عند مدخل الوادي : https://up.albrari.com/uploads/12779850433.jpg صور لشاص ومثل ما قال رحال الشد للبيع اللي له نظر يسوم : https://up.albrari.com/uploads/12779850434.jpg صور لعضونا المميز رحال طبعاً لا تدققون بالنسبة للدائرة اللي تحته تراه ما سوى شيء : :a_laugh2: https://up.albrari.com/uploads/12779850435.jpg https://up.albrari.com/uploads/12779850437.jpg نختم الصور بهذه الهدية لابن عمي وكل من مر على مشاركتي : https://up.albrari.com/uploads/12779850436.jpg أتمنى أني وفقت بما لدي استودعكم الله |
كعادتك مبدع يالغالي رحال بيض الله وجهك يالغالي ابداع في ابداع مشكوور والله يعطيك العافية |
بارك الله فيك أخوي رحال وجزاك الله كل خير
جهد تشكر عليه |
كعادتك الإبداع مخاويك والكمرة تباريك والرفقة الطيبة معاك وين ما رحت إبداع وتميز في كل مواضيعك الف الف شكر على التقرير والصور |
مشاء الله ابدااااع وطلعه متعوب عليها _ رحال تشبهني بالساعه _ !!!!!! |
صور مجنونه يعطيك العافيه
|
مشكور اخوي رحال دائما مبدع الله يعطيك الف عافيه
|
اقتباس:
تشكرات الشقردي 12 وازين ما في صورك صورة المملوح اثره كله قبله وحنا ما درينا تسلم انت وخويك رحال وقل لبنتك لا تنضل رحال بعدين يختفي علينا من النحف والصورة الاخيرة روعة يا الشقردي 12 |
اقتباس:
اللهم آمين أبو نايف وإياك ويسرني أن أدخلت السرور عليكم وألف شكر لك على المرور دمت بحفظ الله |
اقتباس:
الله يوفقنا وإياك وأبشر والله بسعدك مع إنه مكتوب بأول التقرير وصف على السريع خذ الوصف بالضبط وأنت طالع من الطايف بإتجاه الجنوب (طريق الباحه) السريع وليس السياحي صفر العداد من عند نقطة التفتيش اللي بعد آخر إشارة بالطايف لطريق الجنوب إمش 122 كيلو بالضبط (عداد شاص) لا تلف لا يمين ولا يسار وأنت على الطريق تجيك لوحة زرقاء مكتوب عليها شوقب ونشران خلها بعدها تقريباً 200متر أو أقل تجيك لوحة بنية مكتوب عليها وادي شوقب خش يمين أو يسار (يعني الوادي يقطع الطريق) أبحث عن الغيل وأبدأ المشي بجانبه (باره) الين تلقى المكان اللي يجوز لك وأقعد به وإن لم يتضح لك الشرح أبشر بسعدك أرسل على الخاص وبالتلفون نعطيك العلم والشكر لك موصول على التشريف لنا وأرجوا إننا قد أفدناك دمت بحفظ الله |
اقتباس:
والله يبارك بك ولا يهينك على الرد والإطراء ومن دواعي سروري إن استطعنا ولو بشيء قليل على رضاكم دمت بحفظ الله |
اقتباس:
لبى قلبك أبو نواف والله إن الصوره الأخيره قايل بخليها موضوع مستقل بمنتدى التصوير حتى تآخذ حقها من النقد والتوجيه لكن العجله ما خلتنا نتصرف والله إنه ليسعدني أن أختلي بك يا هذا (لاتفهم غلط ) يعنني بحسي بالعربيه يالله عجل علينا تكفى متى بنشوفك والله لنا الشرف بس كالعاده نبي الوعد بالنفود عاد ما هوب الحين حنا بالطايف إلا كان جيت حول الطايف علمنا يا خلفهم الخلاصه يازينك ويازين حسيك دمت بحفظ الله |
اقتباس:
وسلام عليك من الله ورحمة منه وبركاته مرسي أخوي البراري للعالمية دمت بحفظ الله |
اقتباس:
والله يحفظنا وإياك والف شكر على المرور دمت بحفظ الله |
اقتباس:
وجهك أبيض أخوي محمد والإبداع تشريفكم لنا بالمتصفح والمرور علينا والله يعافيك دمت بحفظ الله |
اقتباس:
الله يبارك بك أبو صالح ويجزانا وإياكم بخير منه وفضلا والشكر لك أيضاً موصول دمت بحفظ الله |
اقتباس:
وكالعادة ردودكم تشجعنا للمزيد الله لا يهينك أخوي المشراق على هالإطراء الف الف شكر على المرور دمت بحفظ الله |
اقتباس:
تفداك الساعه وراعيها وش دعوه توقع محل الدهام قايل ما أبيعها إلا لك أو لي بس هههههههه مشكور على المرور والرد أخوي فيصل دمت بحفظ الله |
اقتباس:
الأجنن مرورك والله يعافيك دمت بحفظ الله |
اقتباس:
والله يعافيك أخوي قرم تميم ومتشكرين لمروركم دمت بحفظ الله |
| الساعة الآن 12:15 AM |
Powered by vBulletin .
جميع الحقوق محفوظة © لشبكة ومنتديات البراري 2010