|
يامكثرين الهرج لا أسمع ولا اجيب
بسم الله الرحمن الرحيم السلام عليكم ورحمة الله وبركاته من روائع الشاعر / لا في الغيداني يامكثرين الهرج لااسمـع ولااجيـب " "تريحوا من فضلكـم واسمحـوا لـي تريحـوا لاتلحـقـون المشاهـيـب " "على الردى مانـي شفـوق عجولـي بالعقل والصبر ادب النفـس تاديـب " "والا لهـا مـده تصـول وتجـولـي خلج ترازم فـي سيـاج المحاديـب " "مافيهـن اللـي بالعقـال معقـولـي اشد وطية زور مـن شمـخ النيـب " "اليا ضاع مفعو ل الحيـل والحلولـي انـا لاقلـت ارتـب القـول ترتيـب" "حتى يجـي كـي علـى فـك قولـي اليا ارسلت لافكار القريحـه مناديـب" "ترايعن مـن عقـب ماهـن جفولـي لكن مالـي مـن وراهـا مكاسيـب " "لو كان عشاق القشـر صفقـوا لـي مامستفيـد الا العـدو والاجانـيـب " "ولانـي مطيـع مقرقعيـن الطبولـي خليتهـا تعطـي فجـوج مجاديـب " "جربا تجـود فـي رسنهـا مهبولـي والله لااجنب دام لـي درب تجنيـب " "من شرهة حشـام الرفاقـه خجولـي لـو انهـا بيـن النحـر والتلابيـب " "من الحيا وجهـي مهـوب مغسولـي طبـع لنـا نشـب عليـه ونشيـب " "وطبيـعـةٍ لعـلـهـا مـاتـزولـي على الجماعـه للجماعـه مواجيـب " "الا جهلـوا قـدر الرفيـق الهتولـي ماني على ربعي قريـب محاضيـب " "ادنـاة مايخلينـي اسـرج خيـولـي ان جات من طيب شقاها على الطيب " "لو انها اعوج مـن رقبـة الذلولـي وان جات من مسكين منطق واساليب " "حطيتهـا بيـن الثـرى والنعـولـي لاحركـت شعـره ولاطلعـت شيـب " "ولاضيقت صـدري ولاطـق جولـي وان كان في صبري على ميلهم عيب" " العيب تفتيـش الصـرر والحثولـي لاقمت تذكر فـي رفيقـك عذاريـب " "وتبيـن عيوبـه لـذولـي وذولــي صبرك على ربعك عـلاج وتطابيـب " "يقصـر حبـال السالفـه لاتطـولـي حتى مايلقا فـي طرفهـا مقاضيـب " "كـراه خيـر وللمشـاكـل ميـولـي واليا بليت بتايـه شـره وصعيـب " "يقول انا العـراف وانـت الجهولـي قـل الله الله ياحصـان الاطالـيـب " "يالفاهـم العالـم عطيـب الفعولـي هذا الكلام اللي مافي صحتـه ريـب " "لانيـب لاحولـك ولانتـاب حـولـي حصان وبن حصان طيـب مجاذيـب " "وبالمعرفـه رجـل محلـي ودولــي خله يروح يخطي الـدرب ويصيـب " "يقـول مابالنـاس عرضـي وطولـي والفرق ماهـو باللحـى والاشانيـب " "الفرق بين النـاس فـرق العقولـي كم واحد تحسن به الظـن ويخيـب " "السـن يضحـك والفـواد معلـولـي واللي غدت به كلمـة مالهـا غيـب " "ماهو من اطيب ربعي اللي غود لـي يالله عساها صيحة فـي قفـا ذيـب " "وقلـع النيـا بينـي وبينـه يحولـي الرجل مايغصب على الطيب تغصيب " "اليا صار ماهـو دل ضمـن الدلولـي ومن عادة اللي طيبه يحضر ويغيـب " "لاطالـت الرفقـة زهـوق ملـولـي واليا بلنـك غبـر الايـام بصحيـب " "في مستوى طيبـه صعـود ونزولـي اعرف ترى الدنيا دروس وتجاريـب " "والكامـل الله والنـقـا للرسـولـي لاتصير مشـذاب يقـص العراقيـب " "خلـه وراع الاولــه وش يقـولـي اخذت حكمه مـن كـلام اللواعيـب " "للطيـب نـاس وللعـذارى فحولـي وسلامتكم منقول |
هلا والله بك صح السان كاتبه
|
يعطيك العافيه اخوي
البلوره |
اقتباس:
صح بدنك يالله حي قناص حرب المدينه |
اقتباس:
شرفتيني والله هلابك |
هلابك اخوي
صح السان كاتبها وسلمت يد الناقل الف شكر |
والفرق ماهـو باللحـى والاشانيـب " "الفرق بين النـاس فـرق العقولـي كم واحد تحسن به الظـن ويخيـب " "السـن يضحـك والفـواد معلـولـي واللي غدت به كلمـة مالهـا غيـب " "ماهو من اطيب ربعي اللي غود لـي يالله عساها صيحة فـي قفـا ذيـب " "وقلـع النيـا بينـي وبينـه يحولـي الرجل مايغصب على الطيب تغصيب " "اليا صار ماهـو دل ضمـن الدلولـي قصيده رائعه وناقل لشعر مميز سلمت نقلاتك وذوقك لاهنت |
صح لسانك ولسان الشاعر قصيدة كامله في المعنى والنصح والتجربة بارك الله فيك على الاختيار الجيد |
اقتباس:
مشكوره على المرور الله يسلمك هلابك |
اقتباس:
والذوق ذوقك بارك الله فيك وهلابك |
اقتباس:
ويشرفني تواجدك و وقفتك معي بارك الله فيك وهلابك |
وش خليت لافي الغيداني الله لايهينك وبيض الله وجهك |
اقتباس:
مشكور على مرورك هلابك |
الفقر والغناء والمرجلة
قال من عدى حجا نفنوف عالي=ضـأيــقٍ صــدره وكــاثــرةٍ شـطــونـه ابـدع الـقـيـفـان مـن ضـيــقــات بالي=والـغــنـاء ما هي بتخفانــي لـــحــونــه هـاضـني يــاهـل الـوفاء شيً طرالي=وقــلــت قــولً بـعــلــنــه لــلــي يـبونه اشـهـدً الـعـز فـي كــثـــر الـحــلالـي=والــعــرب مـن قــال مـالـه يـكـرهـونه مـن مـعـه مــالً تـراه يــصـير غالي=والـفـقــيــر الـنـاس لازم يـرخـصـونـه يـرخـصـه حـتـى الرفيق اللي موالي=وأسـرتــه لـقــل مـالــه يــبــغــضـونـه لا يــريـده لا عـــمــام ولا خـــوالـي=ويـمـكـن ان عـيـال ابــوه يـقـاطـعـونـه والله لـو هــو مـثـل ابـو زيد الهلالي=مــا يــحــســبـــونـــه ولا يــستعبرونـه والــغــنــي لـو كان ما يسوى ريالي=غــالــيً عــنــد الـعــرب ويـقــدرونــه ويـمــدحونــه كــل مــا جـاله مجالي=وان بـدالــه لازمً يــقــضــون شــونــه لـو ذلـيــلً يـخـلـعــه زول الـظلالي=مــا يــكــافــح لــو (يـدفـل) في عيونـه أو بــخـيـلً عـن مـزايـا الجود خالي=يـأخــذون بـخـاطــره ويـجــامــلــونــه عـنـدهــم هرجه كما السمن الزلالي=والـفــقــيــر الــيــا هـرج يـستنكرونــه كـم يـعــز الـمـال مـن جـرفً هيالي=وكــم عـزيــزً مـعـسـرً كـثرت ديونــه وكــم رديًٍ حـيـث بـيـده راس مالي=جـاوُ عــكــفــان الـشـوارب يخدمونــه حـدة الـحـاجة كـريـمـيـن الـسـبــالي=يســمــعــون امــر الـردي وينفذونـــه وغـيـرة مـجـرى الدهر سود الليالي=واخــتــلـف طبع الخلايق عن يكونــه والـيـمــن الـيوم تـغــلـبـهـا الـشمالي=والـعــوارف مـقـصـدي ما يجهلونـــه كـل مــن كـثــرة فــلــوسـه ما يبالي=وان خطب عند الرجــال يـجوزونـــه والـبـنـي الـبـيـض حـلوات الـدلالـي=من عجز في المرجلة عافً فــنونـــه والـمـراجــل مـا تـهـيــا لـلـرجـالـي=غير من عقـــب اجتهـــادً يبذلونـــــه من يباء كسب العلاء سهر اللـيــالي=والكسل يــرث لـــراعــيـه المهونــه صـدقــونــي يـامــداغـيـش الـعيالي=اتركوا نوم الضــحــى لا تـرقدونـــه ودي ارشدكم ولو ما ارشدت حـالي=منصحً بالنصـــح للـــي يقبلـــونـــــه والـرجــاء يـالـعـارفين من الرجالي=لا بدى مني قصـــورً تــكــمـلونـــــه واسـمـحـولـي يـالـنـشـمـا فـي مقالي=والســلام اخــتـــام للي يسمعونــــــه قــالــهــا الـلـي ذايـقً مـرً وحـــالـي=وله روابع واخلـفـت بقعاء ضنونـــه الشاعر الكبير / حمد بن هادي المسردي القحطاني << رحمه الله >> |
اقتباس:
حياك أخوي |
الله عليك وعلى الاختيار الرائع اخي كل الاحترام لشخصك الكريم دمت بخير" العيب تفتيـش الصـرر والحثولـي
لاقمت تذكر فـي رفيقـك عذاريـب " "وتبيـن عيوبـه لـذولـي وذولــي""""""" |
اقتباس:
بارك الله فيك |
حيه وحيا ماجاب
الذعذاع قصيده من الوزن الثقيل ولافي شاعر جزل فشكرا لنقلك الجميل تحياتي لك |
اقتباس:
العفو وتراك مانت بغريب علي |
| الساعة الآن 06:02 AM |
Powered by vBulletin .
جميع الحقوق محفوظة © لشبكة ومنتديات البراري 2010