|
رحلتنا للصمان مافيه ربيع لكن فيه حبارى وتصحيح لبعض المعلومات(ابوالجازي)
بسم الله الرحمن الرحيم السلام عليكم ورحمة الله وبركاته حي الله اعضاء ومشرفين واداريين وزوار منتديات شبكة البراري في هذا الموضوع حبيت اعرض لكم بعض الصور الملتقطه في رحلتنا الاخيره للصمان صحيح مافيه ربيع لكن فيه حبارى وفيه تصحيح لبعض المعلومات نبدا بالصور الصورة الاولى صوره ليليه لمراحنا اول ليله https://www.gulfup.com/gfiles/12627202911.jpg الصوره الثانيه صورة عقرب ومن المتعارف عليه ان خشاش الارض ومن ضمنها العقارب والديبان لاتخرج بالمربعانيه وهاهي العقرب صباح يوم الخميس الماضي لقيناها تحت الفرشه وهذي ليست الاولى https://www.gulfup.com/gfiles/12627202912.jpg يوم اصبحنا وحرك بعض الشباب من المراح والبعض مازال باقي بالمراح ومطفين الجهاز(الكنود) وعلى مسافة 200 متر تقريبا من المراح يوم دخلت هاك الشغية الصغيره الا يوم قامت هاك الحبارى قدامي درج وبدون اثر وبداء الارتباك ازعق على الربع وما فيه الا واحد معي على الجهاز ويوم سمع ان فيه حبارى وهو يجيك طاير بين السماء والارض ويمر من عند الشباب بمراحنا وهو طاير وهو يصرخ عليهم (الحبارى الحبارى الحبارى) وهم يتناقزون على المواتر ويشغلون الاجهزه ويجون لمنا قريبين منهم ورى الحزم انا داري اني كثرت القرق لكن هذي صورة الحبارى وهي تبعد عن تقريبا 100 متر https://www.gulfup.com/gfiles/12627202913.jpg طبعا ماكانت الكاميرا جاهزه كانت على الوضع الليلي والعدسه ليسة عدسة الزوم والبطاريه بالوقت الحرج خلصة (بس معي بطاريه احتياطيه) وصلوا الربع وتكاملوا كلهم وهدوا الطير وطيروها وكان علينا هوى صلف وقلع الحبارى والطير ونضيعهن ونجي على الجهاز ونلقى الطير ذابح الحبارى https://www.gulfup.com/gfiles/12627212031.jpg والفرحه لاتوصف على الجميع وهذا انا وراعي الطير صوره تذكاريه مع الحبارى https://www.gulfup.com/gfiles/12627202915.jpg طبعا وقفنا للمضحى والشباب الصغار معنا قاموا بالواجب وهذا احد الاشبال يصب القهوه (امير القوم خادمهم) https://www.gulfup.com/gfiles/12627202916.jpg وهذي الصوره تبين الفرحه والوناسه على وجه شيخنا عبدالكريم https://www.gulfup.com/gfiles/12627202927.jpg وهذا غدانا يوم الخميس مطازيز على لحمة تيس وفقع وكوسه https://www.gulfup.com/gfiles/12627202928.jpg وهذي ام سالم https://www.gulfup.com/gfiles/12627202929.jpg وهذي بومه وتسمى (البوّه) واكثر الصقاقير اذا ابطى عن الحبارى يهد طيره عليها https://www.gulfup.com/gfiles/126272029310.jpg انتظر الله لايهينك باقي سبع صور بالموضوع |
نكمل معكم باقي صور الرحله وهذي البومه وهي تطير https://www.gulfup.com/gfiles/12627204031.jpg هذي الصوره فجر الجمعه ويبان فيها القمر https://www.gulfup.com/gfiles/12627204042.jpg وثاني معلومه ان الكراوين تهاجر بالمربعانيه وغير صحيح اللي يقول انها ماتجي الا اول الشتاء واخره وتنقطع بالمربعانيه والمعلومه الثالثه اهديها لمحبي الكراوين وهي ان الكروان ولو كان الربيع مغطي الارض كلها لازم يحمض بالفطايس (الله يكرمكم) وهذي الصوره توضح كثرة جراير الكراوين عند الفطيس(تكرمون) https://www.gulfup.com/gfiles/12627204043.jpg وهذي الدرجلانه او الدرج وفيه ناس يسمونه حجل صوره لها وهي تطير https://www.gulfup.com/gfiles/12627204044.jpg وهذا احد الاشبال اللي معنا يلتقط صور علويه لمكان مضحانا يوم الجمعه https://www.gulfup.com/gfiles/12627204045.jpg وهذي صورة النثريه لافضل رز بشاور على الاطلاق وهو بالكاتم وتظهر علوب الفلفل حق الخرج تغري بعض الناسhttps://www.albreah.com/vb/images/smilies/wink.gif https://www.gulfup.com/gfiles/12627204046.jpg واختم بصورة السيوليت للابل https://www.gulfup.com/gfiles/12627204047.jpg انتهى الموضوع بفضل الله ان اصبت فمن الله وحده وان اخطأت فمن نفسي والشيطان وتقبلوا وافر احترام وتقدير ومحبة اخوكم (ابوالجازي) (((بــدر الغــذّامي))) |
موضوع مميز يستحق الاشاده
بيض الله وجهك |
[glint] الله يعطيك العافيه يــــاذيب وتسلم يمناك على صور [/glint] |
عليكم السلام ورحمة الله وبركاته
تسلم يا ابوالجازي ابداع تقرير عالمي ما شاء الله تبارك الله مبدع لو تصور ما تصور |
وعليكم السلام ورحمة الله وبركاته أبو الجازي يشار إلى مواضيعه بالبنان فلك وافر الشكر وأطيب التحايا (( منتدى البراري عطر المنتديات :msn-wink: )) |
مشاء الله تقرير رائع
يعطيك العافيه موفق خير |
وعليكم السلام ورحمة الله وبركاته أبو الجازي المبدع والفنان والمميز عقب القهوة الفجر اتصل علي واحد من الأخوان يرتب لكشته ومع السواليف قال لي إن أبو الجازي منزل موضوع بالليل (كنت نايم) طبعاً <<< أدري تقول عني شايب وفجأة يطيح التلفون وأجيك مطفي النور وأخم بالباب كلهـ علشان بشوف موضوعك بالتأكيد كنت جازم بأنك لن تخيب ظني لأنك لن ترضى بالبسيط أخي القدير بدر لا عمرك تكشت====تطيح من عيني كشتاتي عدستك رائعهـ بروعة ضاغط الزر هرجي واجد / صح... ميخالف تحمل لين أصير أزين منك بالتصوير "أبطي عظم" والله يوفقكم لما يحبه ويرضاهـ >>>> تقل مقدم معروض دمتم بحفظ الله ورعايته |
تسلم اخوي بدر على هذه التحف الرائعة صورك ومواضيعك دائما مميزه وسعدنا بانضمامك معنا في هذا المنتدى فلك مني جزيل الشكر اخوي بدر على ما تتحفنا به من صور ومواضيع رائعة كروعة صاحبها |
ابوالجازي موفق مشاء الله عليك بصيد الحباري والامور الزينة
اتمنى لك التوفيق دايما وابدا اخوك زلطه |
بارك الله فيك .. //
أمتعتنا جدا ..وآنستنا كثيرا .. وبحق تستحق التميز .. :36_1_11[1]: // حفظك المولى .. // |
روعة
تميز ابداع الله يوفقك |
ماشاء الله ابداع وذوق مميز
من دقة التقرير كان واضحا التوقيع الارضي . بالنسبة للهوام ذكر لي عددا من الاصحاب رؤيتها في أماكن مختلفة لقلة البرودة هذا العام في المربعانية ولاكن يستعان بالاذكار للسلامة من اذاها والله خير الحافظين . رعاك الله وسلمك , ولك من أزكى التحايا والسلام . |
يعطيك العافيه على التقرير
|
ماشاء الله عليك ابو الجازي
ابداع بمعنى الكلمه ورحله موفقه |
الله يعطيك العافيه
تسلم وبارك الله فيك |
تقرير رائع وصور جميلة
مشكووووووووور والله يعطيك العافية |
وعليكم السلام ورحمة الله وبركاته
الحمد لله على السلامة موفق خير ماشاء الله تبارك الله بيض الله وجهك على هذا التقرير |
اقتباس:
يا معدي المرقاب خله لمشطون حوّل وخل مولع القلب يرقا التميز لايكتمل الا بوجود ردك انت وامثالك يا معدي المرقاب لاهنت الله يبيض وجهك اقتباس:
تشرفت بردك الله يعطيك العافيه اقتباس:
والابداع مرورك شاكر لك تواجدك وردك العطر الله يبيض وجهك اقتباس:
هلاوغلا بالشيخ قوقل وما عليك زود وشبكة البراري من المنتديات المميزه في الرحلات والصيد تشرفت بردك العطرالله يعطيك العافيه اقتباس:
اسعدني مرورك الله يسعدك ولاهنت ولاشنت اقتباس:
ياخي يا رحال ردودك تجعلني في خجل واحمرار الخدود والدلع:36_1_11[1]: لما فيها من الكلمات الطيبه والثناء والرفع من المعنويات فلك مني جزيل الشكر والتقدير والاحترام وجزاك الله الجنه اقتباس:
انا اللي سعدت بعضويتي بشبكة البراري وبمثلك وشرواك يا براق الثنايا مشكور على مرورك وردك العطر الله يعطيك العافيه اقتباس:
مع اني اقنص مثل اول او اكثر والامور الزينه جعلها فالي وفالك يا زلطه سعدت بردك الله يسعدك دنيا واخره يا (ولد حارتنا) |
اقتباس:
اسعدني مرورك الله يسعدك والتميز مرورك الله يعطيك العافيه اقتباس:
لك مني جزيل الشكر والتقدير ولاهنت ولاشنت اقتباس:
حلوه التوقيع الارضي انت شفت يا الحماد نت وبالنسبه لخشاش الارض قد شفتها بغير هالسنه بالمربعانيه والجو بارد لكن كلامك صحيح نستعين عليها بالله ثم الاذكار ردك يشع نور الله يعطيك العافيه اقتباس:
تشرفت بردك الله يجزاك خير اقتباس:
واشكرك على نقل الموضوع لقسم الرحلات واشكرك اكثر على التنبيه بالرساله الخاصه (فيه منتديات تحذف الموضوع حذف كلي ولا يتنازلون بأرسال رساله على الخاص) فلك ولادارة شبكة البراري كل الشكر والتقدير اقتباس:
سعدت بردك الله يسعدك ولاهنت ولاشنت اقتباس:
لاهنت الله يعطيك العافيه اقتباس:
ووجهك ابيض لك مني جزيل الشكر على مرورك العطر |
| الساعة الآن 01:44 PM |
Powered by vBulletin .
جميع الحقوق محفوظة © لشبكة ومنتديات البراري 2010