|
اكتب اجمل بيت شعر سمعته بوصف المزن
السلام عليكم ورحمة الله وبركاته اخواني هذه الصفحات تتحدث عن المزن والمطر لماذا لانعطي المزن حقه من الاشعار اتمنى التفاعل من الجميع بكتابه اجمل بيت شعر سمعته او كتبته عن وصف المزن مع عدم الخروج عن مضمون الموضوع ( وصف المزن او المطر ) سوف ابدا في بيت شعر لاأعرف صاحبه كريم يابرقً سرى له تلضي 00 بطراف غر وكل ماناض ياضي |
طبعا هذه محاولة شعرية لي : ومزن بكت ارضا بعد جفافها
وروت بدمعها اشجارا ووديانا هي لي وما رايكم ؟ :36_1_12: |
اولا موضوع موفقا واشكرك على الاطراء,
عندي بيتين: 1- كريم يابارق سرا ... محلا رزيم الرعد فيه 2- البرق لاح وفوق سلمى تلالا ... قامت على ذيك النواصي تهلي وهاذي فوق البيعة:يفز قلبي فزة المظلوم لالاحت حقوقه,,, اذا لمحت براق باول موسم مراويحه |
طرح جيد يبقى ذكر القائل لتعم الفائدة
|
سجل واحد بيت معك على الطائر:
كريم يابرق سرى له تواشي +++++++++++++ غربي عفيف يتراكم سحابه |
بيت شعري من نظمي ومشاركة خفيفة مني اتمنا ان تنال الاعجاب
يا الله يا منشى المزون الشواميخ+++++++ ترسلها على ينبع فى طول الايام |
اقتباس:
قبلة الدنيا ياسلام بيت جميل جداً اشكر مرورك ومشاركتك |
اقتباس:
راعي العقربية مشكور على مشاركتك وتشجيعك تقبل تحيتي |
اقتباس:
اشكر مرورك وتسلم على الاضافه |
اقتباس:
تسلم مراسل عفيف وهذا من نضمك تحيتي |
اقتباس:
آآآآآآمين وديار المسلمين تسلم على المشاركه |
موضوع جميل جدا واشكر الجميع على المشاركه
وهذي اول مشاركه لي بالمنتدى كوم بيوت كل واحد ينقي البيت الي يعجبه دع لذيذ الكرى وانتبـه ثـمّ صـل=واستقم في الدجى وابتهل ثـم قـل يا مجيب الدعـاياعظيـم الجـلال=يا لطيـف ٍ بنـا دايـم ٍلـم يـزل واحـد ٍماجـد ٍقابـض ٍبـاسـط=حاكم ٍعادل ٍكلّ مـا شـا فعـل ظاهـر ٍباطـن ٍخافـض ٍ رافــع=سامـعٍ عالـم ٍمـا بحكمـه ميـل أول ٍ آخـر ٍ ليـس لـه منتـهـى=جلّ ماله شريـك ٍ ولالـه مثـل بعد لطفك بنـا ربنـا افعـل بنـا=كل ما أنت له يا إلآهي لـه أهـل يا مجيب الدعـا يـا متـمّ الرجـا=اسألك بالـذى يـا إلآهـي نـزل به على المصطفى مع شديد القـوى=وأسألك بالذى دكّ صـوب الجبـل الغنـى والرضـا والهـدىوالتقـى=والعفو.. العفو ثـمّ حسـن العمـل واسألـك غاديـا ماديـا كلمـا=لجّ فيه الرعد حـلّ فينـا الوجـل وادق ٍصـادق ٍغـادق ٍضاحـك ٍ=باكي ٍ كلما ضحك مزنـه هطـل المحـثّ ألمـرثّ المـحـنّ ألـمـرنّ=هامـي ٍ سامـي ٍ آنـي ٍ متصـل وأسألك بعـد ذا عـارض ٍسايـح ٍ=كنّ به طق مثنـى سحابـه طبـل دايـر ٍ حايـرٍ عـارض ٍ رايـح ٍ=كل ّ من شاف برقه تخاطف جفـل من سحاب ٍ حقوق ٍ صدوق ٍ جفولٍ=عريـض ٍ مريـض ٍ ونـي ٍ عجـل كنّ مزنه إلى مـا ارتـدم وارتكـم=فى مثانىالسـدى دامـرات الحلـل ناشي ٍ غاشي ٍ سداه فـوق السهـا=كنّ مقدم سحابه يجرجـرعجـل مدهش ٍمرهـش ٍمرعـش ٍمنعـش ٍ=لمع برقه كما سيوف هنـد تسـل كن نثرالطها يـوم هـبّ الهـوى=فرق ريم ٍ جفل و ارتهـش واجتـول كلما اختفـق واصطفـق واندفـق=و استهل وانتهـل انهمـل كالهلـل أدهـم ٍمظلـم ٍموجـف ٍمركـم ٍ=جور سيله يعـمّ الوعـر والسهـل به يحطّ الحصا بالوطـا مـن عـلا=منحـي ٍ بالرفـا والغنـا بالشلـل حينما استـوى وارتـوى واقتـوى=واستقل وانتقـل إضمحـل المحـل بعد ذا آخر ٍ ما حمـي جـور مـاه=ثم يشيل الشجر في مسيـل الفحـل كلّما ازدجـر واندجـر وانفجـر=ماه حطّ الحجر في جـروف المحـل والفياض اخصبت والرياض اعشبت=والركايا ارجعت والمقـلّ اسفهـل والحزوم اربعت والجـوازي سعـت=والطيور أسجعت فوق زهرالنفـل كن وصف اختلاف الزهر في الرياض=ختلاف الفـرش والزوالـي تفـل بعـد ذا علّهـا مرهـش ٍقالـط ٍ=في بقايا أربع ٍ مـن سمـاك العـزل بعـد هـذا يعلـه ّزلال بـدلال=قدر شهر ٍسقى راسيـات النخـل راسيات المثانـى طـوال الحظـور=منصلات المقـادم جريـد ٍ المظـل حيثهـنّ الذخايـر إلـى مـا بقـا=بالدهر مـا يديـرالهديـر الجمـل تغتني به رجـال ٍبـوادى الحريـق=هم قروم ٍكـرام ٍ إلـى جـا المحـل هم جزال العطايـا غـزار الجفـان=هم لباب ٍ لضيـف ٍبليـل ٍهشـل يامجيب الدعـا يـا متـمّ الرجـا=ستجـب دعوتـي إننـي مبتهـل إمح لي سيتي واعـف عـن زلتـي=فاننـي يا إلاهـى محـلّ الـزلـل فإنـي الـذي مـدّ فيـك الرجـا=فلا خاب من مـدّ فيـك الامـل وأنت الـذى تهـدي لمـن يقـول=دع لذيذ الكرى وانتبـه ثـم صـل ثم ختمه صلاتـي علـى المصطفـى=عد ما انحى سحاب ٍصدوق ٍوهـل للشاعر محسن بن عثمان الهزاني رحمة الله عليه |
مشكور على الفكره الرائعه
هذي بيتين للشاعر بطي الغربي العتيبي ايام كان في باكستان عام 1424 كريم يابرقً مغير يتواشا....على اسلام اباد ضافً سحابه يالله بمثله للديار العطاشا....من الرياض ليا رضمة الغرابه *الغرابه شمال شقراء 50 كيلو على خط المستوي |
اقتباس:
رحم الله الشاعر محسن الهزاني الف شكر على هذه المشاركه الاستغاثه الجميله |
اقتباس:
صح لسان الشاعر بطي وتسلم مشرفنا العزيز على هذه المشاركه الجميله |
شكرا لكم مبدعين
|
الا يالله من مدات جودكـ ..... سحابة مستقله مستقله
:43::43::43::43: تعل كبود وعروق ظوامي ... على بابكـ مدامعها تهله |
اقتباس:
شكراً لك على مرورك |
اقتباس:
ياسلام عليك يارعد المدينه مبدع بكل شي بتوقعاتك وبتوقيعاتك وبأبياتك تسلم ومشكور على هالبيوت الجميله |
يـالله بنــو مدلهـــم الخيــــالا
طافح ربابه مثل شرد المها الزرق لاجا على البكرين بنا الحلالا ولاعاد يفصل رعدها عن البرق |
يا الله بنو للرعد بـه زلازيـل ينشي من القبله صدوق اخيالـه ينشي الضحا وهو اسود كنه الليل والبرق به مثل الضوي اشتعالـه يحدا ركونه مثل زجر المحاحيل وعياز مزنه مثل دامر احلالـه والى انتهض ساق السدا بالمهايل مثل النعام اليـا تزايـد اجفالـه من واحد ماهوب منان وبخيـل رب كريم وكـل حـي ايسالـه سيل يعم اسدير من غير تفصيل عقب اربعين اليوم يذكر كمالـه يحده الغاط والزلفـي مشاميـل وابا ذريه والوطي مـن اسهالـه للشاعر ابراهيم ابن جعيثن |
بارك الله فيك
يالله بمزن بارقه يسحر العين &&& وسيلن يروي ضما محترينه |
بسم الله الرحمن الرحيم
يالله ياللي تسوق المزن يالوالي.... ياعالمـ(ن) بالسما واللي جرى فيها انك من الغرب تنشي مزن وخيالي....ونجد بامرك يارب البيت تجريها ومع اول الوسمي مزنـ(ن) كنه جبالي....خيل على نجد قاصيها ودانيها البرق يبرق وخير المزن همّالي.... والأودية جتك فايضتـ(ن) عواليها جا يدحم سيلها من الجال للجالي.... أمطار رحمة وبينتـ(ن) مواريها والعشب الأخضر نبت من كل الأشكالي....والباذر أنبت وجه الأرض غاطيها والقصيدة للشاعر : سعود بن سطام بن حادي للتحميل [gdwl] https://www.5ymah.org/upload/upload/wh_54547622.rm[/gdwl] |
أجمل ماسمعته .....في نظري طبعا ...
يا الله بمزن هايل في صفيفه // لشافه الشايف تبشر بالاوناس برقه يشوق المستخيل برفيه // رواعده ترزم مثل صوت الأجراس اسبوع ماياقف علينا وكيفه // يودع مساهيف الخلا كله اوطاس |
اقتباس:
صح لسانك ومشكور على المشاركه |
اقتباس:
صح لسانك ولسان الشاعر ابراهيم |
اقتباس:
آمين وصح لسانك وتسلم على المشاركه |
اقتباس:
صح لسانك ولسان ابن حادي مشكور على المشاركه بهاذه الابيات الجميله |
[quote=عبد المجيد;478065]أجمل ماسمعته .....في نظري طبعا ... يالله بمزن هايل في صفيفه // لشافه الشايف تبشر بالاوناس برقه يشوق المستخيل برفيفه // رواعده ترزم مثل صوت الأجراس اسبوع ماياقف علينا وكيفه // يودع مساهيف الخلا كله اوطاس[/quote] تسلم على هذه المشاركه الجميله |
أنا أقول اجمل بيت شعر سمعته في وصف المزن بيت متنبي العصر سعد بن جدلان لعل السحاب اللي تزبر ضحى و عصير ××× تضاحك مقاديمه و تبكي المواخيريِ و له بيتين في جو الأمطار يقول : سبح ماهر خيالي في الخباري و البرد والنار ××× أشوف الجمر فوقه دلة الرسلان منحورة هذه المنظر اللي ما تشوفه في الحياة مرار ××× على شوفة سبابيح الخيال تموت مقهورة |
قصيدة الشيخه للشاعر المعروف :عبدالله بن مقحم الصقري النجدي العنزي يا مزنةٍ غــرّا مـن الـوســم مــبـدار *** اللـي جـذبـنــي مــن بـعـيــدٍ رفـيــفــه هلت مـن القبلـه هماليـل الأمطـار *** مـن سـيلهـا الــوادي غـدالـه وحـيـفــه تمطر من الهدرا اليـا خشـم سنـار *** وتسقـي ديـار مـحـقـبــه والـحـتـيــفــه وتضفي على كل المفالـي والاقطـار *** وتصبح بهـا خــدان ربـعــي مـريـفــه عقب الحيا فاحت بها ريـح الازهـار *** وتعاقـب الـنــوار مــثــل الـقـطـيــفــه وترعا بها الغرا وتبنـي لهـا طـار *** عقب الضعــف راحــت ردوم مـنـيـفـــه اذوادنــا مـايـرتـعــن دمــنــة الـــدار *** ولا يـرعــن الا بـالـفـيـاض النظيـفــه |
مشكور يارعد الشمال موضوع رائع لصقل مواهب الاعضاء الشعريه ناض برق الشمال وهاض قلبي اخياله هيض القلب براق تخيله اعيوني ياعسى المزنة الغراء تعدى شمالي يم دار الشمال الي غلاها فتوني ياعسى السيل يضفي سهلها مع اجباله يروي السيل قاع ترتجم به مزوني |
اجمل ما سمعت هذه الابيات سرا البارق اللى له زمانين ما سرا .... صدوق المخايل بارقه يطرب السارى |
اقتباس:
صح لسانك ولسان متنبي العصر ابن جدلان الحقيقه تعجبني اشعار ابن جدلان |
اقتباس:
مشكور الودق على هذه المشاركه الجميله تحيتي |
اقتباس:
صح لسانك ناصر ومشكور على الاطراء وعلى هذه المشاركه الرائعه تحيتي |
اقتباس:
على فرعة الوادي وسيله تحدرا 00 تغني طيور الماء على حاير الجاري مشكور المجمعه على هذه المشاركة الجميلة |
سرا البارق الى روس مزنه تنصة غال * على هجرة ابو سنون وادنى الشبيكيه
|
الثنايا بيض كنهن حب مزه&&&& أو هماليل البرد يوم الخيالي
|
اقتباس:
مشكور على المشاركه |
| الساعة الآن 08:21 AM |
Powered by vBulletin .
جميع الحقوق محفوظة © لشبكة ومنتديات البراري 2010