|
وش انت فاقد من زمان
شى انت فاقده من زمان يانوع من السحاب او البرق او الرعد او المطراو الرياح او فى اى ظاهرة جويه ؟:36_1_4::36_1_4::36_1_4::36_1_4::36_1_4:
ارجوا من جميع الاخوان ان يشاركوا معنا فى هذا الموضوع |
انا فاقد نوع من السحاب وهو سحاب الديم
اما البرق فهو بروق المزن التى لاتفصل اما الرعد فهى الصواعق التى تهز الارض وتاتى فى اخر الليل او وقت الضحى اما المطر فهو كل انواعه مفقوده ولا حو ولا قوة الا بالله اما الرياح فالرياح الشرقه والتى تستمر اكثر من اسبوع واخر شى النفيض او الجفيل والرذاذ الذى يجى معه ويجلس خمسة ايام ماشفت الشمس الله يزين ذيك الايام https://www.hazza.org/up/uploads/2611f6fd8c.jpg |
شكرا على طرح هذا الموضوع الذي يجعلنا نتذكر الايام الحلوة انا فاقد السحاب الركامي الذي يبني ويتراكم فيكون مثل الجبل من وقت الضحى الى اخر النهار ثم يكون منه البرد والمطر ومن ثم السيل والله كريم يرجع اللي فقدناه
|
هلا ابورشيد يا الله حيه وأحيه على طاعة الله فاقه وأنا اخوك شعيب البرد وسحابة تكب برد من غير ضرر والطهى تحتها حول ما تلمسه بيدك الله يرزقنا بمثل هذه الأجواء عاجلا غيرأجل https://www.albrari.com/vb/uploaded/180_01237284172.jpg https://www.albrari.com/vb/uploaded/180_01237284017.jpg https://www.albrari.com/vb/uploaded/180_11237284017.jpg |
الحقيقه صواعق اخر الليل فاقدها اضافه الى الديم
|
نوع من السحاب اسمه الرقيطا وهو محبب للاهل نجد ويستبشرون به كثير وفيه قصة وقعت فى جنوب الرياض تتحدث عنه ساحاول ان اضعها فى موضوع ثانى للانها فيها من الفائده الشى الكثير
وقد تتخلاء عن جميع مواقع الطقس بعدها ؟ ولكن مادرى متى ابنزلها فى هذا المنتدى |
يابن عمي هيضتنا .
فقدنا مزون الربيع وصواعق آخر الليل وديم الضحى . وخاصة هالنوع ذا https://www.windows.ucar.edu/earth/At...lus8_small.jpg |
فاقدين والله شي واجد فاقدن طال عمر الخيال الحقوق الثقيل إيييييييييييييه الله يرحمنا |
سيل الجذيب بعد فاقدينه وبروق الفجر
|
هالسنه فقدنا الديمه اللي تقعد لها اسبوع
ولكن المزووون تونا عليها وابشرو بالخير سلام |
سيف الرعد او سيف البرق
ماهو الاسم عندكم |
اولاً مشكور يابرق السحاب66 على طرح الموضوع:
ثانياً: والله فاقد وجعلك ومن يقراء موضوعك ماتفقد عزيز فاقد الخيال اللي لا جاء تالي اليل قامت ابروقه تكاشف من قبله واذا وصل صارت ارعوده تزلزل بالارض وفاقد بعد ياعزيزي الديم اللي يصدق من اول الوسمي ياخذ اسبوع على نجد وهو ماغيرودان حتى الارض تروى وفاقد خبط المطر في المكيف اخر اليل وحنا ارقود حتى نصحى من صوته وفاقد بعد المزون اللي تجي الضحى طبقات من النوع الركامي وفاقد النفيض اللي يجي بعد المطر هو و ين راح اه يازين ذيك الايام زيناه مزنً على الاوطان منهي ومامور******** يامحلا ريح النفل عقب سيله |
آيه هيضت القلب يا خوك
بس فاقد أمطار الديم اللي تجي في أيام الشتا تقعد يومين ألا ثلاث أيه يا ذيك الأيام في الصيف المزون اللي تطلع بعد الظهر و العصر أما عجاج ولا مطر بس شكل المزون يهيض طررح مميز لا عدمناك الغلا |
شكرا على الموضوع
نحن في ولاية الرستاق .. سلطنة عمان فاقدين السحب والمزون الركامية التي تأتي بحمد الله كل صيف او في الفترات الانتقالية للفصول وخاصة بين الصيف والشتاء مثل هذه https://s47.radikal.ru/i118/0903/71/e29d902047ed.jpg https://s60.radikal.ru/i169/0903/f1/e2840ef3adec.jpg |
ماعاد سمعنا بالزلزل المدمره والبراكين
|
اقتباس:
|
خط الحياء .................
|
فاقدين شي واجد
الديم والمزون المتفجره..فاقدين القومه على صوت المطر على المكيف لا على الصواعق الله يرحمنا برحمته |
مشكور على الموضوع المميز يا برق السحاب 66 أول شي نفتقده السنوات الخمس الاخيرة الفرحة والنشوه المصاحبه لوصول ومتابعة الخيال والسبب متابعتنا له قبل ياصل بمده :0001: الأشياء اللي نفتقدها في السنوات الأخيرة خاصة من عام 1424 هـ وجاي كثيرة ولكن أهمها عندي أذكر في الشتاء خاصة العقرب الثالثة يجي خيال بدايته مزن وبروق :43: ورعود وسيل الكلام هذا قبل العصر وبعد المغرب يتغير الهواء ويصير شرقي وتعال شف الديم يصب صب ساعات متواصله الشي الجميل في هالحالات إذا جاء تالي الليل خف الديم وبدا الرعد له زلزله والهواء ساكن وما تسمع غير صوت المثاعب (المرازيم) تصب وتنقيط اسلاك الكهرب على السيارات :m9asmilies-com: والبرق ما تدري مع اي جهه والسبب النفيض مغطي الدنيا هنا تكون قمة المتعة والوناسة ولكن للأسف حرمنا منه مؤخراً |
الله يعطيك العافية والله ذكرتنا باشياء نسيناها فاقدين الصواعق الي تجي تالي الليل الي تخليك تفز من النوم ثم شوي وتسمع صوت المطراو البرد على المكيف
|
قراءة الموضوع والردود من الأعضاء تجعل الفكر يغادر المكان الذي أنت جالس فيه ويرجع لسنوات مضت ويرتفع النظر إلى السماء لعله يجد مايجول بفكره من السحب الركامية وينصت بسمعه لعله يسمع صوت الرعد أو زخات المطر من رب كريم
|
بس فاقد أمطار الديم
|
الديم من سنتين ما شفناه
|
مشكور على الموضوع
والله فاقدين الديم مدته اسبوع وجالس في غار وللا في بيت شعر ومصلح قهوتك وشاهيك وفطورك وغداك وعشاك وتصب وتهب عليك ومره قوي ومره متوسط والوادي من الجال للجال قدامك واسبوع وهي تصب والله هذي الي فاقده وصواعق اخر الليل |
أول شي نفتقده السنوات الخمس الاخيرة الفرحة والنشوه المصاحبه لوصول ومتابعة
الخيال والسبب متابعتنا له قبل ياصل بمده :0001: الاخ خط الاستواء وازيدك من الشعر بيت من اول عين البشر في السماء فوق000 واليوم صارت في خرائط حواسيب |
مثل هذا السؤال طرحه احد الاخوان في منتدى اخر وكانت الاجابه (الشفق)
|
فاقدين صواعق الظهر وامطار العصر الغزيرة
|
أنا والله فاقد الجو الصافي النقي والنسمة الرطبة العليلة والرطوبة اللي تجي على قزاز وتندة السيارات في الليل وتقوم وتلقى السيارة تصب من الرطوبة صب ( إيه الله يرحم الحال ):new3:
|
| الساعة الآن 07:57 AM |
Powered by vBulletin .
جميع الحقوق محفوظة © لشبكة ومنتديات البراري 2010