|
مطارة ماء ( ممتازة ) أحسن مطارة مرة علي
اخواني الأعزاء ....
السلام عليكم ورحمة الله وبركاته . يسرني أن أنظم إلى هذا المنتدى والمشاركة فيه وأول موضوع لي هو هذا : https://www.mekshat.com/pix/upload/im.../mk12576_1.jpg https://www.mekshat.com/pix/upload/im.../mk12576_2.jpg https://www.mekshat.com/pix/upload/im.../mk12576_3.jpg هذي مطارة بمناسبة جمرة الصيف ( أغسطس ) الله يجيرنا من حر جهنم . والله اشتريت من المطارات المعروفة القديمة ولكن لم تبرد عطشي إلا هذي . حطيت كرتون ماء صحة بالسيارة في هذا الجو الحار لمدة اسبوعين وعبيت المطارة من الماء وهو حار وبعد نصف ساعة صار الماء بارد من دون اني اربطها بالسيارة ولما ربطتها بالسيارة ورحت لي مشوار زادت برودتها . |
فكرتها حلوه بالمره
وخصوصا الخيش يزيد برودها ويحماها اكثر شكرا اخوي وبدايتك معنا قوية |
ما شاء الله
ولكن اخوي ويش الشي اللي خلف المطارة لونه بني ؟؟ شكرا لك على هذا الاختراع |
فكرة ممتازة جدا وبادوات بسيطة ومتوفره
ولكنك اخي العزيز لم تذكر نوع الخام وشكرا |
شي رائع والله يبرد على قلبك
....................... |
يعطيك الف عافية اخوي الموقر على هذة المطارة
بس من وين نقدر نحصل على وحده مثلها وبكم سعرها |
يا هلا اخوي
شكرا على هذي الفكرة ومثل ما قال اخوي وين نقدر نلقاها ليونارد دافنشي |
طير بر .... التجربة خير برهان . لا تعتبرها دعاية . صاهود : والله إنك موسوس ، هذي قطعة من الخيش بارزة ممكن تقطعها . معذرة على القسوة . ابو شريدح : الخام الأخضر طربال صناعة روسية بعد ما يتشرب الماء يتسكر يعني ما يهرب ويكون التبريد عن طريق بعض النضح الخفيف من هذا الشراع وكذلك رش الخيش بالماء للتبريد . الجنـ 2000 ـوبي : تسلم والله ، هذا اللي يبرد على القلب ولا تلتهب اللوز والحلق . كحيلاااان .... الله يعافيك والله ، يمكن التواصل عن طريق الخاص . وسعرها 70 ريال ووالله لا يدخل جيبي فائدة حيث أني أجيبها من شخص يقوم بعملها وأنا أوصلها للشباب خدمة مني وانطلاقاً من قول الرسول صلى الله عليه وسلم : لا يؤمن أحدكم حتى يحب لأخيه ما يحب لنفسه . دافنشي ... تسلم والله ، وبخصوص الحصول عليها يمكن التواصل عن طريق الخاص. |
حياك الله أخوي الموقر
لقد سعدنا بقدومك الينا اتمنا لك ان تفيد وتستفيد وتجد كل ماهو مفيد وان تقضي اجمل الاوقات معنا فمرحبا بك عزالله إنها أحسن مطاره وباين عليها شغل متعوب عليه بس لازم من تجربتها |
يامال العافيه والله
نبي منها يالطيب ولو شدة الحر راحت لكن ما نستغني عنها تسلم |
أخوي : أتيكا .... تسلم والله ، أنا أكثر سعادة بانضمامي إليكم . إذا جربتها راح تنسى البرادة والترمز . عناز ..... الله يعافيك ، ممكن التواصل عن طريق الجوال ( هل مسموح كتابة الجوال )؟؟؟؟؟؟ . |
وعليكم السلام ورحمة الله وبركاته
الف شكر على هذا الموضوع يعطيك الف عافيه وماقصرت اخوي ربي يجزاك كل خير واعتقد مسموح الجوال ومسموح البيع الحمد لله إدارة المنتدى فاهمه وواعيه وعندها العضو هو الاساس اخوك الجارح 2000 |
السلام عليكم.. مشاركة متميزة .. نتنمى ان نرى منها الكثير ربي يسلمك ويسلم كل الاخوه المشاركين في الموضوع وننتظر منك المزيد أخوك الوافي |
اخي الكريم الموقر
طريقة جميله لكن ياترى وين نحصلها يالغالي تسلم |
اخوي انا ابي ثنتين من المطارة اتمنى ترسل لي
لكن كيف توصلني ؟؟؟ |
تشكر على هذي الفكرة وهل مسموح لنا ان حنا نسويها بانفسنا ؟؟
فكرتها تمام واعجبتني ولا ترمس ولا غثى |
هلا بالموقر
نورتنا بوجودك معنا وياهلا بك والمحل محلك مشكووووور على هذي الفكرة سلام |
هلا ابو الافكار
ما شالله ناس عقلوها نظيفه وتخدم البر واهل البر الله يجزاكم خير |
اخي/ الجارح 2000 .... جزاك الله خير ،، ووالله إني مرتاح كثير لهذا المنتدى حيث إني واجهت تسلط بعض المشرفين في موقع مكشات .
أخي / الوافي .... تسلم والله ، أسأل الله التوفيق . أخي / nahham .... يمكنك الاتصال بي على رقم 0505175337 ابو عبدالله . أخي / الصاعق .... وين أنت . أخي نجم الثريا ... ممكن بس وين تحصل الشراع الأخضر إن كنت في الرياض ابحث عنه في الغرابي . أخي / هادي .... حياك الله وبارك الله فيك . أخي / 4×4 ... وش مصبرنا في بعض المواقع إلا خدمة أهل البر . |
اقوول ماودك تبيعها ,, كنها جازت لي ,,
الله يعطيك العافيه لاهنت يالغالي |
الموقر يبدو لي ان صاحب تجارب وابتكارات وهذا شيء متميز لانك انت مميز
لك كل الشكر يامبدع |
ما شاء الله
الاقبال على المطارة شي يبشر بالخير وحنا ودنا بعد شكرا لك على هذه الفكرة الممتازة |
ما يحتاج نمدحها وكل هالناس تبيها
يالله وزعها ودراهمك موجوده شكرا لك اخوي الموقر |
الله يعافيك اخوي على تكرمك بالشرح للمطارة يعطيك الف عافيه على اختيارك رائعة جدا ومتميزة جدا الله يجزاك خير |
وينك اخوي الموقر
المطارة للبيع وإلا خلصت |
السلام عليكم
رد متأخر لكن المشاركة بالموضوع الطيب بصراحة فكرة المطارة قديم جدا و حسب الصور يوجد بها تجديد و فكرة طيبه لك الشكر علي الموضوع |
ماء المطارة من الذ المياه شربا خاصة اذا كانت من جلد تيس توه مابعد ارشد
الله يعطيك العافيه اخوي الموقر |
| الساعة الآن 08:03 PM |
Powered by vBulletin .
جميع الحقوق محفوظة © لشبكة ومنتديات البراري 2010