|
[*] مزون و سحابة الخويش الجنوبي وشمال أشيقر السبت ( 12 صفر 1430هـ ) [*]
السـبت 12-2-1430هـ ( 7-2-2009م ) حيا الله الجميع نشؤء جميل ذلك اليوم لكن المعطيات الجوية لا تسمح له بالتوسع والانتشار فالهواء الجنوبي الغربي النشيط آحيانآ وارتفاع الضغط يوحي من الصباح بان استواء السحاب شرقآ وهاذا ماحدث بالفعل نسئل الله العلي العظيم ان يرزقنا الغيث ولى يجعلنا من القانطين نقدم لكم باقة متواضعة لبعضآ من صور برديات الخويش الجنوبي وشمال أشيقر فالى الصور البداية كانت جنوب نفي حيث النشو الجيد في التكوين والمهب الهيفي النشط الساعة الواحدة ظهرآ يظهر بالصورة جبل مساوي اول ماتنشي قطعة المزن تصل لعنان السماء في الارتفاع اول نواة لخلية السحب التي تكونت على نفود السر وشمال اشيقر والمجمعة كانت على غرب الفيضة وهي التي استمرت بالقوة كلما اتجهت شرقآ لتكون عدة سحب متلاحقة من الساعة الثانية ظهرآ الى قبل المغرب والمزن يسدي غرب دخنة لكن لم يتطور الى سحب رعدية على الرغم من أشكاله الرائعة في التكوين بداية لسان الطير |
لاحظوا ارتفاع المزن عند مفرق الملقا عند الغيدانية ويظهر المزن المسدي الضعيف غربآ بينما الشرق ينشط السحابة الي أمطرت على الرس الساعة الثالثة والنصف ورديفها من غرب وهاذا الي خلاها تطول بالمطر بعدها اتجهت شرقآ من عند الملقا والعمار والخيال يزين ويتجمع ويكثر برقه المعذرة على ردائة الصور فالموقف لا يحتمل التوقف والسحاب بعيد والخط لك عليه والنهار شارف على الانتهاء عند العَمَار اتسعت السحب وبدت تتخذ أشكال رائعة والمزن يردم عنها مابيني وبينها جنوب شرق العَمَار جنوب شرق نفود السر بدت تأخذ السحب صفة البرد ولاقواس التبخير لها تاجآ ومناظرها تـأسر العين والرادو لا تسئل وبدت السحب تكون عاروض قاعدتها بالشرق وراسها بالغرب ويغطي ويذري على بعضه |
ياسلام على المزن الطري الي قبل السحاب وبجنبه وصلت لمفرق أم حزم والسحاب عني جنوب وشرق قررت التوجه جنوبآ لاشيقر وشقراء هامات بيضاء والمزن الطري عنها غرب وشمال ما استعزت هالسحب الى على غربيات سدير والمجمعة والغاط راس مزن طري قبل السحاب المسدي قمر ليلة ثلاثة عشر والمزن دون محجوب عنه أشعة الشمس |
ودخلت بعاروض السحاب والبرق يركز قدامي عند الخويش الجنوبي ركز ثلبوت المطر والبرد قدامي والسحابة على اولها مااستوت والمزن يحوفها بداية صبها شرق الخويش عند نفود الثويرات والارض صارت بيضاء من ضيق الماء سحابتنا بعد مازلت استوت وحقت وصار برقها مايفصل واقبلت على جنوب غرب المجمعة لاحظو ثعل المطر كيف واقف قبل وبعد المزن عن السحابة جنوب بعد مازلت هالسحابة عني غرب برقها يبطي نقعت بالارض لكن ضعفت عقب ماشرقت زانت عقبها سحابة جنوب عني شمال أشيقر ب 30 كم و حقاف الرباب قدامها ومعها تيار غربي وحقت وزانت مثل صاحبتها شرق |
نقعت الارض من بداية مطرها واستوت بعد مازلت عقب هالسحاب خف الخيال وطاح المزن روسه ساطعه بالشمس وعاكستها علينا لكن ماجزم السحابة بدت تبرق بعد المغرب تبطي مشت الارض بالجريفة شمال شرق أشيقر وبالختام دمتم في رعاية الله وحفظه .. الســلام عليكم ورحمة الله وبركاته |
ماشاء الله تبارك الله دايم وماهو شي جديد الابداع عند سيف تميم الله يرضا عليه ابدعت وامتعت يالغالي وكل مواضيعك ابداع في ابداع عليك سرد ووصف موضوع يعجز عنه الكثير من الناس ماشاء الله عليك عيني عليك بارده والتميز يستاهلونه اهل التميز وهذي خمس درجات اقل شي اقدمه لك يالغالي تحياتي محبك ومغليك ذيب طمية والديار العذيه |
مشالله ابداع وباس الله يعطيك العافيه تصوير روعه واخراج ولا اروع
وبارك الله فيك |
الله أكبر
ما شاااااااااء الله تبااارك الله متابعة دقيقة جدااااا للسحاااب والله ان صور هالمزن تشوووق مشكوور على هالتقرير المتميز اخووووووي سلام |
وعليكم السلام ورحمة الله وبركاته ماشاء الله تبارك الله ابداع وتقرير رائع يستحق التميز تقبل مرور اخوك ابومحمد |
عليكم السلام ورحمة الله وبركاته
ما شاء الله تبارك الله أحتري هالتقرير يا ابوسليمان ويا ليتنا شفناك لكن مطاردة السحاب ما يعطيك فرصه وصف رائع وحقيقي للسحاب وأقرأ كلامك ووصفك واطبقه على ما شاهدته لله درك وهذه السحابه عجيبه في تكوينها ووقع مطرها وهماليل في كل مكان آح بس لو انها مبكره وقبل العصر ومالك حق تجي حولنا ولا نوجبك وتدخل المحل لو عقب المغرب أو العشاء عقب ما ركد الوضع ولنا الشرف بشوفتك والسلام عليك برأيك هل سحابة البرد الي ضربت المزيرعه أقوى من الي ضربت الغاط والخويش |
تقرير مميز وجميل للغاية مشكور |
الله يعطيك العافيه على هذا التقرير الرائع والمتميز كصاحبه عداتك يابو سليمان ما تجيب إلا التقارير الدسمه ومشكور على المناظر التي تأسر القلوب وإن شاء الله القادم أحلى وما نستغني عن تقاريرك الجميلة وتقبل مروري |
الله يعطيك العافية
|
============== :36_1_11[1]: الف الف شكر أخي سيف تميم // تقرير مميز كصاحبه // بارك الله فيك // ومن تميز إلى تميز أخر // =============== |
ما شاء الله عليك يا سيف تميم هذي التغطيات والمتابعة اللي على أصول مطاردة لمسافات طويلة ومتابعة دقيقة وصور معبرة وجميلة يا الله على هالصورة وعلى هالثعل الله يعافيك ويستر عليك https://www.almasud.net/up/95766388OA...AA1ADcA118.gif إلا وش رايك يا بو سليمان بالمجمعة وما حولها من ناحية عدم تأثرها بالهواء الغربي بشكل مباشر هل السبب راجع للتضاريس ؟ أو لتاخر وصول الرياح الغربية لوقت متاخر مما يقلل من تاثيرها السلبي على السحب ؟ أو لأسباب أخرى والشيئ الثاني إزدياد كمية السحب وقوتها بمجرد الوصول للمنطقة أتمنى أجد الإجابه عندك شكراً لك وجزاك الله خير |
ما اقوول غير بيض الله وجهك
والله تقاريرك لها طعم خاص عندي احس اني معك معاوني على الباب الايمن واعيش كل لحظة معك مشكوور ماقصرت |
ما شاء الله على هالرصد والتغطية المقرونة بالخبرة الكبيرة
ألف شكر أخوي المبدع سيف تميم على إسعادنا بهذا التقرير الرائع |
ألف شكر لك ....
متابعه ورصد متميز |
اقتباس:
هلا وغلا ببو عبدالعزيز الله يعز مقدارك ويخليك لعين ترجيك والله ودي لو اني مسير عليك لانك تعرف بعد المسافة وليلة دوام ولى كان اتشرف بك يالغالي بالنسبة لسؤالك عن ايهم أقوى لاأعلم بالضبط لكن من الواضح انهما متشابهتين بالقوة والدليل انهما يوم تعدن المستوي اتصلن وصارن سحابة وحدة وبرقهن واحد صحيح ان الجنوبية اقوى من الشمالية بحكم ارداف السحاب جهة الجنوب لكن من الشكل والتعقيب لكلا منهما نحكم عليهما لاهنت والله |
اقتباس:
ياهلا ببو سليمان نور الموضوع بردك الجميل بالنسبة لتساؤلك سوف اورد باختصار شديد .. صباح السبت 12 صفر اصبحنا على جو رطب وضغط منخفض وظروف مناسبة جداا ومن هذه الظروف المدد الهائل للرطوبة سواءآ كانت المنقولة أو المتبوعة ( الساكنة ) ومن المعلوم ان بالامس كان الحجاز الاوسط والجنوبي تعرض للامطار وبعد انتقال المنخفض جهة الشرق وتعمقه شرق المملكة وهطول أمطار منه صباح السبت على الرياض والشرقية تعمق بالطبقة 500 هكتوباسكال بدأت الرياح الغربية بالهبوب فقلت بنفسي انا هاذا ليس حكمآ أكيدآ على اليوم وانما الحكم عليه عند الظهيرة وبالفعل عند الظهر طاح الهواء بشكل كبير وبدأ المزن بالانتشار بجميع الجهات فاستبشرت لكن مامرت ساعة الى وعاود الهواء بالشدة مرة آخرى وتغيرت أشكال المزن الغربي فايقنت ان منطقة الاستواء وتلاقي الرياح شرقآ ، وتكون اول خط للسحاب شرق دخنة وهو الذي تابع تطوره الى ان وصل للمجمعة والدليل على ذلك انا وقفت الساعة 3 ظهرآ بالغيدانية والهواء شديد هيفي ، بينما عند ام حزم ساكن مع نسناس خفيف نسري مع الخيال الشمالي الي كسر شرق وسبحان الله لو تلاحظ الهواء على منطقة نجد تلاحظها شمالية غربية بالرس وجنوبية غربية بالدوادمي وجنوبية شرقية بالرياض وهي خفيفة جداا هاذا برائي سبب تكون السحاب واستوائه شرقآ وانا استبعد ان تكون للتضاريس اي تأثير فيه لان تضاريس نجد تقريبآ واحده والسحب الي تكونت سحب تسخينية تصاعدية من الحرارة وانخفاض الضغط اتمنى اني افدتك يابو سليمان شكري لك |
اقتباس:
الله يجزاك خير يا سيف تميم على الرد والشرح واضح ما شاء الله عليك جامع بين المتابعة على الطبيعة والمتابعة عن طريق المواقع المتعلقة بالطقس وهذا سرالتوفيق في مواقع المطر والأهم من كل هذا الخبره الله يعافيك ويبارك فيك |
السلام عليكم
وشذا الحركات والابداع يا ولد العم دائما انت:36_1_11[1]: في الاخراج ماشاء الله |
ياسلام عليك والعتب على تو أشوف تقريرك بس وين كان منخش ماأدري تدري وش الجميل بتقريرك سيف تميم الوصف بلهجة مخيلي السحاب وهذا أضفى عليها نكهه فريده ونقله نوعيه بالبراري بالعاده يجي تقرير وبدون قصور براعيه تلاقيه أمطار الديره الفلانيه صح الصور روعه ويمكن ياخذ 5 نجوم لاكن فيه شي ناقص ومهم ألا وهو الوصف ركيزه << أي تقرير لسيف تميم إحرص على قرءة الوصف أولآ كفيت ووفيت ويسر الله أمرك :32: :32: |
هلا أبو سليمان بيض الله وجهك جهود تشكر عليها ولذلك تستحق وسام التميز بكل جدارة فالابداع مازال مستمر تنقل لنا صور جميلة من مختلف المملكة سواء في نجد أو حتي الحجاز تجوب الأرجاء لتكتب لنا أجمل تقارير الامطار :43: حتي أن الصور التي تضعها لا نمل منها ونرجع مرة أخري نشاهدها تحياتي لك ويعطيك العافية وماقول غير ماشاء الله تبارك الله |
بارك الله فيك اخوي سيف تقرير اكثر من رائع وصور رائعة كروعة السحب الممطره ،، تقبل مروري بصدر رحب، ابوحمد،،، |
ماشاء الله عليك يا سيف تميم
مبدع جدا جدا في أسلوبك وطريقة عرضك .. صح أنها تجي متأخرة شوي ولكن تجي زي الصاروخ وتكون مفصلة ومافيها من المبالغة أو التهويل بالعكس كلام واضح ومن منطلق خبرة الله يبيض وجهك ولو بيدي عطيتك عضو الماسي على هالتقارير الجميلة اللي تخششك جو الرحلة |
وعليكم السلام ورحمه الله وبركاته
ماشاء الله تبارك الرحمن .. عيشتنا الحدث كننا معك الله يعطيك الصحة والعافية اخوي سيف على هالتقرير الرائع سلمت يمينك يا غالي والله يحفظك من كل مكروه ويخليك لعين ترجيك اخوك ابو بدر |
ألف شكر أخوي المبدع سيف تميم على إسعادنا بهذا التقرير الرائع
|
وعليكم السلام ورحمة الله وبركاته مشكووووووووووور اخوي على التقرير ماقصرت تسلم يمينك تقرير رائع من شخص رائع مشكوووووووووور |
الف شكر للجميع لاهنتوا والله على هالطلة الرائعة |
صور جميلة جدا |
ألف شكر أخوي
|
| الساعة الآن 01:08 AM |
Powered by vBulletin .
جميع الحقوق محفوظة © لشبكة ومنتديات البراري 2010