|
للبيع جيب شاص 2005 خليجي بيجي اللون
مساكم الله با الخير ،،،،،،،،، حبيت ادخل واحرج على سيارتي هنا ،، بس خايف يأخذون سعي اهل المنتديات !! اخواني موجود جيب شاص للبيع الي على التوقيع تحت ( 2005 م ، اللون بيجي ، نظيف خالي من الصدوم والسمكره ، خليجي فل كامل ) اخوكم ابوحمد |
ان شاء الله من النواصي المباركه
الله يرزقنا وايك يالغالي |
طيب مركب فيه توانكي وهنقلين والا حوض بس
عطنا مميزاته الخاصة اذا تسمح مشكووووووووووووور سلام |
شكرا لكم ابو هشام والهادي على الرد ،،،،،، والشاص معه جنوط كحل ومعه جنوط شد بلاده ومعه تونك وشنطه بدون هزاز ويسام 86 الف والبيع قريب ان شاء الله ،،،،،،،،،، اي خدمه اخوي هادي ،،،،،،ابوحمد
|
ممكن ترسل لي جوالك على الخاص ودي اتفاوض معك بالسعر
اخوك صياد الضبي |
ابشر اخوي صياد الضبي ما طلبت شي ،،،،،،،، ابوحمد
|
يالله يا اخواني الموتر مسكت وما فيه كلام
من يفتح السوم اصبر يا راعي الجيب ترى البيع عندنا يبي له سعة صدر ومتابعة منك للموضوع |
سومة طيبه طيب تبيع بسوم الرجال صافي
بس ترى على الشرط والنظر |
شكرا لكم يا الشقراوي ويا سلوم على الرد وحنا ما قلنا للبيع الا نبي نوسع الصدر يا الشقراوي ، سلوم السوم شوي وانا ابي زياده ،،،،،،،، تحياتي للجميع ،،،،، ابوحمد
|
معليش ودي اسال بس لا تضحكن علي
الجيب معه ونش شد بلد والا مركب له ؟؟ انا احب الجيوب بس ما اعرف انواعها |
والله لا معه ونش مركب ولا شد بلد اخوي طير القنص واشكرك على مرورك ،،،،،، ابوحمد
|
صباح الخير اخوي راع الجيب معي باترول صالون 97 سوبر سفاري اذا تبي الموتر واطلب زودك
|
عافك الله اخوي اول مشاركه لك وهذا ردك شكلك شريطي !! معليش @@ لا ابي $$$ ـــ تحياتي لك ،، ابوحمد
|
.........الله يعطيك خيرة ويكفيك شره ...............
|
شكر لك يا فهاد وجزيت خيراً على الدعاء ،،،،،،، تحياتي لك ،،، ابوحمد ،،،
|
كم وصل السوم ولا بعت الشاصارجو الرد
|
كم وصل السوم ولا بعت الشاص ا رجو الرد
|
وصل يا اخوي 86 الف والبيع قريب ولم يباع ، اي سوال انا في الخدمه اذا تريد تشوفه بعد ما عندي مانع
ابوحمد |
] سلام يابوحمد كم وصل سعره وكم ماشي الموتر وين الموتر حالياً
|
الله يوفقك وتبيعه بس شكل الموتر حق بدو ما يجيب شي!!! وجه نظري بس لا تزعل يجيب لك ان شاء الله اكثر
تحياتي لك |
ما فيه احد يزعل من وجهات النظر بس ودي اقولك شي يمكن انت ما تعرفه لو ترجع إلى صولك تلقاه بدوي هذا إذا كان لك اصول يا حبيبي. (ولي ماله اول وماله تالي) يا الحبيب
أرجوا انك ما تزعل مع تمنياتي لك بكمال المعرفة |
لا اله الا الله .. محمد رسول الله
اشكر الاخوه على الرد تحياتي للجميع |
ماردية يابوحمد كم وصل السوم وكم ماشي وين الموتر حالياً رد الله يحيك
|
رديت على الي قبلك اخوي الغالي وصل 86 الف والبيع قريب والموتر في سدير ماشي 98 الف .. اي خدمه ..
تحياتي ابوحمد |
تسلام يالحبيب ولله يرزقك يابوحمد
|
الله يرزق الجميع تحياتي لك اخوي الغالي
ابوحمد |
اقتباس:
الأخ / أبو حمد تحيه طيبه.............. الله يعطيك خيره ويكفيك شره الجيب كم سومه الآن تراي شراي بس بعد المعاينه راسلني على الخاص وعلمني بالموقع وسعر اللبيع وشكرا |
ابشر يا ولد العم با اللي تريد
ابوحمد |
الله يوفقك ببيعته ان شاء الله ويكتبلك مافيه الخير ويسرلك امورك
والله الموتر يستاهل كل خير ولا يهون راعيه اخوك ... ابو شداد |
الله يرزقك بشراي صامل
موفق اخوي ابو حمد |
يا هلا فيك يا اخوي الغالي
والله يعطيك العافيه ابوحمد |
وين الناس ما فيه احد له نظر تري بيع لا يفوتكم
يا اهل الجيوب الشاص زين ....... |
راسلني على الخاص وفقك الله غذا كانت السيارة لازالت موجوده
|
الله يوفقك يا بو حمد على بيعه الشاص ويرزقة بداله ألف شاص
الا على فكرة ليش تبيع الشاص وش الي طرا عليك ؟ ناوي على صغيرة ولا وش ناوي |
اقتباس:
شكر لك يا بعدهم والله يعافيك ويرزقك بدال السفاري شاص ... لا والله ناوي على العافيه يا اخوي !! ههههههه والظاهر اني عرفتك كان السفاري لك . |
حياك الله اخوي ابو حمد
لا انشاء الله ناوي تكسر ظهري بعد على الشاص ابد خلنا على السفاري اريح وبعدين انا راعي السفاري الي تشوف ولد عمك يا شيخ وبعدين من شفت توقيعك وانا عارفك على طول والاسم اكدلي انه انت وشكرا’’’’ |
هلا ومرحبااااا فيك ما شاء الله وش اللي وصلك للموقع
منور المنتدى على العموم خربت الصفحه صفحه بيع وحراج وخلينها صفحه تعرف ههههههههه مع السلامه وشكر يعني لا ترد حلوه .. |
كم المطلوب فيه كم مقاس الجنط ، وين الجيب في جدة او اي منطقة في المملكة في فحص دوري
|
| الساعة الآن 02:19 PM |
Powered by vBulletin .
جميع الحقوق محفوظة © لشبكة ومنتديات البراري 2010