|
تقرير لأمطار يوم الجمعة ( ثادق , تمير , الشعب , ام الرجوم , سدير والكثير... ) الخير 29
* بسم الله الرحمن الرحيم .. السلام عليكم ورحمة الله وبركاتة .. في البداية أحب أبارك للجميع على أمطار الخير والبركه التي حلت على مملكتنا الحبيبة , يوم الخميس ليلة الجمعة قررنا اننا نطلع ونتمشى ونناظر السيول طبعاً مانسينا الكاميرا اللي هي أهم شيء لنقل الأحداث للأحباب في هالمنتدى الشامخ وكان المخطط سدير وتمير وماجاورها .. لكن جوال البراري الله يحفظ القائمين عليه كان يوافينا بالأخبار وحنا نمشي على الأخبار وخذينا ماخذينا بالكاميرا وأتمنى انها تنال ولو بعض رضاكم ,, بسم الله نبدأ .. هذي الصورة لعبارة وادي ابا المياة فجر الجمعة .. "مخرج العبارة" وهذي صورة ثانية لنفس العبارة هذي لنفس العبارة بس "المدخل" وهذي للمخرج مره ثانية .. وبعدها قررنا نمسي ونصبح بدري على شق النور علشان يمدينا نتمشى مزبوط وبعد ما اصبحنا .. قررنا نروح لنفس العباره ونقول لها صباح الخير https://up.7jr7.com//uploads/images/d...73fc42c967.jpg وهذي العبارة "المدخل" بدت تصير نص عوآمه وبعدها شدينا الرحال لتمير .. وهذا شلال من شلالات تمير .. وهذا شلال ثاني بس وسط مزرعه .. وهذا من مصورين شبكة البراري اما هذا .. فـ على قولتهم "العارف لا يـُعرّف" :36_1_12: والحين توجهنا لـ أم الرجوم لكن صار الخط منقطع وشفنا هالشلال بعدها رجعنا متوجهين لثادق عقب ماجتنا إخبارية "جوال البراري" وشفنا هالمناظر ونطقها بصور وحنا عالطريق .. وحنا راجعين مرينا على وادي ابا المياة وصارت مافيه عبارات ماعاد فيه الا "عوامات" هذي الصوره الأولى للعوامه عقبها قررنا نذب شيء ونشوف وش بيصير عليه ..؟ يتبـّـع .. الرجاء عدم الرد حتى الإكتمـال |
وهذا يوم اقبلنا على ثادق الا السيول قاطعه النفود ويازين شعبان النفود مناظرها خيااالي والسيل يجرف معه أي شيء قدامه .. وحنا على مدخل ثادق وانت جاي من طريق القصيم شفنا لكم هالمنظر ونطقه بصوره يوم دخلنا ثادق الا العالم غرقانه !! والعالم يشيلونهم بـ بكتات الشياول ..!!! حمدلله عـ السلامه .. وهذا العامل رايح للمزرعه اظاهر عقبها شفنا منظر خيالي جبل مغطيه "الطها" وهذي صوره له .. دخلنا ثادق ونشوف لكم هالغنم حاشرها السيل حتى الوايت حشره السيل يوم دخلنا على ثادق وشفنا طريق اللي يروح للبير مسكّر !! والعالم متجمعه عليه .. وش السالفه ؟؟ والله ونوقف موترنا وننزل على رجلينا تونا نازلين الا الدفاع المدني واصل ومعه هالشيء .. يوم قطعنا الكوبري واقبلنا الا العالم الثانيه مجتمعين على شيء ثاني ..؟ وشو .. مايندرى واطق صوره للعالم المتجمهرهـ .. عقبها درينا وش اللي صاير .. رجال معه عياله غرهم السيل وهم في سيارتهم .. ورقوا على تندة السياره بإنتظار المنقذين الدفاع المدني والقارب اللي معهم ماتعدوا ولا 50 متر والغريب ان معهم ماطور ولا ركبوه !! شكلهم مايعرفون يركبونه !! بجد شيء غريب !! وعقبها جا هالشيء اللي مايرده السيل وركب معه واحد وانطلقوا للإنقاذ .. ووقفوا يآخذون من القارب أدوات السلامه للرجال وعياله .. وصلوا للرجال وبدوا يلبسونهم أدوات السلامه .. ويركبون في البكت ولله الحمد وهذي صوره لهم وهم يقولون بأنفسهم يالله لك الحمد .. صوره مقربّه للرجال وعياله وعلى محياهم إبتسامة حمدلله عالسلامه ياعم .. :36_3_19[1]: يتبـّع يرجى عدم الرد حتى الإكتمـال .. |
وعبقها انطلقنا من ثادق متوجهين مره أخرى لـ أبا المياه عقب ماجتنا إخباريه إنه "زلّف من فوق الخط" بعدها رجعنا لثادق نشوف وين وصل السيل !! وبعدها ودعنآكم على أمل لقائكم بتقارير ثانيه بهالصوره .. وللأسف قضت بطارية الكاميرا وإنتهى التصوير في النهاية أتمنى إن التقرير نال رضاكم .. وما أطلب منكم الا الدعاء لي ولوالدّي ولجميع المسلمين بالعفو والعافيه .. كان معكم اخوكم : فتى البرّهـ في أمان الله وحفظه .. :ordh: |
عفوا الصور مو طالعه معي
شكراا على المجهود وكنت اتمنى اشوف الصور لكن... للاسف يعطيك العافيـــــــــــــــة |
تم تعديل الصور ..
|
الحين اوكــــ:36_1_11[1]:ــــــي
صور جوناااااااااااااااااان بكل المقاييس :36_15_8[1]: https://www.awlup.com/up4/get-11-2008-czy7e2kx.jpg يعطيك العافية بجد روووووووووعه والحمدلله على الاخ اللي تم انقاذه تحياااااااااااااتي لــــــــــــــــك:ordh: |
بارك الله فيك
تقرير رائع ورحم الله والدك تحياتي اخوك ابو ماجد |
السلام عليكم ورحمة الله وبركاتة
الف شكرلك اخوي فتي البره بيض الله وجهك علي الجهد المميز:bavo:تحياتي لك |
شاكر لك ومقدر اخي البره
ويعلم الله انه من افضل التقارير التي شاهدتها لفترة الامطار هذه تحياتي ,,,دمت بود |
مشكور يافتى البرة على التقرير المتميز تحيتي لك ,, , |
رائع يافتى البره الحمد لله على السلامه
ماشالله اللهم زد وبارك تحياتي:ordh: |
الله يعطيك العافية يا فتى البره على التقرير الرائع
والحمد لله على عطائه |
السلام عليكم ورحمة الله وبركاتة الف شكرلك اخوي فتي البره بيض الله وجهك علي الجهد المميز:bavo:تحياتي لك |
يعطيك العافيه أخوي وما قصرت تقرير متعوب عليه والله يرحم والدينا ووالديك ويحرم وجهوهم عن النار الف شكر لك على هالصور والحمد الله على سلامة الرجال وعياله
|
رائع ثم رائع ثم رائع
جزيت خيراً وزوجت بكراً عمرها تسعة عشر <=--- ان كانه متزوج خله يتورط مع المدام خخخ الله يحسن اليك اخي الكريم روعه والله هالتقرير الجميل |
اول شي هذي بحق تمر ولا تسلم
وترى الموتر موتري يالغااااالي وكنا نتمنى شوفتك تشكر اخووي على هذي الصوور الجميلة وانت كلك خير وبركه مشكوووووور ومبروووك الامطااار والخيرااااات سلام |
سلمت يداك وبارك الله فيك وياليت تحدد تصوير وادي اباالمياه في اي بلد حيث يمر على اكثر من بلد ابتداء من جلاجل والتويم والخطامه بسدير وعشيرة سدير وحتى روضة نوره
|
اللهـ يسلمكـ على الصور الرائعهـ
تسلمو كلكـ ذوق |
مشكور اخوي ماجد على التقرير المميز يعلم الله اني خشيت جو معه وكأني
اول مره اشوفه لاكن عزالله كانت الرحله موفقه لاابعد حد. وعقبال التقارير القادمه ان شاء الله. لك ودي واحترامي. |
اخوي فتى البره بصراحه من اجمل التقارير اللي نزلت بالقسم
تقرير متعوب عليه وتصوير احترافي الله يجعلها امطار خير وبركه يعطيك الف عافيه |
الله يعطيك العافيه
|
بصراحة ..
من أفضل التقارير الي مرت علي لمدينة ثادق .. بالله أخوي تسمح لي أنسخ الصور ..؟ وإذا ماعليك كلافة ..وش نوع كاميرتك ..؟ |
تقرير مميز وتصوير بجد احترافي واروع من الروعه والله يعطيك العافيه ويرحمك ويرحم والديك
من النار... والله يجيب السيول وتمتلي صفيه ونشوف صورها.... ولك ودي واحترامي. |
مشكور ويعطيك ربي العافية على هالتقرير الأكثر من رائع ...
|
ما شاء الله امطار خير وبركة ان شاء الله الله يطرح فيه البركة ويعم بنفعة ارجاء البلاد مشكووووور اخوي الغالي فتى البره على الصووووووووور الراااااااااااائعة دمت بحفظ الله اخوك ابووليد |
مشكور على التقرير الرائع
|
اقتباس:
الله يجزآك بالخير ابوماجد والرائع تواجدكم يالغالي اقتباس:
العفو يالغالي .. ووجهك ابيض اقتباس:
مع التحيـّه .. اقتباس:
العفو يالغـالي |
اقتباس:
ونوع الكاميرا Canon D400 .. والعدسه اللي للأماكن البعيده مايحضرني اسمها الحين لكن ان شاء الله افيدك بهـا .. |
يمكن اجمل ماشفت في حياتي من مناضر الامطار
تسلم يدينك على هالمجهود الكبير يافتى البره |
اقتباس:
ويرحم وآآلديك عن النّار .. كم نحن محظوظون بوجود أمثالك معنا في المنتدى .. |
:bavo:شكراً وتقبل تحياتي
|
الله يعطيك العافية يافتى البره على التقدير الرائعة |
أبداع أبداع أبداع
بارك الله فيك...كفيت ووفيت صور قمة بالروعة شكرا لك |
ما شاء الله تقرير مميز
الله يعطيك العافية والله يطرح فيه البركة تقبل مروري |
اقتباس:
تسلم يالغـالي .. شاكر لك مرورك وتعقيبك .. اقتباس:
لاهنت عالمرور اقتباس:
العفو يالغـالي .. اقتباس:
يعافيك ربي .. والله يجزاك بالخير على هالدعوهـ اقتباس:
اللهم آمين الله يسمع منـّك : ) اقتباس:
اول شيء مرينا من عندك وانت لاهي في هالكنود وخويك يصور ماشاءالله ولا لقانا وجه : ) وداري انه موترك وانا قايل العـارف لايـُعرّف لكن ولا يهمك المره الجايه بحدك لين توقف عشان اسلم عليك لاخلا ولا عدم يالغـالي |
مشاء الله تبارك الله الله يزيد ويبارك ويعم بنفعه الله يعطيك العافيه بينتهي العام والعام القادم ما مليت من مشاهدتها من اجمل التقارير اشكرك |
يازينه من يوم الله يعيده ان شاء الله
|
| الساعة الآن 11:14 PM |
Powered by vBulletin .
جميع الحقوق محفوظة © لشبكة ومنتديات البراري 2010