شبكة البراري - الله ريمن قلب (ن) بدت به طواري

قصيده ارسلها مرشد البذال رحمه الله الى الشاعر الامير عبدالعزيز ( السامر)
---------------------------------------------------------------------------------

الله مــن قـلـبٍ بـــدت بـــه طـــواري ==قـامــت عظـيـمـات الـطــواري تـفــره
ســوت بــي أفـكـار الهـجـوس الـعـزاري ==شـفـت الـكـدر منـهـن كـفـى الله شـــره
يـا دحيـم أنـا جسمـي مـن الـحـال عــاريٍ ==لــو أن صـوتـي زيــن جسـمـي مـغــره
كـل الجسـد مــن كـثـر ضــرب الأبــاري==ومــن الحـبـوب أحـتـاج بالـيـوم صـــره
ومـن النـوى جسمـي علـى السـهـر ضــاري==جـربـت نــوم الـلـيـل حـلــوه ومـــره
صــار التـعـب عـنـدي خــويٍ مـبــاري==وفـتـور عـظـمٍ راحـتــه مـــا تـســره
كــن العـضـا تفـصـل بـحــد الـشـبـاري==لـونـي عـلـى الديـبـاج جـنـبـي مـقــره
كنـي عـلـى وجـنـاً مــن الهـجـن ســاري==مـذهـب وأدور لــي مــع الـقـاع جـــره
مــا همـنـي مــا كــان للـحـال جــاري==قـنـعـت بالمـكـتـوب نـفـعـه وضــــره
مــا همـنـي يــا كــود ضــد الـمـثـاري==شـيـخ طـلــب والـحــق مـنــا نـمــره
عيـنـي عـلـى شـوفـه تـهــل الـعـبـاري==عبدالـعـزيـز الـلــي بـعـرفـه مــســره
ولــد سـعـود الـلــي بفـعـلـه نـمــاري==شـيـخ كبـيـر ومــن أهـــل الـجــود دره
ودي بـشـوفــه فـالـمــدن والــبـــراري==نـأخـذ مــع الأشــراف بالـعـمـر مـــره
لا شــك قـالـت لــي لـيـالـي عـثــاري==آخــذ مـثـل غـيـرك مـــن الـعـجـز وره
ياخـوي هـرج الـصـدق مــا بــه مــزاري==وإلا كـــلام الـكــذب عـنـكـم نــطــره
يـاخـوي أنــا بالـحـال كـنــت مـتــواري==والعـلـم مـنــي خـابــرك مـــا تـغــره
لـــو تـنـشـرى جيـاتـكـم بـالـمـصـاري==بـعـت العـقـار الـلــي غـذانــي بـــدره
يــا خــوك قــل الشـيـخ يقـبـل عــذاري==ليـن العـضـا تصـبـح مــن العـجـز حــره
هــذا وسـلـم عـــد نـبــت الـصـحـاري==عـلـى الأمـيـر ولــك مــع الـشـيـخ ذره
------------------------------------
وهذا رد الامير - السامر
بيـنـي وبـيـن الــرأي بـايــع وشـــاري==ومـا ضعـت أنـا مــن بـيـن فــره وكــره
سجـل يــا بــن بـذالـ مـرشـد قــراري==شــهــادةٍ لله مــــا هــــي مــبــره
قصـايـدي مــا هــي قـصـايـد عـــواري==قرّيتـهـا مــن جـوهــر الـشـعـرقـــره
وكـتـبـت لـــك مـردودهــا باخـتـيـاري==بـيـومٍ فضـيـلٍ عـقــب شـعـبـان غـــره
فــــي رأس مــرقــابٍ رفــيــع وذاري==مــا همـنـي بــه بــرد نـجــدٍ وحـــره
واضحـيـت بــه وأكـهـف بـرأسـه نـهـاري==وقبـلـك إركـابـي بالضـحـى مــا تـمــره
يـاريـف هـجـنٍ تشتـكـي مــ ا لـسـمـاري==ضـرايـب عمـانـي عـلـى بـطــن حـــره
عـــن حـالـكـم والله مـانــي بــــداري==وإلا عــلــى الــحــق أورك بــحـــره
ونـبــي الـوعــد لا ربـعــن الــديــاري==وتلـيـت سـبــق الـحــر تـــلٍ بـجــره
فــي جــو مـربــاعٍ لـرتــع الـحـبـاري==دم الـخــروب الـلــي تـكـوبـر هـــدره
تنـقـل طـيــور مـــا نقـلـنـا ســـواري==نـوسـع الخـاطـر عـلـى قـنــص بـــره
مــا فالطـيـور الـلــي نقـلـنـا تـجــاري==طـــرح الـشـبـك يــزرهــا مــاتــزره
وخــلاف ذا يـومــك تـشــوف الـنـكـاري==مــن وجــد شــوقٍ لاجــيٍ فــي مــذره
بعـيـونـك الثنـتـيـن شـفــت الــمــواري==حــقٍ عـلـى جـــور اللـيـالـي تـشــره
وكــلٍ يـقـول الـقـا عـمــاري دمـــاري==وغـوج الـهـوى كــلٍ شـكـا مــن مـكـره
وإن كـان جرحـك يــا بــن بــذال بــاري==اجــمــع دواك وجــــوده لا تــثـــره
درس الـهـوى مــا بـيـن كـاتـب وقـــاري==وسـطـرٍ مـحـي تكـتـب حـروفـه بـســره
كـتـبـت لـــك مــردودهــا بـاقـتــداري==والــوقــت عــنــدي لـــــه ذرور ٍ أذره
فـي عـيـن لــدت لــك بعـسـر وعـسـاري==وإن الله أحـيـانــي لـقـيــت الـمـســره
مـنـي ســـلام عـــد نـبــت الـقـفـاري==وعــداد مــا تـظـهـر نـجــوم الـمـجـره
-----------
تحياتي