|
الردي لو درًِس المرجله في كل يوم
بسم الله الرحمن الرحيم
هذه قصيده للشاعر : سلطان الهاجري امنى ان تحوز على استحسانكم واهنـي الصخـره اللـي مايحرقهـا سـمـوم الزمـان اللـي يهـد الـعـزم مــا هـدهـا الزمـان الـلـي تـحـدا قويـيـن الـعـزوم ليـن مشـاهـا عـلـى ود مـاهـو ودهــا والمجامل بعـض الأحيـان مـا يقضـي لـزوم لابـو النفـس الضعيـفـه ولابــو جـدهـا ميـر تجبرنـا العوايـد وتجبـرنـا السـلـوم نكتـم الأســرار يالـيـن تـاصـل حـدهـا الـردي لا طـاح جعلـه يطـيـح ولا يـقـوم بـاح سـده والنشامـا مــا بــاحت سـدهـا كل ماكبـرت وضاقـت علـى عيـال الرخـوم نحتـزم لأكـبـر مصيـبـه ونـاطـا خـدهـا جعل قسمي عنـد ربـي مـن خيـار القسـوم واحــد يعـطـي العـطـايـا ولا يـرتـدهـا ياعيـال آدم وحــوا تـراهـا مــا تــدوم دورة الأيــــام لابــدهــا لابــدهــا ياوليـد الـبـط وشـلـون ماتـقـدر تـعـوم وانـت ابـوك يعـوم جـزر البحـور ومدهـا وانـت ياحلـم حلمتـه مهـو مثـل الحـلـوم ياضحيـة مـزح الأحــلام مــدري جـدهـا ادري ان فالنـاس معطـى وفالنـاس محـروم ايــه يابـيـض الـنـوايـا ويامـسـودهـا وياضميـري لا يهمـك مـن الدنيـا هـمـوم الصعيـبـه حلـهـا والبسـيـطـه عـدهــا جات في سد الشـوارب وفـي سـد الخشـوم كبـر الضيفـه وعـش الضـيـوف وغـدهـا والمـراجـل ماتـوفـى بضافـيـة الـهـدوم كـود بسيـوف يـشـوق النـواظـر حـدهـا والـردي لـو درس المرجلـه فـي كـل يـوم المراجـل عـنـد اهلـهـا يـذعـذع نـدهـا يعتبـر قسمـه مثـل قسـم زاهيـة الـرقـوم يـوم تكحـل رمشـهـا والـقـرون تكـدهـا ماكسبـت الا رضـا اهـل النمايـم والعـلـوم يارسـول الحكـي هــات العـلـوم وودهــا الصفـوف اثنيـن هـذا دفــاع وذا هـجـوم وانت اظنـك لانـت معهـا ولا انـت بضدهـا شرهـة الطيـب تـعـداك للـغـوج الـعـزوم وانـت صلفـات المشاريـه ماانـت بقـدهـا وانـت فـي سـود الأظلـه تريـح ومخـدوم وان ذبحـك الجـوع كـد التكـاسـي كـدهـا وسلامتكم |
آلله آلله قصيده رآئعه جداً جداً آستعمت وآنآ آقرآهآ صح لسآن شآعرهآ وسلمت برق العارض على آلآختيآر وآلنقل آلموفقْ لكْ خآلص شكري وودي - |
صح ذوووووقك ملياااار أخوي برق العارض
وصح الله لسان الهاجري المبدع إختيار جميل جدا لاهنت يالغاااالي |
والـردي لـو درس المرجلـه فـي كـل يـوم المراجـل عـنـد اهلـهـا يـذعـذع نـدهـا انتقاء جميل سلمت يداك ع النقل الرائع |
مشكور على الاختيار الجميل |
اقتباس:
نرجي من المولى سحابٍ ينشّيه سيله حقوقٍ ترتوي منه الاوطان |
اقتباس:
نرجي من المولى سحابٍ ينشّيه سيله حقوقٍ ترتوي منه الاوطان |
اقتباس:
نرجي من المولى سحابٍ ينشّيه سيله حقوقٍ ترتوي منه الاوطان |
اقتباس:
نرجي من المولى سحابٍ ينشّيه سيله حقوقٍ ترتوي منه الاوطان |
للا سف تاخرت اثناء تصفحي رايت هذه الابيت راقت لي
سلمت لافض فوك تقبل مروري المخلص |
| الساعة الآن 08:52 PM |
Powered by vBulletin .
جميع الحقوق محفوظة © لشبكة ومنتديات البراري 2010