|
برد صيفك مع ذيب طمية ويومين من أيام الوسم ذكريات وصور
بسم الله الرحمن الرحيم إدارة ومشرفي وأعضاء وزوار شبكة ومنتديات البراري السلام عليكم ورحمة الله وبركاته مع حرارة الصيف ولهيب الشمس تضيق صدور عشاق البر وتضيق صدور الصقارين وتضيق صدور مطاردين الخير وعشاق الأمطار يقول الشاعر تلالت نجوم السما واحتمى الصيـف وعنيق زملوق الخـلا مـا يشافـي والطير حذف وانصرم باذر الريـف وجت حزة الربطه لما سهيل يافـي ( يوسف الخليفة ) الصيف ثقيل على آهل البر وأهل الولع بوجه عام ومالنا فيه إلا الصبر وإعادة الذكريات وهذا اللي صار لي قمت أفتش بالأرشيف والجوال ولقيت لي ذكريات وأيام راحت آآآآآآآه يازينها من أيام شفت الصور وليتني ماشفتها ضاق الصدر زود ماهو ضايق واشتقت أزود وأزود وأزود للوسم وللشتاء ووووووووووو فقلت الله يعينني على هالفتره وخلني أوسع صدور خوياي بالبراري بهالصور الي جت عشوائية بدون ترتيب مسبق إليكم الصور بدون ترتيب اباخذ الصوره واعلق عليها الصور كثيرة فوق 60 صوره والله يعينكم علي وارجوا منكم عدم الرد حتى اكتمال الموضوع تعليقي على الصور بيكون كل صوره تعليقها فوقها نبدأ على بركة الله 1 اول ماطلعنا من المدينه المنوره في يوم الاثنين من اسبوع الخير وقفت على جنب وخليت خويي يسوق عني عشان اتفضى للتصوير وكان هذا بداية اجمل الايام 2 ويوم مشينا شوي والا بدت بشاير الخير وهذا اولها 3 ومن عند ملف العنمه اللي قبل الصويدره 4 قبل لانلف مع الملف 5 قبل لانعتدل مع الملف 6 يوم اعتدلنا وكان منظر يصعب وصفه والله قمنا نغني انا وخويي ونبشر بعضنا بالربيع وبالوسم الطيب 7 ويوم طبينا الصويدره لقينا الوادي يمشي وممشاه زين وللمعلوميه والله اني مدري متى اخر مره سال هالوادي المهم استقبلنا وادي الصويدره ويازين استقباله لنا 8 9 من فرحتي به كثرت تصويره 10 11 قبل وداعه _________________ اخواني مازال للموضوع بقيه الرجاء عدم الرد تابع معي الله يحفظك |
وعليكم السلام ورحمة الله وبركاته يعطيك العافية أخوي ذيب على الموضوع الجميل و الله يرزقك الجنة الباردة .. قل آمين .. تحياتي لك |
نكمل معكم 12 المهم تعدينا الصويدره ووصلنا الشقره وكان استقبالها لنا مثل استقبال الصويدره 13 14 15 ورحنا محطة الشقره نبي ناخذ لنا اغراض مع هالاجواء الواحد يجوع 16 17 وقلنا بعدها نبي نوقف ونستانس بهالاجواء ونظبط الدله وناكل حيث ان بطوننا خلي فكان الموعد ضبع ولكن قبل ضبع بمكان يسمى دعيب الحبارى واجهتنا هالشجره وكأني بها تحمد الله وتشكره 18 19 ويوم وصلنا ضبع كان هذا المنظر بإسقبالنا والله سكتنا دقايق طويله ويوم التفت لخويي لقيته ساجد شاكر حامد للكريم 20 21 المهم جلسنا وافطرنا وتقهوينا وجزمت اني اعدي الضلع وتوكلت على الله فكانت هذه اللقطات 22 تابع معي يالغالي فلا زال للموضوع بقيه ارجوا عدم الرد |
نكمل معكم 23 المهم بعد ماراح النفيض اللي مغطي السماء بدت السحب القويه فالتكون معلنة امطار جديده 24 وتزداد 25 26 27 من جهه اخرى 28 واخرى 29 30 كنت جالس جنب هالرميثات واقول لها ابشري بالخير ابشري برحمت ربك 31 تابع معي يالغالي مازال للموضوع بقيه ارجوا عدم الرد |
نكمل معكم 32 بعد هالمزون اللي بدت تصتك جانا الخير مره اخرى 33 الارض منقعه من اول والخير باقي له يالله تعيدها من ايام 34 الديره رواينه يالله لك الحمد والخير باقي له 35 وللمعلوميه مرت علي ليله هناك ماحسد عليها حاصرتني السيول العصر وماطلعني الا راع سفاري الله يجزاه خير وماقدرت اصور لان الجوال خرب والدفاع المدني يوم كلمته بجوالي الثاني قال حنا مشغوليين دبر نفسك الناس مع عوايلها غرقانه بالوديان وحنا مانقدر نجيك المهم انتهاء اليوم الاول ورجعت البيت تابع معي اليوم الثاني في الرد التالي اتمنى عدم الرد |
نكمل معكم 36 في اليوم الثاني اللي هو يوم الثلاثاء اخذت شيابي معي ورحت نفس المحل اللي جيته يوم الاثنين لكن قبل لانجي الشقره شفنا مناقع وغدران على جنب ووقفت عندها تغسلنا وتقهوينا عنده وكان الجو مثل اليوم اللي قبلها https://www.albrari.com/vb/uploaded/2...1246704700.jpg 37 https://www.albrari.com/vb/uploaded/2...1246704700.jpg 38 https://www.albrari.com/vb/uploaded/2...1246704700.jpg 39 https://www.albrari.com/vb/uploaded/2...1246704700.jpg 40 https://www.albrari.com/vb/uploaded/2...1246704700.jpg 41 ماقدرت اصور شي ذاك اليوم لان الشياب معي ومشيتهم وسيرنا على ربع لنا وهذي صورت مدارسنا وقدوتنا ويازين غناهم و سواليفهم https://www.albrari.com/vb/uploaded/2...1246704924.jpg 42 بعد الامطار والخيرات اللي جتنا والحمدلله جانا الربيع وجتنا علومه وفلان ربع محله ماشد هالسنه وفلان جاور فلا وفلان راح يشتري بعارين رحنا نتمشى ونلقط الحميض فكانت هذه الصور يوم انا نلقط https://www.albrari.com/vb/uploaded/2...1246705106.jpg 43 الحصيله بنص ساعه https://www.albrari.com/vb/uploaded/2...1246705106.jpg 44 المهم بعد هالخيرات زان التمشي وهذي صور من المربد شرق المدينه المنوره حوالي 140 كيلو او اكثر البرنو وعصاي خويتي في الرحلات دايم https://www.albrari.com/vb/uploaded/2...1246705380.jpg 45 وهذي من المربد والكريزيه ربيع على مد المظر يالله انك تعيده https://www.albrari.com/vb/uploaded/2...1246705380.jpg 46 https://www.albrari.com/vb/uploaded/2...1246705380.jpg 47 https://www.albrari.com/vb/uploaded/2...1246705380.jpg 48 https://www.albrari.com/vb/uploaded/2...1246705380.jpg 49 وهذي ساحوق من فوق https://www.albrari.com/vb/uploaded/2...1246705380.jpg تابع معي الله يحفظك الرد الاخير |
نكمل معكم 50 المربد وماادراك مالمربد ربع ربيع هالسنه خييييييييييييال يهق حجم عائلي يالله لك الحمد https://www.albrari.com/vb/uploaded/2...1246705656.jpg 51 https://www.albrari.com/vb/uploaded/2...1246705656.jpg وهذي بعض الصور نسيت اضيفها في البدايه وهي لمصب الخنق فالعاقول بعد مرور اسبوعين 52 https://www.albrari.com/vb/uploaded/2...1246705885.jpg 53 https://www.albrari.com/vb/uploaded/2...1246705885.jpg 54 https://www.albrari.com/vb/uploaded/2...1246705885.jpg 55 https://www.albrari.com/vb/uploaded/2...1246705885.jpg 56 https://www.albrari.com/vb/uploaded/2...1246705885.jpg _________________________________________________ الى هنا وتقبلوا تحيات اخوكم ومحبكم https://www.albrari.com/vb/uploaded/2...1246705885.jpg واعذروني على القصور والسلام عليكم ورحمة الله وبركاته متى سموم القيض عنا تقفي ***** وسهيل قبل يعمد الفجر كد شيف والنار يصلح شبها للتدفي ****** والبرد نوجس من نسيمه هفاهيف |
وعليكم السلام ورحمة الله وبركاته
رجعت الذكريات ياذيب طميه يازينها من ايام برد ونفيض وربيع ايام الله يعيدها علينا وربيع الكريزية كان من افضل المناطق المربعة على مستوى المملكة وماتجلس في مجلس الا يذكر ربيع ذيك الديار الله يعيدها علينا ايام وايام موضوع رائع ويستحق https://www.albrari.com/vb/1/images/rating/rating_5.gif وكذلك التميز |
الف الف الف شكر لك اخوي ذيب طمية سلمت والله يا الذيب على هالتقرير المميز والله يعيد علينا ايام الوسم بخير وصحة ويفكنا من القيض اللهايب |
وعليكم السلام ورحمه الله وبركاته
يعطيك العافية يا الغالي .. قصه وقصيده .. وخيال وحياة سعيدة ماشاء الله تبارك الرحمن بس ترا الصيف زين لاهل القلوب الرهيفه مثلي يعني هههههههه الصيف صيفي لو ماجا على الكيف .. والشتاء علومه عند محبينه يعطيك العافية اخوي ذيب .. تشكراتي سيدي على هالتحف الجميلة اخوك الصغير ابو بدر منظر السحابة فوق الجبل اعجبني كتير .. فبارك الله فيك والله يحفظك ويخليك لعين ترجيك |
| الساعة الآن 04:49 PM |
Powered by vBulletin .
جميع الحقوق محفوظة © لشبكة ومنتديات البراري 2010