|
ياليل ياليل ياليل الهجوس الطويل
فيك المشاعر غريبه صعب تحليلها من دون قمراك ونجومك ترى مستحيل الناس في ليلتك تلقى تعاليلها شطر |
سلم الفتى يرفاه عن كل منقود
لاصار يمشي مامشت به جدوده والتايه اللي خوته مابها فود يلقى من اشباهه مقرد تقوده شطر |
اسعد الله صباحك ياورود الربيع
ياجمال الطبيعه فوق روس الجبال الهواء ساق عطرك بين سفح(ن) وريع كل ما انشق عبيره ضيم الايام زال شطر |
يا ابن ادم خذ نصيحه والليالي مقفيات
دام روحك في جسدك وتنعم بلذاتها اذخر الحسنات لا تطغى عليك السيئات ولا يهمك هرج ناس(ن) تقتلب نياتها شطر |
يا إله الكون يامرسي الجبال النايفات
يابديع الخلق ياجامع بيوم شتاتها اسألك يارب عطني داخل القبر الثبات وعن عذابه لي رياض(ن) عاليه جناتها شطر |
الصباح اللي يعانق بسمتك واهدابك
اشهد انه وصفة(ن) للضيق والنفسيه جيت ياسمح المحيا والله اللي جابك مع هبوب(ن) ذعذعت من يمة الشرقيه شطر |
بين توتك مع ورودك تستظل أعنابك
كن قطرات الندى واشكالها سحريه ما يذيب عروق قلبي غير كثر غيابك والبلا مع كل غيبه ..إنتظار الجيه شطر |
للقصايد ذوق يتبع رغبة الذويقه
تنهمر من فكر شاعرها وباله رايق والكلام اللي حروفه كنها المزويقه نكبة(ن) للشعر لاينفع ولاهو لايق شطر |
راكب اللي بالصحاري ماش شي يعيقه
جيب لاند كروز شاص مسلمينه سايق سايق(ن) ماعوده للنصب والتلبيقه عوده في روس ضلعان الحجاز يوايق شطر |
لا شعم ناره وحول دلته وابريقه
في حراوي صيد للمقناص قلبه تايق يطلب الله من رضاه ويطلبه توفيقه هي شفوفه دام ماهو بين ربعه بايق شطر |
ليلي بعد غيبتك ضيق وتناهيد
أقزر أشواقي بنظم القصيده واقول يالمجمول ياسيد الغيد انت الأمل وانت الحياه السعيده شطر |
بسمتك في يوم(ن) تجلى صباحه
تسعد قلوب(ن) ودها في مشاهدك ياصاحبي والكون تعصف رياحه انا على ماضي هوانا معاهدك شطر |
عقب التعب يازين فنجال دله
في تلعة(ن) متلويه في جبلها سيال مع سمر وسلم فيه بله طبيعة(ن) تبهرك بأجمل حللها شطر |
مع خوة اللي بالسفر ماتمله
يغنيك عن بعض السوالف واهلها تفداه روحي وكل هالكون كله أبوي ياذخر المراجل وأملها شطر |
امس العصر وايقت مع راس مشراف
هيض علي الذكريات الخوافي واخذت اجر الصوت وابني على آف يالين صارت شمسنا ماتشافي شطر |
الله من قلب(ن) لجا فيه رجاف
لج الضلوع الحانيات الصخافي عليك ياهداف يارام الاهداف يابو جديل فوق الارداف ضافي شطر |
الروح لك ميلاف والقلب ميلاف
وغيرك من الخفرات ينزح خلافي صوبتني وانا على حيد مهياف والحمد لله جات طيب وعوافي شطر |
طيفك اللي كل مالديت وانه جنبي
اشهد انه ولع اشواقي وهي قد طفت صاحبي .. لامن ذكرتك قلت وش هو ذنبي اكتب بيوت القصايد.. والمشاعر جفت،،!! شطر |
الحياه دروس والدنيا تجارب واجد
واللبيب يشوف مايحصل وياخذ عبره في دروب الخير خلك دايم(ن) متواجد الحساني تنفع الانسان داخل قبره شطر |
يامسا الخيرات يانبض القصيد الفاخر
ياهلا بالشعر كله يوم جاء في حله يابحر باللول والمرجان قاعه زاخر المعاني مثل زل الكيف يوم تزله شطر |
بين ترتيب الحروف وحسها المتناغم
المشاعر كنها في ليلة(ن) شتويه هاجسي ياهاجسي لرضاه جيتك راغم جفت عروق الغلا وعدودها المطويه شطر |
تهل السحايب غيثها والرعد رجاس
وعمت جميع ارجا الرياض ونواحيها الا ماحلا صوت المطر.. يطرب الاحساس يخلي قلوب الناس تحلى لياليها شطر |
أشرقت شمس الصباح وشعشعت بالديره
والسماء لحن الحياه يلج به طايرها إنسياب الماء وكنه ماشي(ن) في حيره مع مخاضير الشغايا أعجبت زايرها شطر |
لو تفارقنا جسد ..أشواقنا تجمعنا
كل بيت(ن ) فيه شطر وفيه شطر(ن) ثاني لو يضيق الكون كله.. بيتنا يآسعنا ان تباطيت الغياب بمجلسه تلقاني شطر |
انكتب لي عشقك اللي تهت في طياته
لين صرت اشوف زولك واقف(ن)قدامي واستثرت الهاجس الخامد وجاب ابياته بين صفحات الغياب وحبرهآ وآلآمي شطر |
اسعد الله صبح قلبك مع صباح احبابك
يامصبحني بصوتك جعل ما اعدم صوتك والله اني يوم افارق بسمتك واهدابك مايصبرني سوى ترديد نظم بيوتك شطر |
انا يوم أحمس البن وآصوغ لي فنجال
وآجر اللحن واقول يالالي يالاله أنزه جنابي وارتفع عن غثا الانذال واخلي ردي القول مربوط بحباله شطر |
تـــــعال واطف اللهيب بذايب اعذابك
وابطل سهوم من عيونك رمت عيني |
ل اجل عايد جيت ل ابياتٍ يتيمه
هو اخو غالي ويعجبني كلامه ، والمحاول زين والذله هزيمه ماعلى عايد ملام ولا علي انا ملامه |
اقتباس:
صح لسانك أنت وعايد حتى ترضوون .. ننتظر مزيد من الإبداع لكم .. |
وش جابك لحوض البراكين يسهيل
اخاف ما تلقى عن الريح ملفى قولك صحيح بس يحتــــــاج تعديل لاتخلط السكر بشهد مصـــفى |
نصيحه كان تفهما ارحل ترى وضعك خطير اشوي
..........وصدر لانشوفك بين اهل رابغ وعسفاني |
ان غبت عني خيــــــــالك سد بغيابك ***** كل الفراغ اللـــــي بغيبتك مــــــاليني
ما غيري احد شقــــــى فيك وتعنابك ***** وما غيرك الا انت يسعدني ويشقيني |
اكبر وجمل قصائدي وهي طويله
ولاكن لاجل عين تكرم مدينه .... |
ولد عمي
ودنا لكن نخاف جرفـــــــة السيل والحمول الثقيله شالها اليوم فيله محدثكم خلها بيني وبينك يا عميلي هاالصعيبه فوق طعس بالجنوب حدها وانا حداها رديه طوال ليلة امس عن طريق الواتس .. اذا وافقت راعية الشعر وراعية هذه المدونه ... نشرتها كامله .. قد تستغربون فضاوتي فلدي اسبوع كامل بعد رعد الشمال يعني مريح بالبيت لا مستشفى ولا دوام يعيني بالنسبه لي عيد |
يعل دارن مايجي فيه محبوب ينهد ساسه لا رحم الله مداها ابعد وبدل لبسه الثوب بالثوب العمر واحـد مايعـود وراهـا سحاب شقراء |
لدي الشعر وقفه .. ولكم يالكبيرين وأعمامي وـأسياد الشعر
ابو سيرين وسحاب شقرا ورذاذ الشعر لكم تحدي وإثاره وهو ليس لي وايضاً هو لكم وقفه انتم اساتذتي شئتم أم ابيتم وأنا تلميذكم ولا تقولوا هذا أعتذار لم أخطيئ لا أريد الرديه ليس كرهن للرديات معكم او غيركم بالنسبه لي اساتذتي (هو ليس اعتذار لم أخطيئ) ولا كنه ليس اسلوبي اللذي ارغبه |
ارغب بالشعر بتنوعه وبقوته وبأيقاني به فهو مزاج وثقه ومعرفه زادت الثقه فقلبي لها معلق
ارجو ان تحسبوا حساب هذي .. ولكم محبتي ,,,,, ملاحظه هذه لست تحدي لكم لست خوف منك م فقد اتهمتوني بالكفر والعلمانيه وعدم الوفاء لكم مني اجمل التقدير فقد استفدت كثيرا منكم الشعر بالنسبه لكم تحدي وهذا لم يعجبني وخاصة بالرديات .... بل هو مزاج وثقه ومعرفه |
عسى خير يا عـايد وش اللي تقوله وش اللي يجـول بعقلك وشفت زوله ترى العلم مانت بفاهمه ولنت حوله عسى الله يـحـفـظ الــبراري واهلها ،،،،، |
اقتباس:
انت الحبيب الي نحبه ونغليه ونرفع مقامه عن شريد القصايد قدرك على الهامه رفيعن ونعليه ولوينشدوني قلت بالحيل عايد يالله عسا وقته به الطيب يجنيه وتجعل دروب الشر عنه بعايد سحاب شقراء |
| الساعة الآن 08:14 AM |
Powered by vBulletin .
جميع الحقوق محفوظة © لشبكة ومنتديات البراري 2010