|
مرحباً اخوي مزن سدير وأبشر باللي تبي
والله بالنسبة لقلة مواضيعي لانشغالي عن المنتدى فتره والسبب الثاني ركود المنتدى في قسم الشعر والسبب الثالث أنا شاعر محاوره قليل فالنظم . بالنسبة لمعرفي خارج المنتدى ابونايف وسلامتك |
مرحباً ابو سلطان وأبشر باللي تبي
سبب التسميه منطقتي تسمى العرض حول القويعيه بالنسبة لعديت بالمرقاب مناسبتها جئت مره لواحد وشفته كانه مل مايبيني ورحت لرجم وشبيت الضو وضبطت الدله وتهيضت وغنيت بالنسبة لبدايتي الشعريه في المرحله المتوسطة ولا سبق ان نشرت قصائدي فالصحف وسلامتك |
الله يبقيك يابو سيرين ويجزاك خير
اسمي حمد القحطاني واسكن في هجره حول القويعيه وعمري ٣١ سنه ونشاتي عاديه واغلب أقاربي شعراء وتركزت قصائدي في الغزل وفيه قصائد كثيره ما نشرتها لانها هجاء . وأنصح الشاعر المبتدئ سماع وقراءه قصائد الشعراء الكبار وتقبل نقدهم وسلامتك |
جميلةٌ هي هذه الإستضافات
والتي أخرجت من صدور المتواجدين هُنا أسئلة رآئعه وعفويه .. لتكشف لنا عن أسماء وصفات شعراءنا الذين يقطنون بين جوانبنا سنيناً لم نتعرفهم عليهم بها .. ~ مرحباً بك أستاذنا حمد القحطاني ( راع العرض ) بيننا من جديد ... ضيفاً كريماً عزيزاً ،؛،؛، * بالتأكيد نزف حبرُ قلمك فالبدايه محاولات شعرية فيا ترى ما هي اول محاولة لك ؟! * ما هي الطقوس التي تثير قريحتك فـ ترى لامفراً من خط سطور شعرية عند حدوثها .. ؟! * هــنــآك على أوراق دفاترك قصائد خطها قلمك فكانت الاقرب اليك فما هي ؟! ~ وتقبّــــل خالــــص إحترامي سيدي الكريم ،؛،؛، رذاذ |
موضوع جميل ورائع
تحياتي الخالصه لمن اعده وللضيوف الكرام جميعا |
مرحباً بك مشرفتنا رذاذ وتشرفت بكم
بالنسبة لاول محاوله شعريه والله ما اذكرها الطقوس اللتي تثير قريحتي مثل اي شاعر ولكن عندما أزعل من شي هذا يثير القريحة جداً والقصيدة القريبة مني يا جيبي اللي لو تكلم معي قال بالله سكر ياحمد تيلفونك روح ياراع الجيب لايضيق بك بال لاترتبط مع عالم مايبونك اللي يبيك يجيك لو حال به حال وأحسن لك اللي شكلهم مايجونك تبغى تسوي الطيب فأفعله لرجال اللي بفعل المرجله يسبقونك وانته تسوي الطيب في هاك الأشكال مهما تسوي ياحمد يجحدونك اللي سوالفهم على القيل والقال اللي ليا من غبت مايتركونك واللي لسانه حلو والقلب شيال لازم مع الايام يخلف ظنونك وأهل المصالح لا بغت شي تحتال اللي من اجل المصلحة يرفعونك ابعد عن اللي قربهم شك واخلال واقرب من اللي ياحمد يعجبونك الطيب اللي ساسه الطيب مامال والا الردي فالوقت لازم يخونك لا يهمك ولا تشيل له رقم جوال حتى ولو هو من عرب يقربونك وسلامتكم |
صح لسانك شاعرنا ... قصيده جميله جداً ...
سعداء بتواجدك بيننا وبإستضافتك .. ... فحيّاك الله من جديد .. :ordh: |
صح بدنك مشرفتنا رذاذ والله يبقيك ولا يهينك
|
صباح الخير اخوي راعي العرض ..
سؤال بسيط وسريع .. هل لك مشاركات في منتديات اخرى او هل كان لك ؟؟ |
مرحباً وقاد اي نعم كان لي مشاركات في منتديات اخرى
|
| الساعة الآن 11:10 PM |
Powered by vBulletin .
جميع الحقوق محفوظة © لشبكة ومنتديات البراري 2010