|
لا صار ماوحيك ولا انته بتوحيني
ذي حالتن يا عسى ربي يبدلها افتح على المنتدى وأقرى العناويني وأقول هالناس مدري وين احصلها |
آمر تدلل عليه يا نظر عيني
هانت وزانت عسى ربك يجملها انا اعرف انك أصيل ولا انت ناسيني كل الحبايب عزاز ولا نزعــلهــا |
السموم اللي لهب عشب البراري يبرم السملول في قلب العجاجـه اترك البران مالك والصحاري لو يطبـه رايقٍ كــدر مزاجـه |
اه يا رجال من كثر الطواري
جعل كل همن يجئ معه انفراجه انت فالساحل وانا في نجد داري غير جرح القلب مانلقى علاجه |
جيت المكان اللي نزلناه قبل أمس ابي العرب من خوف لايقال ناسي وطال انتظاري فيه مسمع ولاهمس ومن الهدو غلب علي النعاسي |
الصيف دندن واحتمى صالي الشمس والـوقت هذا يحجزون الكراســي اللي مشى عن ديرته وابعد الرمس ينسى الهموم وذكريات الماســي |
بعض البشر يزعل ولو تلمسه لمس يفــور دمه مثل فور البـباســــــــــي وبعض البشر ما يزعله رمية الدمس كريم طبع وبالمهمــات راســـــــي |
عندي بشاره ودي أهمس بها همس
وﻻ ودي يفطن لها كل قاسي أسمه طلوع وآخر معرفه شمس ياغانم احجز له جديد الكراسي |
أهلا طلوع القمر والشمس
شكرا وقــدرك على راسي |
ياللي نويت السفر سواح
وحجزت عبر السعوديه شدّك على الطايرة مشواح تبعد حراويك والنيه |
| الساعة الآن 04:59 AM |
Powered by vBulletin .
جميع الحقوق محفوظة © لشبكة ومنتديات البراري 2010