|
ماشاء الله مبروك عليكم المطر ياشباب
الزلفي بعد المغرب سحب ركامية كلها بروق ورعود شمال الزلفي والهواء شرقي متوسط السرعة وبرجاء خير هذه اللليلة اللهم اغثنا اللهم اغثنا اللهم اغثنا |
اخر العصر وحوالي الساعة السادسة والنصف التقطت هاتين الصورتين الاولى لشمال غرب المدينه حيث شاهدت هذه السحابه
https://ata1347.jeeran.com/بري2.JPG والصورة الاخري لجنوب شرق المدينه حيث رأيت هذه السحابه https://ata1347.jeeran.com/بري1.JPG |
مشكور يادحمي
تقريباً كانت كل الجهات مسكره سحاب إلا الجنوب غرب كان فيه قطع والسحاب يواصل مسيره تجاه نجد أي شرق واليوم أو غداً الفجر سوف يكون في نجد والله أعلم |
تعيش وتسلم اخوي القصيم-الرس صدقت بارك الله فيك
|
غبار يغطي الجو مع مشاهدة البرق وسماع الرعد جهة الغرب لكن البروق ليست كثيرة
الساعة 8:00 |
سبحان الله العظيم سحاب الصيف
ما هنا ازين منه وتلقاها ركامية وبرقها ما يفصل لكن ياتلقا مطرها طش خفيف او سيل عظيم وهذا بقدرة رب العالمين اللهم اغثنا اللهم اغثنا اللهم اغثنا |
السلام عليكم
الان انا في المجمعه والبروق من شمال وقبله بروق ما تفصل اتوقع قريب من الزلفي تكفون ياهل الزلفي وينكم عطونا الخبر مشكووووووووووووووور سلام |
وعليكم السلام ياهادي
البرق الي تشوف بينا وبينكم يمكن فوق مليح من ناحية القبله ما شوف شي والله كريم |
السلام عليكم
والله أشوف بالأقمار السحاب زين على الحفر أو حولها تكفون اللي يعرف أحد بالحفر يكلمه ويأخذ منه الأخبار تكفون |
لمن يســأل عن وادي الرمه
السلام عليكم....الاخ بدر والاعضاء الباقين.أذا تسألون عن وادي الرمه.حسب المعلومات اللي وصلتني جاء مطر يوم الاحد على عطــا وعطيء وسال الوادي من أثر هذا المطر حتى وصل يوم الاثنين تحت الجسر الكبير بين القيصومه والنبهانية وتوقف تحت الكبري..لكن الوادي من جهة العقله يمشي من عصر يوم السبت متجه للوادي قادم من جهة الشمال على أثر مطر هناك لاأعلم مكانه هل هو قريب أم بعيد .وهو الى الان يمشي ممشى طيب لم يضعف من يوم السبت .وأتوقع بأذن الله يصل للنبهانيه يوم الاربعاءأو الخميس أخر شي.. هذا أذا لم يقل منسوب الماء من جهة العقله لأنه الرافد الوحيد الان .
الساعة الان 8:30 ليلة الاربعاء. |
| الساعة الآن 07:19 AM |
Powered by vBulletin .
جميع الحقوق محفوظة © لشبكة ومنتديات البراري 2010