يكرهـون الشـاص مـن قـوة مطـبـه *** ويرغبـه فـي المجتمـع ناس(ن)قلايـل
يكرهـه راعَ الريـاض الـلـي مـربَّـه ** من طريق خريص لأسـواق ابـن دايـل
وبعـضـهـم لايـكـرهـه ولا يـحـبـه *** وعذرهـم مـاهـوب يصـلـح للعـوايـل
وواحــد(ن) مـاجـربـه لالا يـسـبـه *** شرهتـي والله علـى عـيـال الحمـايـل
بعضـهـم مـذنـوب ويحاسـبـه ربــه *** وده يـذمــه ولا يـلـقـى دلايـــل
خـبـل ولاَّ جاهل(ن)ماينحـسـب بـــه ** صاحي( ن)مجنون مـدري كيـف قايـل
ماعطـا بـه رملت(ن)مـن دون خـبـه *** مـن ورى ندقـان ويشـوف الهـوايـل
مـثـل زورق بـحـر لاســرَّب بغـبَّـه *** خص وقت الظهـر فـي عـز القوايـل
وان سرا فـي الليـل ثـم ولـع سطبـه *** يبـرد قلوب(ن)علـى المسـرى غـلايـل
فاهـق(ن) لـه عـرق والثانـي يـذبـه*** سايـقـه مبـسـوط مـنَّـه ومتـفـائل
لا سـرى ليلـه عـلـى بـكـره وغـبـه *** وردة عد(ن)مـراسـيـمـه نـثـايــل
فـي رمـال(ن) مابهـا شـقـه ولـبـه *** لـو يجيهـا السيـل مـا تلقـى مسـايـل
وانشـد اللـي جربـه فـي عـرق جبـه*** النفود اللـي شمـال(ن) غـرب حايـل
وان صفق في شرقي(ن) صلف(ن) مهبه *** ينـدفـع مـاهـوب يـرجـع ويتمـايـل
القصيد هذي لإبن شايق الكبير
