|
اقتباس:
هلا بالغالي ومرحبا الله يجعلها شفيعه لوالديها امين وسامحني قبلي مطفوق وفتح جروح ونا مدري يعلم الله |
غدير الغرام اللي جلسنا على جاله
أمره وأصد وكن ماعاد له ذكرى تجيه السحايب بين فترات هماله تصب الشغايا فيه والجرح مايبرى شطر |
جلَّ ربِّي خالقـك في هالفضـا
ماوجد فالكون مثلك يالفريـد تختلف عن كل شاعر قد مضى يوم تكتب من جزيلات القصيد رذاذ |
عفى الله عن جرح الفراق وبهاذيله
ومزنه يلوح البرق فيها واخآيلها انا والله ان ماعاد لي بالهوى حيله بعد ماعملت فيني المحبه عمايلها شطر |
تخيل ..!! اصوغ البيت من داخل التابوت
وعن حالتي واللي أعانيه ماتدري توفيت لي مده وعيا غلاك يموت حبيس الضلوع الباليه ينبض بصدري شطر |
اقوى شعور بداخلي ياهوى البال
يكسر مجاديفي ويكفي لحاله اليا ذكرتك والمطر ديم همال ثم شلت بيتن لك عجزت احتماله شطر |
مع الصبح شوف السيل والجو فيه غيوم
في طرف شعيب يفوح شيحه وقيصومه علي الحرام انه يطير لذيذ النوم ويشرح صدور بالهواجيس مكتومه شطر |
صح الله قلبك على هذه الابيات
التي وجتدتها وكانت من اعظم ما وجدت وما رأيت |
فقط احببت
ان اعتذر............................................. ......................................... |
حياك الله اخوي عايد..
ان كان تقصدني او تقصد غيري صح الله بدنك والله اني مقصر معكم بس اعذروني لين اتواجد معكم قريبا ان شاء الله |
عايد ..
وجودك في صفحتي يعني لي الكثير .. وتشجيعك وإشادتك بالشعراء وسام لنا يزيدنا فخراً بك .. لاتعتذر فلم يبدر منك إلا كل خير .. كُن بالقرب دوما.. رذاذ |
أعانيك يابرد الشتاء وانت توك جاي
وانا قبل تآتي لي ملفات وحكايه هذاني اشيل بفقد خلي صنوف دواي من الصيف شاري لي عن البرد دفايه شطر |
رذاذ الشاعره والناقده الموقره إذا لم تكوني مشرفه او مراقبه فلن اعود فانتي المعلمه والاستاذه التي تعلمنا وتنتقدن اخطانا .. لنصلحها
ولكِ مني سيدتي كل العرفان فأنتي من شجعتي بكل صراحه على إضهار ما اخفيه من اشعار ولو كان القليل , كبدايه , ولاكن بعدك لن يكون تقبلي استاذتي مني كل الووود والتقدير والاحترام |
شبوب الحطب في خايع يبهج الانظار
وخوتك مع ناس بخوتهم تماري تزيل العنا وتهيض الجاش بالاشعار يوم ان الردي لمقابل اهل الردى ضاري شطر |
أسج القدم وابعد عن المشي فوق القار
أدل الديار وكم انا جيتها ساري أدربل واشوف الصيد من عالي المسبار واثور من البلجيك بعد ما اوكد عياري شطر |
سقى الله زمان الورد والشوق والاشعار
ونبض الخفوق وكل مايعترض طاري على واحدن اشعل بصدري لهيب النار مريض المحبه منه ولاني بعد باري شطر |
كلّ مآاعطش لشوفه ، أركض لنهـر المحبّـه
يرتوي كلّي إلى من ،، شفت ثوبه مع يدينه ممتلي كآس المشاعر ،، والغلا يبـدأ يصبّـه في خفوقي كل رشفه تنبض بذكرى دفينه |
طوتنا الليالي وانتهى دورنا اللي كان
لو ان الصحاري لشوف الامطار شفقانه بأقاسيك لين آموت يالغالي الفتان وابكتب واغني لك من الشعر والحانه شطر |
صباح الغلا اللي منه ريح العبير يفوح
صباح الحروف اللي من شفاك مبحوحه صباح القصيد وبسمة الخاطر المشروح صباح الجمال ونكهة العشق وصروحه شطر |
تلوح البروق بغيمة الشوق طول الليل
ويطحن حنين رعودها صدري البالي الا جر قلبي جر غصن يجره سيل لحته الصخور وطشه السيل من عالي شطر |
الا يارفيقي ضحكة الامس كيف تعود
وانا خابر اللي راح ماله أبد عوده الا ياوجودي والليالي ثقالن سود والا واعنا قلبي من البعد ولهوده شطر |
تذكـرني ابـياتــك رفــيـق عســاه يعــــود
شكى المنتدى والناس تشكي من صـدوده اذا شفت بيـتك قلت هـذا اهـو مـوجـــود يحن ويقول الوقت مااسعف على وجوده |
لن يعود........ ولن اقولها شعرا
|
اعتذر منك لانني لم اذكرها شعراً
|
اعتذار
اعتذر منك اخي وعزيزي اعذاري كثرت ومثلك ... يعذر
فأرجوك أن تعذر جهلي |
الغاء’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’’’’’’’’’’
|
يا إخواني الموضوع لأبيات يتيمه ومشاعر لم تكتمل هذه شروط الموضوع من البداية فحبذا لو نلتزم حتى يكون للمواضيع طابعها المميز كما عهدناها مع كامل احترامي وودي للجميع . مـن يغـيب وتمـنيـنا يـفــســر غـيابه يمكن أشغـالـه اللي حــدته ما يمرنا والا لــه الـتزامـات ومشـاكل قـرابه والا ماخذنا لعب ومن قبل ماعتبرنا :ordh: |
لا خير في وقت به الحق يكتم
ولا خير في نفس تداري صبوره أشوف في وقت غدا الذيب منذم ولا الالثعلب ما خوذ رأيه وشوره صار الردي يآمر وينقاله تم ولاالسنافي ضايع اليوم دوره (طويله) |
رزق البشر من عند ربي مقسم والناس من خلقت لربي شكوره هــذا زمــان الـذيب فـيه يتبســم يكتم بنفسه واكتفي من شروره دام البشر مـا بين دلـخ ومنسـم الذيب مسترخي ويبطي ظهوره خساره ما اكتملت :038: :ordh: |
هههههههههههه شاعرنا الكبير ابو سيرين تظل كبيراً دائماً وابداً ومقامك عالي استاذي
|
والعذر والسموحه من مقامكم سيدي
|
اقتباس:
لا عادي أنا بعد أمزح وتروق لي مشاركاتك تحيتي وتقديري :ordh: |
على طارف الضلع الموايق لهاك الطور
وفي ديرة خضرا لها ايام ممطوره مشينا واخذنا دربنا قبل ست شهور نبي حروة اللي ماتجي غير بوعوره شطر |
بعد حزة الميقاف كلن اخذ له دور
وشلنا الزهاب وبضعة اغراض ميسوره وساع اتفقنا يوم كلن عطاله شور بدينا على المسبار كلن بناظوره شطر |
حريصين نكشف شعب غابي وفيه صخور
حراوي الوعول وفيه قبل امس مذكوره ويوم ان شمس الصبح بانت وبان النور ولا شوفت اللي تطرب الروح بالصوره شطر |
ثلاثة قحوم قرونها حول خمس شبور
على حول سنتها ولاهيب مذعوره تركد تبي حبل السمر والحبل منثور ولا تقدر تقاوم وهي غصب مجبوره شطر |
تمركز لها شايب وحول لها منصور
وقمنا نتراسل بأجهزتنا على الثوره رماها وطش اثنين واللي بقى مخطور صويبن تنزح فوق ودماه منثوره شطر |
لجا يم شايبنا وفعله بهن مخبور
وقال ابشروا به طاح واشوف جمهوره ثلاثه وفيهن مايوصي به الدكتور عصيب الشحم من حبلة السمر مزبوره شطر |
الا ياصباحن بان نوره ويا محلاه
عقب مانفض ليل المعاناه واخفاها عسى شمسك اللي وايقت من جهة ملفاه تدفي ضلوعن أبيض الثلج يكساها شطر |
وليفن عليه الروح ماظنتي تنساه
بعد ما عطاها من مجانيه واسقاها حداني على بدع القوافي عساي فداه عسى من يلوم معذب الحب يلقاها شطر |
| الساعة الآن 11:31 AM |
Powered by vBulletin .
جميع الحقوق محفوظة © لشبكة ومنتديات البراري 2010