إلا وش رايك يوم يتوايقون على دكة الشيبان ... ! والله خايف يسمونها دكة الشيبان المنسمين ـ لكن ماعليك منهم .. ننسمبهم يعني ننسبهم .

ماعليك منهم .. إلا العسيري وش قصته ؟ يعني يخلينا نرقى الشفا .. وش رايك نوقف الفكس أر تحت الطلعة الكبيره اللي تحت الشفا مباشره .. والله ياهي طلعها .. ثم نرقى حنا والشباب على رجلينا ـ نشوف من تصل درجة حرارته الإتش .

انا ماني خايف إلا من ذيب أجا .. شباب ماشاءالله ويلعب كوره .. والله ياظنتي إن يرجعولنا بعد ما يقدعولهم بهوري تين .

وبعدين ترى تصوير الحفل ممنوع .. لا تنسى الطرارطيع .!

تحيتي

سبحانك ربي ما أعظمك وما أكرمك أحمدك ربي واسجدلك شكراً وتعظيماً فأنت المجزل بالنعم التي لاتعد ولاتحصى .

عندما يأتيك الفرح دون سابق إنذار ولم يكن بالحسبان و عبر رسالة تفيد بدعوتك لمطابقة بياناتك في اي من فروع الخدمة المدنية لآعز واغلى جزء منك وفلذة كبدك بعد صبر سنين عجاف بعد التخرج من الجامعة وفي إنتظار ممل لعل وعسى وكل عام تطير الطيور بأرزاقها دون أن يمر حتى ولو ريشة طير على
من هم في أمس الحاجة لأن يخدم ويعلم ما تعلمه عبر سنين لأبناء جلدته بعمل حكومي واستقرار
نفسي دون النظر الى الماديات ولو كتب وان عملوا في مدارس أهلية ذاقوا الأمرين في زيادة نصاب الحصص وكذلك تدني الراتب الذي لايتجاوز 1200 ريال تذهب نصفها في مواصلات وهدايا ووسائل تعليمية وطباعة لمن هم تحت أيديهم من طلبة وطالبات . وكثير من التعسف الذي يمارس من أصحاب ومالكي تلك المدارس الأهلية الربحية البحته . نحمد الله حمداً كثيرا اللهم لك الحمد كما ينبغي لجلال وجهك وعظيم سلطآنك ان ادخلت الفرحة في قلوبنا قبل أن تبدأ الإجازه الصيفية لأبناءنا وبناتنا نسأل الله أن يدخل الفرح والسرور في قلوبكم وقلوبنا بنجاح فلذات أكبدنا ونيل أعلى الدرجات وتحقيق كل مايصبوا اليه.وان يوفقهم وان يجنبهم كل سوء اللهم أمين أمين والحمد لله رب العالمين .

(احياناً تعجز الكلمات ان تعبر بما يختلج في النفس من شدة الفرح ويالهُ من فرح ليفرح من تفرح لهم صبروا فنالوا والله سلحانه لم يضيعهم)

الحمدلله صارت فرحتين .. يعني الحفل يبغاله زيادة بالونات ..

المدارس الخاصة حينما يتقدم لهم المتخرج المنتظر للوظيفة ـ فإنهم يبتزونه بذلك الراتب الذي لا يكفي ولو لفاتورة الجوال .. وحينما نعود للفائدة ، فإن المعلمين الذين يخدمون في المدارس الخاصة ، يكتسبون الخبرة ولا غيرها .. وهذا هو المهم ..

فحينما يأتي التعيين بعد ما يشيب راس المعلم/المعلمه ، فإن التعيين يكون فرحة عارمة لأنها أتت بعد طول انتظار .. (عسى أن يكون التعيين قريبا من العين والبيت ) وليس بإحدى المناطق البعيدة والتي ارهاقها أكثر من راحتها .

أسأل الله التعيين لبناتنا وأبناؤنا ، عاجلا غير آجل .. اللهم متعهم بالصحة والعافية والراتب الذي يكفي لسد ديون سنوات الانتظار ..

أنتم يا معشر الأباء .. لكم الأجر والثواب من عند الله .. على ما بذلتموه طوال السنين الماضية ..

دامت الأفراح والليال الملاح ..


تحيتي

وش هاللمبات اللي تقادح بالسما .. تصدق يوم دخلت دكة الشيبان استغربت قلت إني مضيع الدكة ، ابو علي لا يكون إني بقسم التواصل .. طيب دقيقه أتأكد .!!. إيوالله دكة الشيبان . . خير إن شاء الله وش عندهم ! ابو علي وشفيك تناقز .. إيوه .. أشوف سراب راكبه فوق برزة الدكة .. وش السالفه ياسراب .. أي ألفية .. إيوه .. الله يسعدك ياسراب .. ماشاء الله على بنتي العوده ما يفوتها شي .. والله والنعم يابنتي .. ما توقعت يجي في بالك .. ! لا هذي سراب اخت الرجال الواثقه ..

ياوليدي ياسراب .. إنتبهي من الكهرب .. خلاص يكفي لمبات ـ ابو علي توه مسدد الفاتوره .. الله يعينك يابو علي على الفاتوره ـ هاه .. نفصل الكهرب علشان الفاتوره .. والا نصبر لين يجون الشباب .. تراي متأكد إنهم يبي يستانسون يحبون النجوم والقلوب الحمراء ..

أسعد الله شعلة المجلس ونوره . . بنتي العوده ولا غيرها

تحيتي

هلا والله ومسهلا باللي لفى عزيزه وغاليه والله يبارك فيك على المناسبتين يابنت المطاليق بيض الله وجهك ورحم الله والديك واحسن اليك لقد شرفنا بهذه الزياره الغاليه على قلوبنا سرآب مهما قلنا واطرينا لشخصك الكريم لن ولم نوفيك حقك بحق أنتي حقيقة ولستِ سرآب أسعدك الله في الدارين وجزاك الله كل خير .

ابو سامي لاتطفي الكهرب خلي الدنيا مشعلله الفاتوره ومسدده خلنا نفلها وشايف بعض الشباب
وبعض الشيبان يمرون من هنيه رحب معي بهم في دكتنا اقلطو حياكم الله منورين الساعة المباركة
اسفرت وانورت واستهلت وامطرت مرحباً هيل عد السيل ومرحباً الف لكم صدر المجلس يالله حيهم

مرحبا باللي على الدكه يمــــر .. الربيع بدارنا ماهو خريــــــف

مااحلى السهره على ضي القمر .. والسوالف كلها شي طريف

ما احلى الفنجال من بعد العصر .. مع رجالٍ كلهم شروا الشريف


ابو علي .. ماشفت الزعاقي .. والله إني مشتاقلله .. والا مسوي علينا شباب .. وحتى الريس ترى ماهو بعيد عنا !


تحيتي

حياك الله سرآب اثاره ابوسامي يعزم من ورانا طيب طالما انت عزمت أين واجب الضيافة؟