شبكة البراري - المتابعة اليومية من5-9 /1/ 1433هـ الموافق30-4 /12 /2011م ‏

شبكة البراري (https://www.albrari.com/vb/index.php)

السلام عليكم ورحمة الله وبركته

صباحكم خير

اللهم اكفنا بحلالك عن حرامك

وبطاعتك عن معصيتك

و اغننا بفضلك عمن سواك

وإن شاء الله ما تكونوا ضيعتوا صلاةالفجر.

****
**
*

درجة الحرارة الان 7 وفي لوحات البنك 9.1:wallbash:

https://up.albrari.com/uploads/13227099121.jpg

بيت وصدى

يا هاوي الرحلات في وقت الأمطار حذرا من الوديان حذرا من السيل

بكر هذال حول موضوع خطورة السيول والذي يقول:
يا هاوي الرحلات في وقت الأمطار
حذرا من الوديان حذرا من السيل
وكان الصدى من الشعراء:

ليا شفت ناشي المزن جنب للاخطار
لا تحسب أن المزن في مده يخيل
خلك ذكي لا تجرفك بعض الأشوار
من اللي بهم دايم سذاجه وتضليل
المزن هو لسد مارب سبب فار
واوصاف فار السد وأجدر يا جيل
بدر بن خلف الحزيمي

خير السما ولاجاك وانته بالاسفار
احذر الوديان والسيل بالليل
ولا صار ما عندك عن الدرب اخبار
خلك على الامل بالحظ لا تميل
مع رفقة(ن) تنفك في كل مشوار
واحرص على موتر جديد(ن) وبه حيل
سعود عائش الحربي

دام البحر له قيس في فكر بحار
البر له قبل المكاشيت تحليل
كم واحد روح به السيل مرار
مثل الذي يمسي على سكة الريل
لا تقرب الوديان لو صار ما صار
السيل من مجراه ما عنه يميل
سعود سعد الحافي - الرياض

ترى المطر رحمة على كل الأقطار
والسيل لامنه جرى جاك بالخير
متع نظرك وجنب النفس الأخطار
خلك بعيد والتزم خطة السير
كم من بغى النزهة وعود بالأمرار
لأن الخطر ما احتاط له قبل لا يصير
سرور بن محمد بن حنيان - المجمعة

يابكر بن هذال دار الزمن دار
وقت الشتاء وقته طويل وبالليل
لا جاء المطر فز الزهر فز نوار
هات الدلال الصفر هات المعاميل
وابعد عن الوديان في وقت الأمطار
خطرٍ يشيل السيل كل المحاصيل
عبدالمحسن بن محمد المحيسن - رياض الخبراء

لا تقصد الوديان في وقت الأمطار
نصيحة قبل العنا والغرابيل
ولا تسلك دروب صعيبات واخذار
وامسك مكانك لا تشوف العراقيل
السيل ما يرحم ترى السيل غدار
حذرا تروح الروح جعله تساهيل
محمد عبدالعزيز الخنيفر - أشيقر

خلك حذر لو موترك جيب فكس آر
لا تنطح الكثرة ولو ممتطي خيل
كم واحد عد الدبل سيف وسار
ويوم انطح الوادي درى بانه دبيل
هذي نصيحة واحد شاف الأخطار
ما عاد له فمناطح الأودية حيل
جهاد عبدالعزيز الشعلان

يا عادي المقصود في وصف الأخطار
جابه أبو هذال وأجزل من القيل
وتلقى الإجابة من جزيلات الأشعار
في كل موسم يكثر الحط والشيل
وتشوف ما حيرك من كثر الأخبار
وياالله يلي تولج الصبح في الليل
أنت الاله وعالمٍ غيب الاقدار
تغيثنا غيثٍ على القدر والكيل
حمد عبدالله الوايلي

اقتباس:

المشاركة الأصلية كتبت بواسطة رعد الغربية (المشاركة 1478934)

تم تغير النك حقي من صمت الجروح
الى رعد الغربية

اقتباس:

المشاركة الأصلية كتبت بواسطة ابو عبدالمجيد (المشاركة 1479884)

جديدنا وآخر أخبار الأمطارمن أفاضل شرواكم

على هذا الرابط

https://www.albrari.com/vb/showthread.php?t=65438

https://up.albrari.com/uploads/13225559785.jpg

مدرج الركية " العبدان " غرب محطة الناشي بحرمة

وهو إمتداد شعيب الكلبي بحرمة

صباح الخير ابو عبدالمجيد
الاسم الصحيح مدرج ركية عبدان حسب الوثائق التى امتلكها حيث ان الكلبي او الكلبية وردت في العديد من الوثائق من سنة 1095 وهناك مبايعات واوقاف استخدمت فيها عملات عثمانية المحمدية والطغري والكلبية وقعت بها احداث تاريخية لاهالي المجمعة وقد وردت بكتب التاريخ

دمت بود ومحبة

تيماء الحراره 4 السماء صافيه يمكن برا صفر

درجة الحرارة صباح الخميس 6/1/1433هـ

1 (درجه مئوية واحدة ) مع تشكل الصقيع

على بعض الاسطح .

اقتباس:

المشاركة الأصلية كتبت بواسطة ناصر البدر (المشاركة 1479770)

الله يهنيكم حنا عندنا برد خشومنا تجمدت من البرد ههههههههه حنا في الرياض قاعدين عند الدفيات من البرد درجة الحراره 5 درجات ويمكن اقل :w10::w10:

الله يخلي الزنجبيل والله الجو في مركز العمارية فريزر هههههههههههههه اللي يبي ثلج يمرنا ع=هههههههه:w4:

اخوي تركي الوايلي الحمد لله على سلامة اخوك و نجاح العملية و ما يشوف شر والله يخليه لكم و يحفضه من كل سوء

على التوالي والله اعلم
طريف والقريات الان صفر درجة مئوية
عرعر1
الجوف 2
حائل 3