البروق تشتعل في شمال المدينه __ أنا خارج العمران
الآن وصوت الرعد يدوي والنسمه عليله جو جو جو روحاني عسى الله يغفر لنا ويرحمنا
إستغفر الله

ماشاء الله

مبروك ياهل القصيم

الارض ديمت وريحة المطر تلف المكان والخير مقبل

الموقع جنوب غرب ســاااااااجــــر

لا أله الا الله
تصدقون من قوة دوي الرعد كل الي بالبيت قامو
سبحان من سبح الرعد بحمدة والملائكة من خيفته

السلام عليكم

اشكر جميع من توجه بالدعاء لوالدتي بالشفاء

سواء بالكتابه او من تلفظها بلسانه

ولله الحمد لم اغادر المدينه الا بعد ان قرت عيني

برؤيتها معافاة والله اسأل ان يديم نعمته وعافيته عليها وعليكم واهليكم اجمعين

نجي للجو وأخبار الامطار واليوم كان حافل وماشاء الله بالنسبه للمدينه

الشباب ماقصروا عطونا العلم وزياده وبالنسبه لينبع تركتها بعد صلاة العصر

ويوم وصلت تقاطع التحليه الا وغيم اللي يحبه قلبكم لكنها قطعت الخط قبلي ووجهت شرق

والله ياهي سحابه تهول المهم طول ماأنا ماشي بخط المدينه وهي تباريني تقول الحط

مفصل عليها تفصيل ودعيت على اللي صمم الخط وحلاه يروح جنوب ثم نكسه

مره ثانيه شمال تخيلوا مره اشوف السحابه شرق وبعدها شمال ثم تصير غرب

ولا قدر الله اني اجي تحتها المهم وصلت المدينه ومن قبل صلاة العشاء والبرق

ماشاء الله مشعلل شمال وشمال غرب من نفس السحابه اللي كانت العصر على ينبع

وقبل شوي وانا ماشي من المدينه الا البروق شابه جنوب المدينه جهة طريق الهجره

وماهي بعيده جهة العشيره وبيار الماشي برق حقوق ماشاء الله تبارك

ويوم قربت من الساحل والبروق اللي ورا لهالحين تنشاف لمحت برق خفيف جهة الساحل

والله العالم نشو جديد سبحان الله كن الوسم توه جاي والا امطار هالوقت امطار صيف

وسلامتكم

الحمد لله على سلامة والدتك اخوي هاوي المطر والله يلبسها ثوب الصحة والعافية

------------------------------------

الآن عاود الرش الخفيف مع أذان الفجر

وصوت الرعد مسموع