باين إن الجو مكتوم جدا في ينبع

وجدة غيوم متفرقة

https://weather.pme.gov.sa/weather-maps/sat_ir_web.jpg

اقتباس:
المشاركة الأصلية كتبت بواسطة عشقتها https://www.albrari.com/vb/servtop.co...s/viewpost.gif

السلام عليكم ورحمة الله وبركاته

كلام ذيب طميه ينبيء عن خبره ..!

الكتمه ( العسام ) مفيد وله دلاله على تحرك الرياح وكثرة تحرك الرياح عامل يدعو للتفاؤل ..

الرياح تنقل البذره وتعالج وتقتل الميكروبات وتدفن الجيف ..
لها فوائد احنا مانعرفها .. ولانقدر نحصيها ..

تذكرون قصة بني هلال والقحط اللي اصاب نجد حينها حوالي 8 سنوات ماهب الهواء
تخيل 8 سنين والهواء ساكن .. حتى اجبرهم على الرحيل والهجرة ..

يقول الشاعر الامير حسن بن سرحان من بني هلال

ثمان سنين ماهوى نجد قطره ..... ولازلزل الرعد الرزين وزار

ولاهبت الغرا ولاهبت الصبا ......ولاطار من اشعاف البكار غبار

حفرت في البيداء ثمانين قامه .... ودورت انا الجم الغزير وغار

يانجد وان طاح الحيا فازعجي لنا .. وشبي لنا براس المقوزي نار

لك الله صبيان النشاما تغيروا ...... بناب ضحوك يعجب الخطار

( ماطار من اشعاف البكار غبار ) .. يقولون انهم كانوا يضعون الكحل فوق سنام الناقه
العفراء في الوبر وتاخذ شهور كما هو وماتغير ..

لك الله صبيان النشاما تغيروا من القحط والدهر مايضحكون الا للضيف اذا جاهم والا كل وقتهم حزن ..

الاخ العزيز عشقتها البيت اللي تحته خط للشاعر الكبير مشعان بن هذال شيخ مشايخ عنزه
من قصيدته المشهورة التي قالها عندما ترك نجد بسبب القحط والجوع سبع سنين ما جاهم مطر

وله بيت من قصيدته الشيخة ( نجد جفتنا وكل دار لنا دار # ماهي مخافة مير جوع ومداهير )

وهذي بعض ابيات القصيدة :-
يا نجد لاجاك الحيا نادي لنا @@ وشبي لنا براس المقوقي نار
يا نجد لاجاك الحيا وصي لنا @@ وان زان وقتك فارسلي عمار
عبدٍ خذاله زوجه من هل القرى @@ شارت عليه وطاوع الاشوار
ومن طاوع العذرا على غير صايب @@ يصير كما اللي ضاع بالنهار
جلس قليل الفود من شان الغنم @@ وخلا بنات الهرش معنا ابكار
حلفت انا يانجد مارخصك عندي @@ مير الدهر والوقت فينا جار
سبعة سنين مالمع فيك بارق @@ مات الحلال ويبست الاشجار
جرتي علي وانا معذي جنابك @@ واليوم سكنك شاوي وحمار
حاميك انا يانجد بالرمح والقنا @@ في لابة تسقي الخصيم امرار
حنا شبات الحرب صبيان وايل @@ ملجأ الضعيف مدلهين الجار
حنا أهل العادات اخوان بتلا @@ الى جفتنا الدار نلقا دار
لاجارت علينا الديرة وامحلت @@ نلقا لنا ابدار العدو معبار
نجي على وضح النقا ونرهب العدا @@ ما كننا الا يمهم زوار
يانجد شفي فيك طيرة وعيرة @@ وغمر الحطب لاحط فوق النار
أقفيت من عندك بنمرا ضرية @@ عسامها يغطي الجبال اغبار
أدنا منازلنا بوادي النعايم @@ واقصى منازلنا بغار انشار

آسف عن الخروج عن الموضوع فقط للتنبيه

لقد ابلغتهم ذلك في زاوية الرد ...ولكنهم اخفوا رأيي ... وهذا اصرار على الفعل ...

موقع الارصاد يقول ضباب على ينبع

وين اهل ينبع ؟