|
اصبر جاك الخير يابو خالد
وهذي صوره مشروحه توضح وصول منخفض اخر بدء معه نشاط منخفض السودان انتظر يوجد صوره مشروحه وفيه ظهور سحب منخفضه وسط البحر الاحمر رعديه https://9q9q.com/apr/1146756818.jpg |
الله يبشرك بالخير
جزاك الله خير على ردك علي خصوصيا |
ماشاء الله تبارك الله
الله يجزاكم كل خير اللهم اغثنا اللهم اغثنا اللهم اغثنا |
بماذا تفسرون هذه الحاله ظهور سحب ركاميه وتقترب قليلاً ثم تتجه شمالاً وهذه الظاهره شاهدتها اليوم.
|
سحب ركامية على البحر الأحمر جهة شمال غرب جدة لكنها بعيدة شوي
وهذه صور............يطهر سدا كثيف جهة الشمال الغربي حجب الشمس https://www.tumaer.net/up/upload/vvv.jpg |
الله يبشرك بل الخير
يا ابو محمد اللهم اغثنا يارب يا كريم |
الزلفي
الساعة الخامسة عصرا لم نشاهد الشمس هذا اليوم والسحاب كثيف وبل طيب ومعه صواعق قويه على الزلفي وشمال وكنت وقتها في الكسر وهذي صورة للمطر https://9q9q.com/apr/1146760232.jpg |
الله يبشرك بالخير أخوي ضحوي ويجزاك بالخير على الصورة الجميلة مشاء الله تبارك الله
|
الله يبشرك بل الخير يا ضحوي
ان شاء الله عقبال مدن المملكه جميعها يارب العالمين مشكور على الصورة........... |
في صلاة المغرب من مسجد رسول الله صلى الله عليه وسلم في المدينة النبوية "طيبة الطيبة" وعلى الهواء مباشرة الامطار تهطل والبرق حقوق على بعض الجهات والامام يتلوا الآيات من القرآن مما يناسب الحدث والمخرج يتفاعل بعرض الصور الجميلة للسحب والبروق فيها اللهم لك الحمد والشكر اللهم عم بها مناطق المملكة وخاصة المشقر والكلبي وجميع بلاد المسلمين آمين والحقوا الصلاة لانه اذن في مركز حرمة وعلى الجميع مراعاة فارق التوقيت
|
في عنيزة علينا بروق من غرب
اللهم اجعله ناشئ رحمة |
خبر منقول من مكشات اليوم الأربعاء6/4/1427 https://www.tumaer.net/up/upload/100.jpg اللم اغثنا اللهم اغثنا اللهم اغثنا |
مساكم الله بالخير
انا الحين في المجمعه والبرق من قبله تشق شق ما تفصل واحد الحين جاي من ام سدره يقول عليها مطر الله يغيثنا الله يغيثنا |
ابشرو بالخير
الان في المجمعه نسمع صوت الرعد وبدأ المطر يتساقط اللهم اغثنا اللهم اغثنا |
الله يبشرك بالخير اخوي هادي
الله يغيثنا ياحي ياقيوم |
ولله الحمد في عنيزة جانا مطر غزير جلس تقريبا ربع ساعة والان وقف
|
مــــــــــــــــــــــا شاء الله تبارك الله
وشذا الأخبار الطيبة اللي توسع الصدر اليوم فيه علوم سيل وشيل وحط وإنا ما ندري توني جاي من البر ولا أدري عن شي ولا عندنا في ( الحلوة ) بحوطة بني تميم إلا سدا ( سدوة ) وسحاب عالي ( رقيق ) والرادو ما شغلته وابشروا بكرة بالخير العام يالله يارب يا كريم |
من ابو اسامة " سيل بمعنى الكلمة مع برد كبير جهة الشملي غرب حائل والصويدرة شرق المدينة سيل" جزاك الله خير ياصاحبنا الوفي وهنا في مركز حرمة بسدير سحب وصواعق من مهب الهيف تتجه الى الجدي لمدة ثلث ساعة ومطر خفيف اللهم رحماك رحماك رحماك اللهم أغثنا
|
مطرنا بفضل الله ورحمته في بريدة
امطار متوسطة وتختلف من مكان إلى اخر البروق شفناها من الساعة 8 ليلاً بروق طيبة ماشاء الله والمطر متواصل إلى الان الساعة 20-12 على بريدة الغريب ياخوان اني قبل شوي وانا في البر شفت النفيض ؟؟؟ غريبة نفيض في مثل هذا الوقت ؟؟ النفيض كان سريع جداً واتجاهه من الشمال إلى الجنوب تبع الرياح الرياح شمالية باااااااااااردة قوية بعض الشي نحمد الله ونشكره الساعه10-12ليلا من يوم الخميس |
ماشاء الله تبارك الله
الله يبشركم بالخير اللهم اغثنا اللهم اغثنا اللهم اغثنا |
الان بروق قوية غرب بريدة
والرياح شمالية قوية بااااااااااااااااردة مع رش طيب جو خيالي................. الساعة27-12 ليلاً |
الله يزيدكم ويبارك لكم ويعطينا ويعطيكم
ونشكركم على هذي البشرات الطيبة وودي أقول لك يا أبو ريان إن الهوا ما أتوقعه شمالي يمكن هوا " نو " أي هوا تحت السحاب والخيال بس وهو كثيرا ما يحدث مثل ذلك والنفيض يجي تحت السحاب الممطر مهما كان وقته لكن إذا تهيأت ضروفه ولا تقطعونا من الأخبار |
المطر مستمر على شكل ديمة طيبة
يالله لك الحمد... بريدة...... الساعة 17-1 ليلاً |
الرعد يسمع الان
زاد المطر اللهم زد وبارك الجو بااااااارد ...درجة احرارة (17) بريدة....الساعة 21-1 ليلاً |
مثل ماتفضل اخوي ابو ريان المطر الان على شكل ديمة ايضا في عنيزة
والبروق ياخون عندنا ماتفصل من كل اتجاه وقبل شوي ارعدت عندنا وهزت ابواب البيت الله يرحمنا برحمته |
الان الامطار تهطل بغزارة علينا في عنيزة والمثاعب ماتلحق مشالله تبارك الله
اللهم اجعلها صيبا نافعا |
لازالت الامطار تهطل بغزارة في عنيزة والشوارع تمشي اللهم لك الحمد
|
ما شاء الله تبارك الله
اللهم اجعله صيب نافع طيب اخوي عجاج وين البارق عنكم نبي نفهم اللي عنكم جنوب حول حريه والا اللي عند الله قريب ان شاء الله |
ابو ريان ..عجاج
لكم مني بالغ الشكر والتقدير على هذه المتابعه الدقيقه وصدقوني هناك الكثير من يودون شكركم متعنا الله واياكم في هذا الجو الجميل واعم الله ذلك على كافة المناطق في مملكتنا الغاليه مع تحيات اخوكم محب المطر الرياض |
اخوي بارق القبلة البرق اشاهده من جميع الاتجات حتى ان البرق من فوقنا نشاهده وأكثر شي من جنوب
الله يجزاك خير اخوي الراصد ( محب المطر) ابشركم لازال المطر ياجماعة يهطل علينا بغزارة المثاعب تصب والشوارع تمشي ابي اروح انا ولكن الجو ماينتفوت قولوا امين اللهم اجعله صيبا نافعا وعم بنفعه ارجاء البلاد اللهم اجعله فراش خير |
ما شاء الله. الله يبشركم با الخير ارجو من الاخوة كتابة الوقت والتاريخ والمكان الرس جانا رشوش خفيفة ها اليوم الخميس ثم جاء ديم من 12 ليلا الى 1 ثم زادقليلا مما ادى الى صبت المثاعب الى0 1وثلث حرر 1و50 دقيقة ليلا
|
ماشاء الله تبارك الله
الله يجزاك خير اخي عجاج على هذه الأخبار المفرحة والله يغيث جميع المسلمين ولا تنسنا يا اخي من دعائك |
الله يجزاك خير اخوي الراصد ...
هذا واجب علينا ... الان في بريدة الديمة مستمرة وبشكل اقوى مع رياح قوية يالله لك الحمد ثلاث ساعات من المطر المتواصل الساعة 2 ليلاً وتصبحون على سيل |
الان خف المطر في عنيزة وعلى شكل ديم الله يديمه عشرة ايام في جميع انحاء المملكة
|
الله يجزاكم خير والله يزيد ويبارك ويعم به بلاد المسلمين اجمعين
وشكراً الغالي عجاج والاخ ابو ريان والراصد واصلوا ترانا على خط النار نبي الفطور على جال شعيب ان شاء الله |
الان انهمر المطر بشكل متوسط
المثاعب تصب بقوة يالله لك الحمد الساعة4-2 ليلاً وتصبحون على سيل |
ماشاء الله
على البركه الخيرات يااهل القصيم والله يبشركم بالخير اللهم صيباً نافعاً اللهم زد وبارك بالنسبه لنا المنطقه من تمير وجنوب هالسنه قحط يروع ومافيه الا الهبايب والغبار الحمدلله الذي لايحمد على مكروه سواه راضين بقضائك وقدرك يارب العالمين اللهم انت الله انت الغني ونحن الفقراء خزائنك ملئا لاتغيضها النفقه اللهم ارحمنا بالعجائز الركع والاطفال الرضع والبهائم الرتع اللعم اغثنا غيثاً هنيئاً غدقاً سحاً نافعاً غير ضار يدر به الضرع ويسقا به الزرع وترتوي منه الارض وتستبشر به الخلق ياارحم الراحمين استغفر الله استغفر الله استغفر الله والحمدلله الحمدلله الحمدلله على كل حال |
اللهم يبشركم بالخيرات على اخباركم المفرحه
وليت عندي اخبار كان افرحكم بها |
صبحكم الله بالخير
مشاءالله مشكورين على الاخبار الزينه حقت امس الخميس ونبي اخبار اليوم وحنا في انتظار النشو الطيب اليوم بأذن الله على حائل وشمال غرب المملكه والمدينه والقصيم وغرب المنطقه الوسطى استعدو انتظر يوجد صوره مشروحه https://9q9q.com/apr/1146817855.jpg |
السلام عليكم ورحمة الله وبركاته
جدة الآن السماء صافية الرياح خفيييييفة من كثر خفتها لا أعلم عن اتجاهها بالظبط الجو حار اللهم أغثنا اللهم أغثنا اللهم أغثنا اللهم أغثنا اللهم أغثنا |
| الساعة الآن 08:29 PM |
Powered by vBulletin .
جميع الحقوق محفوظة © لشبكة ومنتديات البراري 2010