|
شكرا سراب
تم زيارة الروابط والرد عليها .. شكرا تحيتي |
ماصار به وقت للهوجاس .. المعذره لو تأخرنا
.. إطمأني يادكتي .. فلن يأخذني منك إدارة ولا غيرها .. سوف أعتزل من هنا إذا شعرت أني غير قادر على العطاء .. دكتي .. لي عوده بإذن الله .. |
حبيت اعبر عن اللي بخاطري هنا بدكتك يا ابوي
نعم تعبت في الاعداد للمسابقة لكن وجودكم معي وحوالي اعطاني الدافع للاستمرار وهناك شي اخر ....... اليوم احسست بنجاح المسابقة رغم قل المشاركين والركود اللي بالمنتدى لكن ما اسعدني مشاركة الشاعر المشارك ليثاوي عفيف بعد ان طرح ابياتا في القسم والاسبوعين اللي طافوا كان معنا محمد المقاطي اثبت شاعريته يعني الهدف من المسابقة بانت مواريه وهو اكتشاف شعراء جدد لاينقصهم الا ( دقة سلف ) وينطلقون وهالشي دفعني للاستمراية بس خليكم حولي باستمرار انتم اسرتي ولا استغني عنكم جميل جدا ان نحس بالانتماء ابوي غير عنوان الموضوع خليه دكة هواجيسي انا وبنتي لاني احتمال امر هنا كثير |
الحقيقة يااختي وان شئت قلت ابنتي انتي نعجز ان نفيك حقك فهاهو القسم قد استقام ونرى ثمار جهدك قد اينع وما المسابقة إلاخير دليل على النجاح لما لقيه من تنسيق وترتيب وتحفيز والإعلان
هنا وهناك مما اضفى على المسابقة رونق جميل وجذاب وكان الإستفتاء رائع رغم قلة المتسابقين وما الشاعران المقاطي وسهيل إلا اكبر دليل على النجاح فشكراً لك على ما تقدميه والعذر كل العذر على عدم تفاعلي معكم اولاً اجد صعوبة بالغة في ضعف النت لديه واحياناً اضطر الى الخروج من الصفحات والعوده مرة اخرى حتى يتسنى لي التصفح واحياناً يعلق لضعف الإتصال . اما من الناحية الصحية فالحمد لله فيه تحسن كبير واحياناً اكون معكم ولكن بدون تسجيل نظراً لما ذكرت آنفاً والله المستعان ابو سامي اخي عناد يعلم الله الذي يعلم خائنة الأعين وما تخفي الصدور انني احبكم في الله ولله والله على ما اقول شهيد ولا اريد لاجزاء ولاشكور سوا الاخوة التي لايشوبها شائبة ولله الامر من قبل ومن بعد . تمنياتي للجميع بالتوفيق والسداد والصحة الدائمة وهو خير الحافظين . |
والله انك مونستني ياوليدي ، من يوم راحت عجيزي .. وانتي اللي مونستني .. ولكن انا مليت من دكتي ..! وتعودتك عليها بنفس الوقت .. يابنيتي الله يخليك .. دكتي قديمه أسوارها من طين .. ولا بنيت فيها إلا فليله صغيره يالله وبالله تشيلني أنا ما حصلت على الله ان الدكة تفضيلي تقومين تناحليني عليهههها .. دايم وانتي شابه النار وتحمسين وتدقين .. كل ما جاء احد سدحتي له حد الخرفان .. يابنتي حنا في عصر الاقتصاد .. دول خسرت ماهو شايب على راتب التقاعد .. لا يهمك ياسراب .. اليوم جبت شحنة تريله سمر وقرض .. شبي النار .. وهيجني ماعليك انتي عند ابوك .. إههها ماباقي الا سراب .. يضيق صدرها .. بس ياوليدي انا ودي تبنين لك دكة بجنبي .. منها نتوسع فيها ومنها طفشت من دكتي مافيها أي زخرفه .. نبي دكة مزخرفه ونسميها .. دكة هواجيس السراب .. أضني أسير وتسيرين والدكتين بجنب بعض .. تخبرين ياوليدي أنتي يجي يمك جاراتك ونسوان وانا ياوليد بعد عجيزي الله يرحمها ماصرت أحب شوف النسوان .. ههه نسيت لا أقولك .. شكرا على الهديتان القيمتان .. المقاطي وسهيل .. سويت للمقاطي فحص .. ماهو هين باقي سهيل .. وأكيد إنه بارضه شاعر .. تمنيت لو أنك أضفتي إلى معرفيهما لقب : الشاعر الفائز بمسابقة البراري .. أو أي من هذا القبيل .. تحت اسميهما أو على الأقل لقب شاعر .. اليس كذلك ... دكة هواجيس سمو المشاعر هي دكة الشيبان .. واصل الابداعات ياسمو التواضع والأدب شكرا لزيارتكم دكة هواجيسي |
اخي الاكبر ابوعلي
لاتفيك الكلمات حقك يالغالي ويعلم الله اني احبكم جميعا في الله واحس بالانتماء اليكم كاسرتي تماما واضيق ذرعا اذا غاب احدكم تعودت عليكم جميعا ابوي غانم وابو علي وابو ايوب وابو سعود وعناد يشهد ربي اني اعتز فيكم وافخر فخر البنت بأهلها رغم اننا من كل وادي لكننا على قلب واحد لدينا شعراء لهم معزة خاصة كصبح المطر والخيال ليسوا قريبين كثيرا يحضرون ويختفون وغيرهم كثير علنا من هذه المسابقة نكتسب ابناء واخوة جدد فيهم روح التواصل والعطاء هذا القسم هو جناحنا الخاص واسعد الله ابوي الضومري لما منحني الثقة لاصل الى هذا القسم من خلال ترشيحه لي من زماااان علشان اساعدكم كشعراء ورغم ما اقوم به معكم الا انه يوجد تقصير مني احيانا لضيق الوقت واحيانا تكاسل ناتج عن ضيقة صدر لكن رجائي ان لانفترق كأسرة وخلونا على قلب واحد دايما واللي يحب يغادر يبلغنا ولايروح من غير ما ندري الله يخليكم لي ولايحرمني وجودكم يالغالين |
ابووووي غانم
عجزت افهم هالعبارتين ( من يوم راحت عجيزي .) (عجيزي الله يرحمها ) خابرة عندك حرمتين الحين عجيزك قبلهم والا ايش والا حاصل شي تو مافهمت وضح لي تكفى وبالنسبة للدكة مقدر افتح دكة خاصة يا ابوي تحتاج وقت وبنيان وتكلف ولازم نقابلها طول الوقت لابغيت اهوجس ( موبدايما ) عرجت هنا ما تقول حنا بزمن اقتصادي نسوي قطية واللي يجينا يجيب الارطا معه ماعاد في زمن كرم الحين هههههه ربي يسعدك دنيا واخرة ولايحرمني منك يا ابوي |
في قديم الزمان .. توفيت زوجة إحد البدوان .. وتزوج بعدها بإخرى .. سرح بماشيته ولما عاد وهو كالعادة محملا بالحطب ..سألته زوجته الجديدة ! وش اللي أنت جايبوه .. خذوها واقلاعوه بعين ابليس .. عيب عليك تجيب الحطب الحطب شغلة الحريم ولا تكررها .. أخذ الحطب ليقلعههههو .. تدرين وين ودااه .. حطه على قبر عجيزه وشب فيه .. فوق قبرههههها
حياك الله ياسراب .. عساك مرتاحه ياوليدي .. دكتي متعود ما احد يزورها الا اللي ضايقٍ صدره ووده يفضفض .. قولي يابنيتي هاتي ... حياك ياسراب تحيتي |
ضايق الصدر يا ابوي بالمرة
كانوا يقولون الشمالي صدره وسيع وانا عرفت السر في ضيق صدر الشمالي الجلسة بين اربع جدران تكتم الانفاس وتضيق الصدر من اول يوم كانوا البدوان ببيوت الشعر كان الفضاء واسع للجميع سواء رجال او نساء لكن الحين وعالاقل في محيط بيئتنا صعب علينا الخروج المستمر والا الطلعة للبر والتمشي نعم الاية الكريمة تقول (( وقرن في بيوتكن )) فبيوت الاولين كانت تطل على الفضاء الواااسع الى مد النظر لكن بيوتنا اصبحت اشبه بالسجون للاسف ولكننا لابد ان ننصاع لاوامر الله - في مثل حالتي اليوم وبنت اختي الرضيعة تغادر صدر امها لتقيم بالعناية المركزة اثر التهاب رئوي حاد يجعل الدنيا تضيق بعيني واتمنى لو كان امامي فضاااء واسع وانا ادعو الله لها بالشفاء العاجل وان يقر عين والدتها بها يااارب تشفيها وتشفي مرضى المسلمين شكرا لك يااوالدي |
ما احدٍ من الدنيا عظامه سليمات ...
أسأل الله العلي القدير أن يقر عينك وعين اختك بعودة صغيرتكما .. المسلم مبتلى .. الصبر ثم الصبر .. والتضرع لله سبحانه وتعالى بالدعاء ، فإن دعاء الوالدين مستجاب بإذن الله . تحيتي |
| الساعة الآن 06:41 AM |
Powered by vBulletin .
جميع الحقوق محفوظة © لشبكة ومنتديات البراري 2010