الله يسلمك اخوي نايف
والله بلحيل استانست والله يعيده ماتوصف من يوم طلعت الى ان رجعت الى الرياض
اللهم لك الحمد

السلام عليكم ورحمة الله وبركاته...

حيا الله جميع الاعضاء والمعذرة على الانقطاع كنت مع الاهل بالشرقية..

ابو محمد وشلون دياااااار الاجداد عساك شبعت من خير ربي ..

ماشاء الله والله ياجاهم خيييييييير ..

الله يديم مثل هالامطار طوااال السنه والله على كل شي قدير سبحاانه

يالله يالربع عن اذنكم والله اني تعباااان من الخط زحححححمة مره( الدمام - الرياض)

تصبحون على خير وسيل

الحمدلله بخير وأكيد من عاتبته من معزته عندك شوف كيف سوت الشمالية من يومين هذه سنين جدب سبحان الله أعرفها من هبوب الرياح اللي تصافق إذا هبت غربية للمغرب وقلبت شمال لاخر الليل روح شغلك ماعندك شيء إلا أن يكرمنا الله من عنده

بإذن الله بعد هذي العودة بعد اجازة القمة تكون بشائر الخير قادمة

يالله تصبحون على خير واذا طلعتوا طفوا اللمبات وصكوووو الباب

والمفتاااااح حطوه تحت الفرشه







سلام

على العموم نرجع لموضوعنا
وهو ان المنخفض الحركي يتوقع وصوله باذن الله الى غرب تركيا ظهر غداً السبت
طيب وش اللي يهمنا في الموضوع
يهمنا الله يسلمكم الاتي
1- ماهي قوة التخلخل الى يمكن ان يحدثه هذا المنخفض
2-مدى تعمق منخفض السودان على المرتفعات ظهر الغد هل تظهر السحب الرعديه فوق عسير والباحه غداً ام لا ونتمنى ان تظهر وهو مايدل على ان الوضع سيكون وباذن الله جيداً
3-اتجاه الرياح على طول البحر الاحمر هل هي جنوبيه
4- الرطوبه
وهناك امور اخرى سوف ارصده غداً بنفسي وعلى الجهاز
والله كريم

ابشرك الامور زينه بس نرجو المزيد
---------------------------

أبو محمد مشاء الله تبارك الله مبدع في التصوير

وخاصة صورة الغروب

""""""""""""""""""

يا أخوان هل تواجهون بطء في التصفح في هذا المنتدى أما الخراب من عندي ؟

انا عندي ممتاز جدا

واسرع من الدي اس ال رغم اني عادي

يارب نشوف السيل يسقي كل الاوطان

التصفح زي الحلوه يابو خالد سريع جداً جداً
الله يديمه عليه

هلا وغلا اخوي أزيب الساحل

وإنشاء الله مافيه سنين جذب بإذن الله الخير مقبل على الغربيه كلها بإذن واحد احد

رحمه الله واسعة وتونى بدري الخير بإذن الله قادم قادم

المشكلة أواجها في هذا المنتدى فقط

نعم صحيح
هناك فتره وهي تقريباً تبدء بأذن الله من 20 ابريل الى 30 مايو
سبحان الله هذه الفتره من النادر ان تمر دون هطول امطار غزيره ومتكرره
على اغلب مناطق المملكه

نعم حتى انا اواجه هالمشكله مع ان اتصالي دي اس ال

ماتلاحظ ابوخالد هالمشكله ماجت الا يوم رجع حبيبنا خالد العوض :biggrin:


مانقول الا والله نور البرررراري بعودتك ابومحمد وشكلك فليتها من جد يوم الاثنين كني اشوفك مخلي ولدك يسوق وانت تخايل في هالسحاب :biggrin:

انظر الرد في الصوره
--------------------

السلام عليكم ورحمة الله وبركاته
حي الله ابو محمد الحمدلله على السلامة
وش رايك يابومحمد في البروق الي كانت مع الخط

الله يسلمك ياخوي
الحقيقه
كانت بروق جداً رائعه رائعه رائعه
اه اه اه بس لو كان الوقت على كيفي!!!
كان الوقت يمر بسرعه وهذا حال الايام الجميله وقته قصير

والله الوالدة كانت معي وهي كبيرة بالسن الله يطول عمرها على طاعة
تقول اول مرة في حياتي اشوف بروق زي كذا

على العموم اعذرون
ابروح انام لعلي اكمل ماتبقى من ايام جميله ولو في المنام
تصبحون على خيرات وفأل طيب
ولاتنسون ترصدون الوضع بكره جهة عسير والباحه وجنوب غرب منطقة الرياض
لعل يكون هناك مايبشر

أبوخالد من زمان وأنا أواجه المشكلة نفسها حتى عند كتابة الرد ومكان إقامة العضو

وشريط البراري إذا اخترت منه موضوع طلع لي موضوع ثاني

أرجو من الإدارة معالجة هذا الخلل الفني

ودمتم سالمين

محبكم

أبورهف

الله يحفظه لك ويطول بعمره
تصبحون على خير مره اخرى

الحمد لله مافيه عندي مشاكل انا يابو خالد ابد من تسجيل في هالمنتدى مع أن اتصالي سرعة 54 عادي لا دي سي ولا Gl ولا Vxr هههههه


اتوقع يا اخوان أن المشكلة تكمن عندكم في احد الاسباب التاليه:

تخزين الرابط في المفضله

وجود فايروس في اجهزتكم يعني ضعف الحماية

فتح اكثر من موقع في نفس اللحظة

سعة الذاكره في الجهاز واتوقع ان كل واحد منكم معشى الجهاز صور إلين قال ارحمني

اخير وليس اخرا يمكن الضغط على المنتدى في حال وجود اكثر من عضو


واذا ما صار شئ من الاسباب الانفه مافيه حل الا تقرون على اجهزتكم يمكن احد عطاها عين هههههههههههههه

تصبحون على خير


استودعكم الله على أن نلتقي غدا ابإنشاء الله

الله يحيك يا أخوي ولد حريملا ومبروك على الأمطار اللي جاتكم الله يجعلها سقيا رحمة وينفع بها
الله يسمع منك يارب لكن أنا تكلمت عن الفترة الماضية يارب تتعدل المرحلة الجاية قبل دخول الصيف ولاتنسى أن القطاع الغربي بأكمله للمدينة نادر المطر عدا أسبوع على ينبع وثلاث اسابيع تقريبا مكة اللهم أرحمنا يارحيم الأبار انخفض منسوب المياه فيها وإن لم يتداركنا الله برحمته سيحدث عجز في المياه خاصة القرى بين مكة والمدينة ومكة والليث الله المستعان خاصة في الصيف وتصبحون على خير

تصبحون على خير زي ما قال احد الاعضاء
لاتنسون تطفون النور وتسكرون البيبان وتحطون المفتاح تحت الفرشة

اولا ابو محمد الحمد لله على السلامة وما شاء الله وجه خير على اهل الرس
اخوي نايف الحربي ابشرك الوهيبية سالت شمالها فقط بس القهر اني كنت بالرياض والا كان شفت الصور اللي تفتح النفس
اخوي متفائل الف شكر لك للأ سف اني ما اعرف احد شمال حائل ولم اسمع اخبار مطر

السلام عليكم

صبحكم بالخير

اليوم الجو ممتاز جدا وريحة الندى تفوح في كل مكان

وهذي تذكرني بالايام اللي راحت في بداياته

يالله ياكريم

:32: :70: :32: السلام عليكم وصبحكم الله بالخير:32: :70: :32:

وعليكم السلام
اليوم الرياح جنوبيه شرقيه
كيف الجو عندكم

الله يصبحكم بالخير جميعا
مبروك الامطار الله يجعله صيبا نافعا وان يعم بها اوطان المسلمين

اليوم الرياح شمالية شرقية مع قطع صغيرة من الغيوم شمالا

السلام عليكم

اليوم الهوا شرقي

والرطوبه محسوسه

والسماء بيضاء

والمواقع تتوقع ثم تشيل التوقع ثم تعود تتوقع مطر على الحريق

مدري وش السالفه في شي يؤثر على الجو

تقلبت روسنا من ذا المواقع

نشوفكم بعد صلاة الظهر

........................................

السلام عليكم ورحمة الله وبركاته
وبعد
هذي صوره مشروحه توضح الوضع الأن

الرياح جنوبية الان

والجو صاير ابيض من الرطوبه في الجو

يعني الاحتمالات بإذن الله محتمله وبقوة

اخوي خالد

هل ترى ان الحالة السائدة الان تبشر بالخير بمشيئة الله

ابو محمد

ليش سهم المرتفع جاي من الغرب للشرق

ودي اعرف السبب

وابشرك المهب في تمير جنوبية متوسطة والسماء صافيه مع بعض السدا الخفيف جنوب

ان شاءالله بس باقي نراقب الوضع على المرتفعات وجنوب غرب منطقة الرياض وتبوك
او البحر الاحمر بشكل عام
حيث يظهر ان هناك مشكله ان الرياح على طول البحر الاحمر ليست جنوبيه وهذا الامر غير جيد
ايضا الرياح الشرقيه الشماليه الجافه اعتقد انه تأثر على وسط البحر الاحمر وهذا يعني قطع الطريق امام الالتقاء بين المنخفضات مصدر الرياح الشرقيه هو كتله جافه H وهذا من الاشياء التى ربما لاتساعد على تكون السحب بشكل كبير خاصة على غرب او شمال المملكه لكن مع مرور الوقت احتمال والله اعلم ان تكون الفرصه افضل مع تقدم المنخفض الى جهة ايران لتصبح بعد ذلك جيده على الرياض وما حوله والشرقيه
الحقيقه تم رصد امطار قبل قليل غرب تركيا
والله كريم

هذا يدل على مصدر الرياح الشماليه الشرقيه وانها من مرتفع جوي ((سيبيريا))
يعني المره المشكله من الشرق وليست من الغرب مثل الفتره الماضيه
والله اعلم