الزلفي قبل وبعد صلاة المغرب رشة خفيفة صبت المرازيم
والعصر فيه هماليل شمال الزلفي والجنوب عليه سحاب اسود
اللهم لك الحمد والشكر

ماشاء الله تباك الله

الله يبشركم بالخير

والحمد لله

ماشاء الله تبارك الله

الشيعب تعدى الديره !!!!

اجل الخير وااااجد والسيل طيب

الله كريم وترد هالقلبان اليابسه .. والنخيل الهامله !!


جزاك الله خير يالغالي

أبو محمد مبروك السيول اللهم لك الحمد ولك الشكر

أبشرك يابو محمد كل الشعبان في حريملاء سالت اللهم لك الحمد ولك الشكر

الشعيب وطته سحابه بعد المغرب والسد بإذن واحد أحد السيل بيدخله

اللهم لك الحمد سحابه أفريقيا من يومين وأنا أشوفها وكن الله أمرها تصب لنا من الامطار والخيرات سبحان الله

أستغفر الله واتوب اليه استغفر الله واتوب اليه

الله يبشركم بالخير

عبد الهادي

شف الصوره هذي

وش سالفة راعين السوبارو

هههههه
اص لاتفضحنا انت وابو هشام

https://ozthunder.com/chase/261105a_f.jpg

الله يبشركم بكل خير

ملهم امطار غزيرة بدون سيول

اللهم لك الحمد

رسالة من الأخ الغالي التميمي ابوعبدالعزيز

الشعيب الي قبل الغرابه 18 كيلو شعيب الهويجة2 يمشي مشي زين



اللهم اغثنا اللهم اغثنا اللهم اغثنا

مطرنا بفضل الله ورحمته حيث بدأت الأمطار من ظهر هذا اليوم وقد سالت جميع الأودية بمحافظه ثادق

ومساء هذا اليوم وصل شعيب عبيثران وقطع طريق حريملا القصب متجه إلى ثادق

جعلها الله أمطار خير وبركة وعم بنفعها الجميع وسنوافيكم بالمزيد من الأخبار فور توفرها

ابشر سكتنا

بس تراهني انك انت اللي تبي تعلم !!!!!!!!!!

بشرنا عن احوال الجو والتوقعات او تتغلى علينا

انتظر اخبارك اخوي ابومحمد

يعني نكشت هناك بكره اذا اراد الله

هلا وغلا ابو محمد

أبشرك اللياطة قوية مره وابو قتاده كذلك سحابه بعد المغرب كانت طيبه جدا اللهم لك الحمد والشكر

وإن شاء الله السد 3أو 4 متر وإن شاء الله يصب من فوقه الآن مترين في السد والسيل يصب قوي به

الحمد لله على ما أعطانا

أبو محمد (خالد العوض)

كلها 25 كليو لحريملاء حياك الله يا أخ العرب حتنور حريملاء

اجل بكره ان شاءالله هناك بس وش اخبار القطاره اللي شمال غرب شعيب صلبوخ

هذي صوره توضح منخفضات متلاحقه
والله كريم يجعلها كلها من نصيبنا
حيث ان الضغط شمال شرق عالي هذه الايام يعني جهة روسياء
https://aycu40.webshots.com/image/727...4295121_fs.jpg

اخي الكريم خالد العوض ابومحمد

ابشرك شعيب صلبوخ يمشي ممشى طيب ولله الحمد والمنه

والله يحيك اتمنى ان اكون هناك لأستقبالكم لكن الحمد لله رب العاليمن

اخي الغالي ولد حريملاء الله يبشرك بكل خير

مدري عن الشعبة هي سيلت او لا

اللهم لك الحمد كما ينبغي لجلال وجهك وعظيم سلطانك

اخي الصلبوخي اعرف ان صدرك اوسع من دارك والله يرفع مقدارك

لكن وشبك عسى ماشر

الله يبشرك بالخير

والشعيب اسمه شعيب الهوبجه

مبروك عليكم الخير يالربع

اليوم قبل المغرب توجهت مع طريق القصيم شمال

وبعد ماتعديت معبر الجمال وانا في مطر

وكل ماتروح شمال يزيد المطر

الارض منقع الماء فيها

والشايب تعب من السياره
ولاكان نروح شمال بعد

لاكن وصلت كبري دقله اللي بعد ساسكو
وانا في مطر
وانا راجع رجعت مع الخط القديم
من سلطانه وجنوب المطر يقل


الارض كلها ماء

اللهم لك الحمد والشكر


وسلااااااااااااااامتكم

بارك الله فيكم على هذه الاخبار

وحوطة سدير صبت فيها المرازيم والصنوع الصغيرة

اللهم اغثنا

الشعبه سالت ووصلت إلى الشارع العام تحت الكبري

ماشاء الله تبارك الرحمن


وش الوضع الان يالربع ...

مافيه اخبار جديده عن حالة الجو الان !!

مساء الخير والامطار وتنزل الرحمات

الحمد لله على منه وفضله ونهاية اسبوع رائعه والحمد لله

الله يعطيكم العافيه على التغطيه الممتازه

اخوي ولد ديرتنا حريملا كرما لا امرا ياليت صور للسيول الله يبارك فيك

ابو محمد الصلبوخي --- احم احم اشم ريحة الذبايح من مفرق ملهم والمعنى في بطن خالد اسف الشاعر خخخخخخخ

اخوي ابو محمد خالد العوض يازين صورة السوبارو اخذتها لسطح المكتب -- تقل تصوير خواجات ماشاء الله

ربي يسلمكم يالغاليين

وش سالفه هالخواجه في هالسوبارووو

لايصير هذا من اعضاء تلقيح السحاب الصناعي !!:22:

شكل وقفته توحي بالشي هذا

ما شاء الله نبي من الاخوان تحديد مكانها اذا سمحتم

وين خبراء الارصاد

اقتباس:
أرسل أصلا بواسطة ابو عبدالمجيد
بشرى ولله الحمد والمنة هواء ساكن تماما ونشوء سريع جدا من فضل الله عز وجل الآن على مركز حرمة بسدير 180كم شمال الرياض اللهم اغثنا آمين اكثروا من الاستغفار والصدقة والتوبة الى الله والدعاء بحضور قلب وطيب مطعم

من فضل الله عز وجل ومن خلال متابعة 26عام للسحب اسرع "ناوية " ولله الحمد والمنة تمر الآن على اجواء المملكة بعد الهواء الشمالي البارحة مع منتصف الليل سكون تام ومع الفجر هواء مطلع شمس الى جنوب وبداية النشؤ السريع جدا جدا من فضل الله والآن ولله الحمد بداء يتشكل المزن بأمر الله عز وجل فاللهم لك الحمد ولك الشكر "وتذكروا دائما ان يكون ارتباطنا مع الله عز وجل بالدعاء والاستغفار والصدقة واطابة المطعم " ولا مانع من الاستئناس بصور الاقمار وغيرها ولكن لنتذكر على الدوام قول الحق تعالى "انما امره اذا اراد شيئا ان يقول له كن فيكون" فاللهم لك الحمد والشكر على تتابع افضالك .....................وابشروا ان شاء الله بالخير من رب الارباب ومسبب الاسباب ومجري السحاب وخالق خلقه من تراب عزوجل والله اعلم واحكم الآن من جديد مطر ديم ولله الحمد والقبلة السحاب اكثر من طيب ولله الحمد الدعاء الدعاء الدعاء نحن في ساعة اجابة اللهم لك الحمد والشكر
ولله الحمد والمنة عاود الديم مع اذان العشاء على مركز حرمة بسدير فاللهم لك الحمد والشكر ومبارك للجميع الامطار والخيرات هذا اليوم وخاصة اخي الفاضل "ولد حريملاء" نسأل الله العلي القدير ان يعم بالامطار اوطان المسلمين اللهم آمين "من مركز حرمة " محبكم في الله جميعا ابو عبدالمجيد "عبد العزيز بن حمد العميم" 0505121673

اخي الكريم ابو عبدالمجيد

بارك الله فيك وجزاك خير الجزاء على هذا الكلام الطيب المبارك وعلى الاخبار المفرحه

والحمد لله رب العالمين الخير عم وسط نجد ولله الحمد الله يزيد ويبارك

تغطية متميزة كالعادة منكم اعضاء البراري
تبحثون عن التميز دائما
مبارك عليكم هذه الامطار والسيول والخيرات

اتصال من احد الأخوه الثقات يذكر وهو الان في الطريق الى تبوك انه الان قبل تيما 100 كيلوا المثلث الي عند مفرق خيبر والمدينه مطر متوسط والأرض منقعه

الآن الساعة 10.23 ليلة الأربعاء ترعد غرب الرس ولله الحمد

و وصلني خبر أن قرية العاقر غرب الرس اصابها سيل قوي والله أعلم وان السيل بين محطة بن هملان وقرية المندسة غرب نفود العرق

أيضاً الآن البروق شمال وشمال غرب وغرب ضرية الان ولله الحمد

أتمنى من الأخوان توضيح مواقع الأماكن التي تقولون عليها مثل جنوب الرياض
شمال القصيم بكم كيلو

كذا يعني
لأن في ناس لا يعرفون هذه الأماكن ومنهم أنا حيث أن بعضها أول مرة أسمعبها في حياتي

أخوي nahham خذ هاذي صوره السيل

طبعا الوقت كان ليل والصور ضعيفه بس هذي احسنها للملاقي السيل فارش لو تشوف حديد السياج

https://www.jooodi.org/uploads/c3f3d09f35.jpg

طبعا تشوف شجر الطلح بعيد في الخلف

وعذرا على رداءه الصوره بسبب التصوير الليلي

الآن البرق تقريبا غرب ضلع أبان غرب النبهانية




ضرية عليهم رش مستمر منذ نصف ساعة

الآن في اتصال من صديق ذكر لي انه تهطل أمطار رش على غرب الرس قريب والبرق لا يزال يرى جهة الغرب

يارب لك الحمد والشكر

والله يبشركم بالخير

ماشاء الله امطار وخيور وارزاق يالله من فضلك

اخوكم توه مسجل عندكم تقبلونه بينكم

أرسل أصلا بواسطة ولد حريملاء
بعد ساعتين فقط كيف وصلت للسعودية وإن شاء الله ستزداد وستجدون منها خيرا كثيرا




(الله الذي يرسل الرياح فتثير سحابا فيبسطه في السماء كيف يشاء ويجعله كسفا فتري الودق يخرج من خلاله فإذا أصاب به من يشاء من عباده إذا هم يستبشرون)

أستغفر الله واتوب اليه

اخي ولد حريملاء لله درك وبارك فيك واشهد الله على حبي لك فيه سبحانه وتعالى اخي الفاضل "انت ممن ينطبق عليه ما نقوله دائما في الاستئناس بصور الاقمار الصناعية دون المبالغة فيها " وفقك الله لكل خير وبارك في جهودك .................................................. ....اعطاك الله على قدر النية الصادقة نحسبك والله حسيبك ووصلكم السيل من فضل الله عز وجل ثم من اسرع "ناوية" من خلال متابعة لاكثر من 26عاما والله اعلم واحكم اللهم زد وبارك اللهم آمين ..........................................الآن الساعة 11.8مساء في مركز مدينة حرمة بسدير 180كم شمال الرياض والبروق في الرادو تزداد ولله الحمد والمنة والبوادر اكثر من طيبة على اواسط وجنوب المنطقة الوسطى والله اعلم واحكم

هـــــــــــــــــــــلا و غــــــــــــــــــــــلا