|
الارض خضراء واكتست زين الالبآس
والجيب جاهز للسفر والعسآسه نبا نسج بخآيع(ن) يقعد الرآس مع خوة(ن) تضفي علينآ الونآسه شطر |
عسى بارق(ن) سرآي أخيله من الحره
على نجد وقعه يم شعبآن خآبرهآ لهآ في ضمير اللي تمشى بهآ جره ونآس(ن) بهآ ماباقي الا مقابرهآ شطر |
يهل القلم حبره على خالي الأوراق
ويطوي ديار(ن) ممحله راكز(ن) ساقه حسب مايناسب كل ذوق من الاذواق يسوقه وليه في ذرى القاف واشنآقه شطر |
تلوح البروق وغيم الاحزان بالاعماق
وبحر الغلا به مركب الحب واشواقه لو انك عذاب ونار فرقاك ماتنطاق ابصبر على ذكراك والبعد واحراقه شطر |
مزنه بها وابل وبارق ورعاد
على الرياض بخيرها الان جادت ماعاد لي بالنوم شف(ن) وميعآد حتى هواجيسي مع الجو عادت شطر |
يازين صبح(ن) فيه للغيم رذرآذ
بأطراف شعب(ن) فيه للصيد جره منظر جميل وفيه إحسآس أخآذ واللي يشوفه لازم انه يسره شطر |
لليل في صدر التعآليل تمثال
منحوت من برد الغياب وجليده يذوبه شوق اشتعل وسط موال من خالص الوجدان ينبض وريده شطر |
للصبح بسمه تبني كبار الآمآل
وتحس معها إن حيآتك مديده تغانم الحسنات ياطيب الفال ترفعك عن حر اللهب والوقيده شطر |
جعل السحآب اللي به الوبل همآل
يزداد هماله وربي يزيده حتى يسيل الخد من عقب الامحال وتنبت بريضانه زهور(ن) جديده شطر |
من هاجس(ن) بالقصايد مايمل الجزيل
وحروف قيفآنها يعرف مداهيلها يرمي مغافيلها قدام رمي الجفيل يترك مضاريعها ويصيد من حيلها شطر |
| الساعة الآن 04:54 PM |
Powered by vBulletin .
جميع الحقوق محفوظة © لشبكة ومنتديات البراري 2010