|
الجواغاائم كلي وسحب طيبه شقراء السبت الساعه الثامنه 15 ربيع الآخر والسحاب اسود في الشمال والغرب
والله يجعله خير وسيل ويطرح البركه يا رب اللهم اسقنا الغيث |
الحمد لله بدت ترش شقراء السبت 15 ربيع الاخر
اللهم ارزقنا الغيث |
هلا وغلا بك اخوي حمد
اخبار طيبه يالغالي لا تنسى الصور بارك الله فيك |
الله يبشركم بالخير ويسقيكم الغيث
استغفروا وابشروا بالخير اخوكم الشيخ |
اقتباس:
والله اني كنت اسجل بعض الاحداث من عام 1405 مع الصور لاكن الله يصلح اخوي الصغير تطوع وشب بكل الكيس اللي فيه الصور ومن ضمنه دفتر صغير مكتوب عليه تسجيل الاحداث وتاريخ السنه والله ان الكيس كبير ومليان صور فقع وربيع وامطار وذكريات حلوه اذكر ان الكمره ما تنزل من السياره رغم ان تحميض الصوره كان غالي في ذاك الوقت فك الفلم ب5 ريال وتحميض الصوره بريالين هذي بعض الصور اللي بقت https://www.lahdah.com/up/uploads2/lahdah-4fe9352cb1.jpg https://www.lahdah.com/up/uploads2/lahdah-b2e70fc9d8.jpg https://www.lahdah.com/up/uploads2/lahdah-d816c5b401.jpg https://www.lahdah.com/up/uploads2/lahdah-cdc90769c1.jpg https://www.lahdah.com/up/uploads2/lahdah-040a899746.jpg https://www.lahdah.com/up/uploads2/lahdah-b46404c4bd.jpg |
اخ خالد واضح من الصور ان عمرك الحين حول الاربعين يعني صرنا سننا....ماعلقت على توقعاتي البارح!!!!
|
صور جميلة وذكريات تخلي الواحد يضيق صدره
الله يعافيك اخوك الشيخ |
الله المستعان جانا العج علينا في شقراء الان الساعه العاشره تقريبا صباح السبت هواء غربي ومعه عج والسماء فيها سحاب زين \
نسال الله الكريم الرحمن الرحيم ان يرحم حالنا \\ اللهم اسقنا الغيث اللهم سقيا رحمه استغفر الله استغفر الله استغفر الله اليوم في جريدة الرياض الفلكي الدوسري يقول الغبار سيتوقف ويعود بقوة نهاية الشهر اقول يا ليتنا من شغلك وكلامك سالمين |
ماشاء الله صور غايه في الروعه
وذكريات جميله وأعجبتني الهيلكس كانت آخر موديل ههههههههه وجزاه الله خير اخوك الصغير وثبته الله حيث أن التصوير حرام حرام حرام الا للضروره وهذه حقيقه يغفل عنها كثير وبالذات تصوير الاوادم بالأمكان الرجوع لفتاوى الشيخين ابن باز وابن عثيمين ماذكره أعلاه للفائده عقــــــــــاب الوائلي |
اقتباس:
الا اعتقد اني علقت على كلامك اللي كنت تتوقع فيه مطر على الرياض في المساء ورديت وقلت عسى ولعل الله يغيثنا لانه العيال مرضى من الغبار كحه والتهابات وانا معهم ومدري اذ كان موضوع ثاني وانا ما انتبهت اخوي هاوي المزن بالنسبه عن الفتوى في التصوير انا سمعت الحيدان يحلل التصوير بالكمره ويحرم رسم ذوات الانفس والله اعلم |
اقتباس:
على فكره الجو اليوم بأذن الله مهيأ عليكم وعلينا ..والله كريم يصيراليوم عيد بارتفاع الأسهم ولله الحمد وبالمطر ان شاء المولى القدير |
صبحكم الله بالخير
هذي صوره مشروحه توضح حركة الرياح المؤثره في حركة السحب لهذا اليوم السبت.. بأذن الله سبحانه وتعالى والله اعلم انتظر https://www.lahdah.com/up/uploads2/lahdah-7e050da3a6.jpg |
يعطيك العافية ابو محمد
هل تتوقع اليوم فيه نشو على القصيم ام لا والله يعطيك العافية مره ثانية |
اخوي خالد الله يصبحك بالخير
الله يرزقنا بالمطر اللي يغسل العجاج |
اخوي خالد والله خريطتك ذي تقلب الراس هههههههههه
المهم وش توقعك اليوم لأحسن مكان للنشوء جزاك الله خير ا وزوجك بكراً |
اللهم آمين
"""""""""""""" أخواني الراصد وحمد التميمي الله يوفقك في الدنيا والآخرة لا تتكلمون عن الرجال فيما لا يرضاه علشان ما تسير غيبة """"""""""""""""" أخوي خالد العوض جزاك الله خير على الذكريات الجميلة """""""""""""""""""""""""" أجواء جدة الساعة 11/20 درجة الحرارة 40 الرطوبة 20 الرياح شرقية نشطة مثيرة للأتربة والغبار سبحان العظيم البارح في الليل كانت الرياح خفيفة وفي غبار شوية ولكن يوم قمت الفجر ولا رياح قوية وغبار الرايح شرقية سبحان مغير الأحوال الجو مغبر اللهم أغثنا |
الله يصبحكم بالخير والسيل
شكرا يابومحمد على التوقعات وبارك الله في موضوع اخوي مركز مدينة حرمة بسدير الي اثار اشجانك وخلاك تورينا هالصور الرائعة والذكريات الجميلة والله يعوضك خير على ما راح منها |
الآن الساعة 11.40
سحب متوسطه وكثيفه وهواء ساكن والشمس لم نشاهدها هذا اليوم نسأل الله من فضله ان يغيثنا ويرحمنا استغفر الله واتوب إليه |
هذي صوره توضح التوقعات باذن الله خلال الساعات القادمه
https://www.lahdah.com/up/uploads2/lahdah-14e3ad50f6.jpg |
مشكور على تعقيبكم على الذكريات الحلوه
والحقيقه باقي صور بس بعضها مختفي مثل صور ثلج غرب الرس عام 1407 جبال ابان صورة شعيب كبير يمشي وفوقه ابيض من البرد اهتم بتصوير السحب والظواهر الجويه واثاره على الارض مثل الربيع والسيل والفقع صورة السحب بكمرة فيديو في بعض المناطق الاستوائيه جنوب شرق اسياء وتأملت كيف تتكون السحب بسرعه رهيبه هناك وبسرعه تخلب _______________________________ وهذي ذكريات مهي حلوه كنت مصور اثار الغرقه اللي جت العقبه حقت جيزان في عام 1403 او1402 بس مادري وينه والحقيقه منظر السيارت بعد الغرقه مرصوصه فوق بعض تقول تشليح كان مشهد مهيب جداً ومنظر الجسور الكبار وهي على جنب الجبال الحقيقه جسور مافيه ونش بالدنياء يشيله وجته قدرة الله ومنظر شجر السمر وهو مصفوف فوق بعض على جنب مجاري السيل الحقيقه شي مايوصف اعتقد اهل المنطقه اخذولهم سنه وهم يحملون من الحطب اللي مكسره السيل ويبعونه مات ناس كثير الله يرحمهم ويجعل مثو المسلمين الجنه الله المستعان |
اللهم اسقنا الغيث ولا تجعلنا من القانطين
استغفر الله استغفر الله استغفر الله استغفر الله استغفر الله استغفر الله شكرا لك اخوي خالد على هذه الصور والتي تعيد ذكريات الزمان الماضي |
تكفى يا أبو محمد
عطنا الصور ولو جزء منها """"""""""""""""""""""""" أما عن أجواء جدة درجة الحرارة 42 الرطوبة تحت العشرة يمكن تقريبا حوالي 9 أو 7 السماء بها غبار متوسط إلى كثيف وبعض السحيبات المتوسطة الرياح حافة جافة شرقية متوسطة السرعة والحمد لله على كل حال اللهم ارحمنا اللهم أغثنا ولا تجعلنا من القانطين |
اقتباس:
ولا عليك امر يابومحمد ان كانت الصور عندك ياليت تجيبها تنعشنى فيها واذا فيها صور ماهي زينه خلها تولي |
لا مافيه احراج بس مدري وين الصور خل ادور عليه
______________________________________ والثانيه في موضوع التوقعات الحقيقه احس ان الوضع طيب مشاءالله حيث كأنه في توسع بنشؤ السحب شمال جهة شرق ينبع واملج وشمال شرق والقصيم وحائل كأنه بدات تظهر علامات على تكون سحب منخفضه والله اعلم |
اخي الفاضل خالد العوض طهور ان شاء الله لك ولاولادك الله يخليهم لك وماترى بأس وانا اشهد الله على حبك في الله وسبحان الله يبدو تشابه كبير بيننا في هذا المجال جعلنا الله واياك مفاتيح للخير مغاليق للشر اللهم اغثنا
|
حنا بتمير الهواء غربية والسماء فيه اغيوم متوسطة وعالية والجو براد
|
ابو خالد شكرا لك نعم الغيبة داء خطير وذنب عظيم ووعيد شديد اللهم اغثنا
|
]
صورة توضح غبار مع سحاب الآن """"""""""""""""""""""""""" الرياح هدءت في جدة وأصبحت خفيفة https://www.tumaer.net/up/upload/vb43.jpg |
اخي ابو خالد "جده غير" صدقت الغيبة داء عظيم ووعيد شديد اللهم اغثنا
|
اقتباس:
|
مشاءالله تكون طيب لسحب منخفضه غرب القصيم وجنوب شرق تبوك والمدينه وشمال المملكه وشمال شرق
الحقيقه اني متحمس اليوم بأذن الله ان الوضع اليوم غير خاصة من القصيم وغرب وشمال وشمال شرق مدري الحقيقه الوضع شكله زين مره الله لايخيب رجاي واطلع ماعندي سالفه يالله كريم https://www.eurometeo.com/english/meteofax |
اقتباس:
|
كل سواليفك يا ابو محمد زينه والزين مايجيب إلا الزين الله لايخلينا منك ومن أمثالك جزاك الله كل خير وانت تعطينا حسب ماتراه من معطيات جوية وظروف مناخية والعلم بيدالله سبحانه وتعالى ومشكور وماقصرت 0
|
سبحان الله العظيم تحولت الرياح إلى جنوبية إلى جنوبية غربية تقريبا
متوسطة إلى خفيفة |
|
|
أخوي سداااااح جزاك الله خير على الرابط
"""""""""""""""""""""""""""""""""""" عفوا يمكن تكون الرياح جنوبية إلى جنوبية شرقية """"""""""""""""""""""""""""""""""""""" الآن أقوى السحب على المنحدرات الغربية من عسير """""""""""""""""""""""""""""""""""""""""""""" كأني ألاحظ تكون سحب شمال جدة من خلال صور الأقمار |
اقتباس:
مهي مظبوطه ياخوي سداااح https://www.fnmoc.navy.mil/mywxmap/c...03625058.47.20 |
الرطوبة ارتفعن والحرارة انخفضت
الحرارة كانت 44 الآن 37 الرياح كانت شرقية الآن أتوقع والله أعلم جنوبية غربية الرطوبة كانت تحت العشرة الآن 39 سبحان مغير الأحوال |
ماادري ليش عندي احساس السحب الممطره متوجهه اليوم لحول الرياض
|
| الساعة الآن 07:19 PM |
Powered by vBulletin .
جميع الحقوق محفوظة © لشبكة ومنتديات البراري 2010