|
عساك سالم كذا ومبسوط
اعرف أهلها كرم وبساط أما السفر عنه انا مربوط لو ما تشوفون في رباط بقآيآ |
يامنشي البارق الرعاد
مزن(ن) من الشرق ماشي غرب اليا انهشم وابله يزداد وصوت الصواعق قنابل حرب شطر |
عسى سحابه يجي منقاد
يعم خيره ديار العرب ويصير جو لنا معتاد هذا الدعاء لياطلبنا الرب |
يامرحبا بالركام أهلين
بالصاحب اللي بقى ماراح غالي ومن حسبة الغالين ولاهزته بالوصال رياح شطر |
واهلا وسهلا ولك نعمين
اعداد مازاهر فواح لك فقدة لو هي يومين وجيتك مكسب وفيها ارباح |
جاني خبر قالوا انه مات
الله يغفر له اذنوبه والعلم ما أعطا عليه إثبات يا علها أخبار مكذوبه بقآيآ |
وين العرب يالركام ووين
عد(ن) يرودونه السواح من عقب ماهو يسر العين الحين مخلي وفيه أشباح شطر |
لعل وقت مضى وسنين
يرجع وتتألف الارواح بستاننا دون ورد شين ياليت يسمع ليامن ناح |
《 الليل معه ابتدآ مسرآه
والروح تصبح على شمسه مافيه شي(ن) على مجرآه ان كآن مآزآرني همسه..》 شطر |
أكتب قصيدي وهو يقرآه
ويكيف وينجلي عمسه يآكبر حظي معه كبرآه ياجعل ماينقطع رمسه شطر |
اغليه واشتاق له وادراه
عن مايكدر صفاء أنسه واسمه ليا من أحد أطراه ماكنه الا يبي لمسه شطر |
ياكم عليل تمنى رضاه
كبده غدت منه منحمسه ريم الفلا وين هو ملفاه كم له وهي غاربه شمسه |
ريم الفلا مات في مفلاه
حول عليه شايب بجمسه واللي لقا كنز ما زكاه كلاه كله مع خُمسه بقآيآ |
حسب خرايط هل الارصاد
والعلم عند الله الوالي ان الحراوي بدت تزداد وديارنا حظها عالي شطر |
الوقت هذا ترا معتاد
سحب تراكم على جبالي ولنجد نادر ولا هو ساد ماقلت هذا انا لحالي |
وقت طويل وبه شدة
غير الصبر مالقينا علاج حتى ولو طالت المدة مع الصبر ياتي الافراج |
ولو الامل ينقفل سده
قفله حديد وبه مزلاج ماكان نزرع ولو ورده ولا تحقر النور لو هو سراج |
من كان حظه يجي ضده
يصف مع شلة المحتاج لو كان ماله وماوده هذا ويصبر على الاحراج |
اشوفها طالت الصده
يمكن بعيد عن الابراج او نوم خدك على خده كل له هواية ومزاج |
———————————————————————
|
المنتدى فاتح بابه
نشكر لبو ناصر جهده ماينقصه غير احبابه قولوا ابو ناصر رده |
كيف التواصل معاهم كيف
ولا عندي ارقام للجوال خبري بهم يوم حنا صيف واليوم مانعرف الاحوال |
عدنا لكم بعد طول غياب
ولعيونكم انثني واقرب مشتاق للصيد والمرقاب وعيون عذبه لها نشرب شطر |
ياهل الشعر وكل من له ذوق
نبيك تكتب لنا كسرة عبر لنا وافتح الصندوق كل عسى ينسمح امره |
المتواجدين الآن بالموضوع : 133 ( الأعضاء 1 والزوار 132
💐💐💐💐💐💐💐💐💐💐💐💐💐💐💐 |
ياغاية الروح لو تدري
عن جمرة الشوق بفؤادي كانك هنا عدت من بدري وأطربك ياقمري الوادي شطر |
يا الله بوسم(ن) يغيث الارض
يعيد ذكرى من الماضي يشمل وطنا بطول وعرض كلن يربع وهو راضي شطر |
اللي علينا نصلي الفرض
والله كريم ومتغاضي يرسل سحاب بطول وعرض وتربع جبال وفياضي |
هذا الوسم مير مابه غيم
الوسم ماهو حنفية وتفك ويالله بسيل يعقبه ديم وسحاب عام يجي مصطك |
ياشطر كان الهواء ذعذاع
حتى ولو زان لك جوه نبيك ترجع ترا الاوضاع في المنتدى طافيه ضوه |
لو كان مابه لنا مطماع
نلفيه مقدار للخوه ودام الوفاء بيننا ماضاع لازم به نشيد وننوه شطر |
غياب ثم حضور
حضور ثم غياب نبغى لنا دكتور نعرف وش الاسباب 😇 |
نزع امل ونتحرى له
يثمر ولو طالت سنينه والكل لعل آماله تجيه دايم على حينه |
ليل الشتاء بيح المكنون
كنه مع القاف له موعد يحيي طواري ألم وشجون وذكرى مع الوقت ماتبعد شطر |
خلك تجي كنك المسجون
ونقرأ بيوتك ولا تبعد متواجد دايم ومضمون واهل الشعر بك بعد تسعد |
ماشفت انا بالسماء غيمة
وعيونا في السماء دايم نبي عساها تجي ديمة من عقب سيل يجي حايم |
كسراتنا اصبحت عسرة
بغيابكم سيد الكسرات من زارها صابته حسرة يقول مامر لو مرات |
| الساعة الآن 07:28 AM |
Powered by vBulletin .
جميع الحقوق محفوظة © لشبكة ومنتديات البراري 2010