|
اخوي الناااايف مسااك الله بالخير تابعت جميع ردورك فكنت مميز و لبق ماشاءالله عليك وعلى قدر كبير من الوعي والثقافه الله يزيدك وحبيت اهنيك بالمنصب الجديد في المنتدى وتقبل مروري ابوناصر الشريف |
حي الله النايف قرأت الاسائلة والاجوبة وليس عندي الان سؤال غير واحد هل الكمون الذي استخدمته لعلاج الاسنان كمون قصيمي ههههه وشكرا |
اقتباس:
مسيك بالنور والعافية أخوي ابو ناصر الشريف الله يسلمك يالغالي ويجزاك خير ومن طيب أصلك وهذا أحترام وتقدير لكم لأننا نتعامل مع رجال كلهم خير وبركة نحسبهم والله حسيبهم الله يبارك فيك وإن شاء الله نكون على قدر المسئولية فأشكر إدارة البراري لرقية هذا الصرح سعدت بمرورك وتقبل تحياتي |
اقتباس:
الله يحييك ويببقيك أشوى أنك قريتها كلها لايصير فيه غلط بس ههههههههههههههههه وش دراك يالركام عن الكمون أكيد خالد الحريص قال لك هههههههههه أبشرك كمون قصيمي وهذا الي خلى الظرس يطيب مشكور يالركام على المرور وتقبل تحياتي |
مرحبا واعداد ماتنشي المخيله && وعد ودان تنثر من خياله
ياهلا ومرحبا براعي البشائر وصاحب الاسلوب السهل الممتنع س00ماهو سر عشقك للامطار والسيول وهل هذا الامر متوارث ؟؟ س00ماهو اجمل يوم ممطر مر عليك ولن تنساه ماحييت؟؟ س00 ماهو شعورك عندما تهب الرياح الشماليه عصر يوم الجمعه وتصحي السماء وتقوم بتشغيل الراديو وتجده صافي من البروق؟؟ (اهم شيء السؤال الاخير)) |
مبرووك المنصب الجديد يالنايف ،، وتستاهل أكثر |
اقتباس:
يا مرحبا ترحيبة الصبح للشمس حزة عناق الليل مع طلعة النور بك رحبت روحي قبل تدرك النفس اعداد ما غرد على الغصن عصفور هلابك أكثر أخوي برق الجنوب وأشكرك على الترحيب الحار وتسلم والله ج1/ سر هذا العشق للمطر منذ الصغر حيث أن لدينا نخل قديم قبل حوالي 400 سنة منذ أن سكنا المجمعة ودائماً ماننتظر السيل له ومثلك عارف أن المجمعة طبيعتها تحتم على الواحد الحرص على الخيرات مثل السيول والربيع لأنها مختلفة التظاريس من جبال وسهول ووديان وريضان وطبعاً هي متوارثة من أجدادنا وأذكر قصيدة لجدي يستسقي فيها رحمة الله علية وبعطيك مقتطفة منها ويقول فيها يمشي على المشقر حبوباً خيالة ::: يعم شعبانه يمين ويسار يسقي الغروس الي بها زين الأثمار :: حتى أني أوفي من طلبني حلاله ج2/ أجمل يوم ممطر مر علي كان بالصمان عام 1427 هـ كان خميس وجمعة كلها أمطار وكنا مخيمين بفيضة ( رديفة أم صحن ) بالحصبيات المطر دخل علينا بالخيمة وكانو الشيبان نايمين الساعة 10,30 وتخبر الشباب لابد يسهرون شوي وأذكر كنا ماسكةً معنا نصلح صبيب ههههه قومنا الشيبان وشلنا الفرش الى أن خف المطر ونزل عنا شوي وفي الصباح كان الجو جميل كااااااااااااااايف بمعنى الكلمة ونشرنا الفرش على الجبل الى أن جفت, بس الحقيقة كان يوم لاينسى في حياتي . ج3/ طبعاً سوف يصيبني أحباط كبير ولكن أترك هذه الحالة وسوف أنتضر أي جديد في الجو سواء بالرياح أو أكون أبحث عن أي سدى أو قطعة نشو وسوف أتابعها الى أن يرزقنا الله منها الخير وبس : ) أخوي برق الجنوب والله أنك قلبت الدنيا علينا وخليتني أتذكر أشياء قديمة جداً منذ الصغر وأتذكر كل مادار في ذلك الزمان من الخيرات المطر - الضباب - النفيض - الديم الى يخلي الطين يربص والنخيل تخيس ... الله المستعان بس راحت ذيك الأيام والله يعيدها علينا إن شاء الله شكراً لك على الأسئلة الجميلة ومرورك أسعدني تقبل تحياتي |
اقتباس:
الله يبارك فيك أخوي رعد الصحاري وتســــــــــــــــــــــلم يالغالي تصدوق عاد والله توني أشوفه ههههههههههههههه مشكور على المرور الكريم وتقبل تحياتي |
اولا الف شكر يابو ريان على الاختيار الموفق
ثانيا اقول للغالي ابو نورة الف الف الف مبروك على المنصب الجديد والله يكون بعونك .. بارك الله فيك كفيت ووفيت بالردود يابو نورة.. لكن لدي سؤال بسيط وانا اخوك.. هنالك احداث كثيرة تحدث في وقتنا الحالي ونعايشها وتضايقنا كثير فما موقفك من هذه الاحداث وكيف تتعامل معها وانت ذو خبرة في مجال الانترنت ..سواء بانكارها وتحذير الامة منها من باب وتعاونوا على البر والتقوى او من باب تاييدها ولكي اوضح لك اكثر مثل الاحداث التي تمس العقيدة او تمس شؤون المجتمع فهل يكون لك مثلا حساب في الفيس بوك للرد على هاؤلاء او تبيين الحق واظهاره لهم؟...ام انك مهتم فقط بالطقس والبيئة ؟.. ارجو ان سؤالي كان واضحا يابو نورة والمعذرة على الاطالة يالغالي فهذا من باب المحبة .. موفق يالغالي |
مبروك أبو نوره المنصب الجديد
|
اقتباس:
الله يبارك فيك أخوي ابو فوزي ويعطيك العافية على الإطراء الجميل طبعاً أخي ابو فواز سؤالك لم يتضح لي ماالمقصود ولكن بالنسبة للمخالفات الشريعة فأنا لست من أصحاب العلم الشرعي لكي أكون مخول للرد عليها وبالنسبة للطقس والبيئة فأنا أحببت هذان المجالان وأحببت أن أكتب فيهم ولست متخصص بل مهتم وهاوي أشكرك على الأسئلة والمرور الكريم تقبل تحياتي |
اقتباس:
الله يبارك فيك أخوي عز الخوي وأشكرك على المرور الكريم وتقبل تحياتي |
السلام عليكم ورحمة الله وبركاته ابارك لك اخي حلول عيد الَنحر المبارك اعاده الله علينا وعليكم بالخير واليمن والبركه ومتعك الله بالصحه والعافيه بأذن الله وابارك لك المنصب الجديد رفع الله قدرك بالدنيا والاخره بس انا عتبان عليك لانك هاوشتن قبل فتره بخيمة متابعة الطقس وطلعت ذاك الليه من المنتدى وانا شايل بخاطري عليك والحين علمتك الي بخاطري وانا انسان صريح لليوم وانا منحرج من بعض الاعضاء لانك طيحت وجهي بينهم مشكور واسف على الكلام بس هو كرسي اعتراف ويجب ان تعترف ؟؟؟ |
اقتباس:
هلابك والله وكل عام وأنت بخير وبصحة وخروف قصدي وعافية الله يبارك فيك أخوي القبطان ويرفع قدرك يالغالي هههههههه أحول شايل علي يالقبطان من ذاك الحين يارجل خلها وفلها وتراني ماأذكرالموقف والله ولكن ذكرني تكفى ولكني أتذكر أن القبطان كان تحت معرف آخر وغيرته الى القبطان أو أنا غلطان وعلى العموم أعتذر لك كان أخطيت عليك بشي وعفا الله عما سلف هههههههههههه عادي يارجال حنا على ماقلت بكرسي الإعتراف والي بخاطرك عطناه مشكور على المرور ونحن بالخدمة تحياتي |
اقتباس:
الله يعطيك مليون عافيه هذي مجرد مداعبه بسيطه والى انت الخير والبركه وانا كنت ناصر التميمي وغيرته وصرت القبطانhttps://www.albrari.com/vb/images/icons/icon10.gif عاد عمرك شفت قبطان بمنطقه كله جبال وطعوس حايل... انت ماغلطت بشي رايتك بيضاء يالغالي بس بحاول اخلي رجولك تتراجف من الخوف مادامك على كرسي الاعتراف...ههههههه عندي سؤالين وبسدحهم لك.... هل سبق وزرت منطقة حائل واي الاماكن تفضلها؟؟ ماهي الوجبه المفضله لك خاصة بالشتاء؟؟ عندي طلب مو سؤال .......... ابي منك زياره لمنطقة حائل وتكون خاصه لي يعني اتشرف اكون معزبك؟؟ مشكووور |
مرحبا بالاستاذ ( النايف ) فرصه طيبه راح نتعرف فيها عليك اكثر ... 1- صف لنا شخصيتك في سطرين ؟ 2-وش يعجبك في المنتدى ؟ وش اللي مايعجبك ؟ 3-رايك بشباب اليوم ؟ ونصيحتك لهم ؟ 4- ما مدى رضاك عن نشاط الأعضاء؟ |
اقتباس:
|
هلا والله وسهلا
هلا بالنايف س- ليش اسم النايف ؟ ومن متى اخترت الاسم ؟ وهل انت اللي اخترته والا واحدن ثاني ؟ س - بيت شعر تردده دائما ؟ س- حكمتك في الحياة والتي تسير عليها وتسير بها عالمك؟ س- في ظل هذه الانعكاسات في محطيات التقلب الزمني الذي يطرأ على تلك البؤر الدينونية .. برأيك إلى حد تتكون تلك المنعطفات في الحياة في الخمسين سنة قادمة؟ افلقني ان جاوبت على السؤال السابع والله منتب سهل يابو عبدالمحسن |
اقتباس:
ههههههههههههههه أنا الي روعتك ياناصر لاتخاف علومك كلها عندي أنت ماتقرى وش أنا مسئول عنه في البراري وأكيد الإعلاميين ماتخفاهم هالحركات طبعاً زرت حائل مرتين مرة مع قروب البراري العام الماضي ومرة كذلك مع بعض مشرفي البراري كنا بمطارة السحاب من شمال غرب القصيم وصولاً الى حائل ثم العودة لشمال غرب القصيم الصراحة المنطقة التي أعجبتني هي التي بين القصيم وحائل المراكز التي مررناها بهذا الرابط مطاردة مشرفي البراري لأمطار شمال غرب القصيم وجنوب حائل الأكلة المفضلة ذكرتها سابق برد سابق ولكن لايمنع أن أذكرها لك هي كبدة الحاشي مع البصيلات والفلفل الأحمر الشقراوي وكذلك الفقع والعراجين أبشر بسعدك ومالك إلا الي يتصل بك إذا بغيت أجي أشكرك على المرور والأسئلة الجميلة بس تراك تخوف ماأدري ليه : ) تحياتي |
اقتباس:
هلابك والله يالغاالي سمحاق وصف الشخصية حنون حساس وأقشر عند اللزوم يعجبني في المنتدى الترابط والتواصل ومصداقية الخبر ومايعجبني التخريـــــــــــــــــــــــــــــــب من الدخــــــــــــــــــــــــــــــلاء ما أنزل الله به من سلطان شباب اليوم فيهم الصالح وفيهم الطالح وأقول للصالح من سار على الدرب وصل وأقول للطالح هداكم الله للسراط المستقيم كل يوم يروح فهم يتنافسون بينهم بشراسه وكل سنه أفضل من الآخرى بتطوير أنفسهم والمستفيد المتلقي بإذن الله وبس !! أشكرك أخي سمحاق على التكرم بالمرور وطرح الأسئلة الجميلة تحياتي لك |
اقتباس:
هههههههههههههههههههه كان جاوبت يابو عبدالله تراني مفوضك أبد خذ راحتك وش دعوى مهيب لقافة بالعكس تمون تشكراااااااااااااااااااااااااات على المرور : ) |
اقتباس:
هلابك أكثر يابو حاتم والله يابو حاتم هالأسم له قصه وذكرتها برد سابق رح دوره وتعرف قصته وبالنسبة لأختيار الأسم فهو أنا من أختار الأسم وبيت الشعر الذي أردده البروق يبرق ورى الصمان ** هيض قلوب الشقاوية لعشقي للبرق وكذلك أراضي الصمان حكمتي هي من يتهيب صعود الجبال ……. عاش ابد الدهري بين الحفر طبعاً خلال الخمسين السنه القادمة لكن يكون هناك إشارة تفيد أن هناك منعطفات بل سوف يكون هناك دراكيل تفيد بإشارة فوق تحت والله المستعان ولانشوفها إن شاء الله أنت الي والله منتب سهل يابوحاتم فقعت مخي بأسئلتك حسيت أن يوسف مساعدك علي ههههههههههه على العموم مشكور وإن شاء الله أكون وسعت صدرك بالأجوبة خابرك هذا الي تبيه مشكور وماقصرت على المرور تحياتي |
ويش إ لي حاصل يابو نوره أشوف ألربع طايحين فيك أسئله الله يكفي الشر (أنت ويش مسوي) عسى ماأعترفت بشي قل ماعرف ماشفت ماسمعت وأبشر والله معاك معاك على الحاروالبارد ههههههههههههههههههههههههههههههههههه أولاً مبروك ياذيبان تستاهل كل خير وأنت معودنا على تميزك وماهي غريبه منك وشرواك من الحاضرين والقراء وسؤالي هو 1- شيء ندمت على فعله وتمنيت لو لم تفعله 2-شيء ندمت أنك لم تفعله وتمنيت لو تفعله وسسسسسسسسسسسلامتك خلصت ألأسئله تمنياتي لك بالتوفيق دائماً وأبداً --- ابو احمد |
اتمنى منك اخي النااايف الاجابة على الاسئلة ,,
لاني ساقفل الموووضوع ولك مني جزيل الشكر.. |
السلااام عليكم
بصراحه ماعندي شي للنايف بس متى يجي دووورك يابرق تمير في كرسي الاعتراف |
اشكرك اخووي النااايف على ضيافتك هنا ,,
لك شكري وتقديري برق تمير |
| الساعة الآن 10:26 PM |
Powered by vBulletin .
جميع الحقوق محفوظة © لشبكة ومنتديات البراري 2010